គ្រូបង្រៀនកម្ពុជាឯករាជ្យលើកឡើងពីភាពខុសគ្នារវាងជីវភាពគ្រូបង្រៀន និងទំនិញទីផ្សារ រួមទាំងការចាប់ខ្លួនលោក រ៉ុង ឈុន
ដូចការគ្រោងទុកក្រុមគ្រូបង្រៀនមួយចំនួន ដែលដឹកនាំដោយសមាគមគ្រូបង្រៀនកម្ពុជាឯករាជ្យ បាននាំគ្នាប្រារព្ធពិធីជួបជុំគ្នានាព្រឹកថ្ងៃចន្ទនេះ នៅទីលានប្រជាធិបតេយ្យក្នុងខណ្ឌឬស្សីកែវ រាជធានីភ្នំពេញ ដើម្បីអបអរដល់ទិវាគ្រូបង្រៀនពិភពលោក។ នៅក្នុងពិធីជួបជុំគ្នានេះ លោកគ្រូ អ្នកគ្រូ ដែលតែងតែរិះគន់ចំណុចខ្វះចន្លោះនៃវិស័យអប់រំ បានថ្លែងតាមឧឃោសនស័ព្ទ បន្តបន្ទាប់គ្នាពីស្ថានភាពគ្រូបង្រៀននៅក្នុងប្រទេសកម្ពុជា ពីជីវភាពគ្រូបង្រៀន ប្រាក់បៀវត្សរ៍គ្រូបង្រៀន ធៀបទៅនឹងស្ថានភាពសេដ្ឋកិច្ចនៅតាមទីផ្សារជាដើម។ ក្រៅពីនេះ លោកគ្រូ អ្នកគ្រូ ក៏បានច្រៀងចំរៀងផ្សេងៗ ដែលពាក់ព័ន្ធទៅនឹងគ្រូបង្រៀន និងរំលេចពីលោក រ៉ុង ឈុន ដែលជាទីប្រឹក្សាសមាគមគ្រូបង្រៀនកម្ពុជាឯករាជ្យ ដែលបច្ចុប្បន្នលោក រ៉ុង ឈុន កំពុងត្រូវបានអាជ្ញាធរចាប់ខ្លួន និងឃុំខ្លួននៅក្នុងពន្ធនាគារក្រោយលោកនិយាយពាក់ព័ន្ធទៅនឹងបញ្ហាព្រំដែនកម្ពុជា វៀតណាម។
ចុះផ្សាយនៅថ្ងៃ៖
សូមស្តាប់ការលើកឡើងរបស់ ក្រុមគ្រូបង្រៀន៖
សូមស្តាប់ប្រសាសន៍លោក ហង់ ជួនណារ៉ុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ