កម្ពុជា

នៅកម្ពុជាជំនន់​ទឹក​ភ្លៀង៖សម្លាប់​មនុស្ស​១០​នាក់​នៅ​ក្នុង​ខេត្ត​ចំនួន​១០​

ស្ថានភាពទឹកជំនន់ក្នុងខេត្តបាត់ដំបងនៅថ្ងៃទី១០តុលាឆ្នាំ២០២០
ស្ថានភាពទឹកជំនន់ក្នុងខេត្តបាត់ដំបងនៅថ្ងៃទី១០តុលាឆ្នាំ២០២០ © ហ្វេសបុកក្រសួងធនធានទឹក

នៅ​កម្ពុជា​ជំនន់​ទឹក​ភ្លៀង​ជិត​១០​ថ្ងៃ​មក​នេះ សម្លាប់​មនុស្ស​១០​នាក់​រួម​ទាំង​កុមារ​ផង រាប់​ចាប់​តាំង​ពី​ថ្ងៃ​ទី១​ដល់​ថ្ងៃ​ទី​១០​តុលា ក្នុង​ខេត្ត​ចំនួន​១០។ នេះ​ជា​ការ​ឲ្យ​ដឹង​ជំហ៊ាន​បឋម​ពី​លោក ឃុន សុខា អ្នក​នាំ​ពាក្យគណៈកម្មាធិការ​ជាតិ​គ្រប់​គ្រង​គ្រោះ​មហន្តរាយ ដែល​បាន​ថ្លែង​ប្រាប់​វិទ្យុ​បារាំង​អន្តរជាតិ នៅ​ថ្ងៃ​អាទិត្យនេះ។ លោក ឃុន សុខា ឲ្យដឹងថា មូលហេតុ​នៃ​ការ​ស្លាប់ ដោយ​សារ​ជំនន់​ទឹក​ភ្លៀង​ធ្លាក់​មក​យ៉ាង​គំហុក រួមផ្សំ​នឹង​ទឹក​ហូរ​បូក​រួម​កម្ពស់​ទឹក​ហក់​ឡើង​លឿន ក៏​បណ្ដាល​ឲ្យ​ពលរដ្ឋ​លង់​ទឹក​ស្លាប់​បែប​នេះ។

ផ្សាយពាណិជ្ជកម្ម

សូមស្ដាប់ការឡើងរបស់លោក ឃុន សុខា អ្នក​នាំ​ពាក្យគណៈកម្មាធិការ​ជាតិ​គ្រប់​គ្រង​គ្រោះ​មហន្តរាយដូចតទៅ៖

KUN SOKHA BY HONG

សូម​ជម្រាប​ជូន​ថា ខេត្ត​ចំនួន​១០ ​ដែល​រង​ផល​ប៉ះពាល់​ពី​ជំនន់​ទឹក​ភ្លៀង​នោះ​រួមមាន៖  ប៉ៃលិន កំពង់ឆ្នាំង កំពង់ស្ពឺ កណ្ដាល ភ្នំពេញ តាកែវ ស្វាយរៀង ព្រះវិហារ បន្ទាយមានជ័យ ពោធិ៍សាត់ និងបាត់ដំបង ជាដើម។ ក្នុង​ចំណោម​អ្នក​ស្លាប់​ទាំង​១០​នាក់​នេះ ស្ថិត​នៅ​ក្នុង​ខេត្ត​បន្ទាយមានជ័យ ពោធិ៍សាត់ និងបាត់ដំបង។ ពោធិ៍សាត់ និងបាត់ដំបង ជា​ខេត្ត​ដែល​កំពុង​ទទួល​រង​ជំនន់​ទឹក​ភ្លៀង​យ៉ាង​ដំណំ​៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI