តុលាការកោះហៅលោក សម រង្ស៊ី និងអតីតមន្ត្រីជាន់ខ្ពស់បក្សសង្គ្រោះជាតិ ចូលសវនាការ ខណៈមេធាវីថា ជារឿងនយោបាយ។
ស្នងការនគរបាលរាជធានីភ្នំពេញ នៅរសៀលថ្ងៃទី ៣ខែវិច្ឆិកានេះ បានដឹកនាំមន្ត្រីយកដីការបស់សាលាដំបូងរាជធានីភ្នំពេញ ទៅបិទលើជញ្ជាំងទីស្នាក់ការអតីតគណបក្សសង្គ្រោះជាតិ ក្នុងសង្កាត់ចាក់អង្រែក្រោម រាជធានីភ្នំពេញ។ ជាដីកា កោះហៅលោក សម រង្ស៊ី និងមន្ត្រីជាន់ខ្ពស់ រួមទាំងសកម្មជនអតីតគណបក្សសង្គ្រោះជាតិ ជាច្រើននាក់ ដែលភាគច្រើន នៅក្រៅប្រទេសនោះ ឲ្យចូលរួមក្នុងសវនការ ដែលនឹងធ្វើឡើងនៅថ្ងៃទី ២៦ខែវិច្ឆិកាខាងមុខ ពាក់ព័ន្ធនឹងសំណុំរឿង «រួមគំនិតក្បត់» និង «ញុះញង់ឲ្យប្រព្រឹត្តបទល្មើសជាអាទិ៍»។ ជុំវិញរឿងនេះ លោកមេធាវី សំ សុគង់ ដែលការពារក្តីឲ្យអតីតមន្ត្រីជាន់ខ្ពស់អតីតបក្សសង្គ្រោះជាតិមួយចំនួន បានប្រាប់វិទ្យុបារាំង នៅល្ងាចថ្ងៃអង្គារនេះថា លោកនឹងទៅចូលរួមក្នុងសវនាការនេះ។ ប៉ុន្តែលោកថា រឿងនេះ ជារឿងនយោបាយ គេគួរដោះស្រាយតាមផ្លូវនយោបាយ ជាជាង ការប្រើប្រព័ន្ធតុលាការ កាត់ទោសដោយកំបាំងមុខ។
ចុះផ្សាយនៅថ្ងៃ៖ កែប្រែថ្ងៃទី៖
សូមស្តាប់ការលើកឡើងរបស់លោកមេធាវី សំ សុគង់៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ