អានតួអត្ថបទ
កម្ពុជា

ក្រុម​ការងា​ស្រង់​សម្ដី​សំខាន់ៗ​របស់​នាយករដ្ឋ​មន្ត្រី​ដើម្បី​យក​ទៅ​អនុវត្ត​ត្រូវ​បាន​បង្កើត​ឡើង

លោកនាយករដ្ឋមន្រ្តី ហ៊ុន សែន ក្នុងអំឡុងពេលធ្វើចត្តាឡីស័ក្ត១៤ថ្ងៃ
លោកនាយករដ្ឋមន្រ្តី ហ៊ុន សែន ក្នុងអំឡុងពេលធ្វើចត្តាឡីស័ក្ត១៤ថ្ងៃ © FB/SPMPage
ដោយ៖ អេង គីមហុង
១៣ នាទី

ក្រុម​ការងារ​សម្រង់​សម្ដី​សំខាន់ៗ​របស់​លោកនាយករដ្ឋមន្ត្រី ហ៊ុន សែន ត្រូវ​បាន​បង្កើត​ឡើង​តាម​រយៈសេចក្ដី​សម្រេច​ចុះ​ថ្ងៃ​ទី​១៣​វិច្ឆិកា របស់​ក្រសួង​ទំនាក់​ទំនង​រដ្ឋសភា និង​ព្រឹទ្ធសភា។ ក្រុម​ការងារ​នេះ​មានភារ​កិច្ច​តាម​ដាន និង​សម្រង់​សម្ដី​សំខាន់ៗ របស់​លោក​នាយក​រដ្ឋមន្ត្រី ហ៊ុន សែន សម្រាប់​ធ្វើ​ជា​បញ្ជី​ដាក់ឲ្យ​ស្ថានប័ន​ថ្នាក់​ជាតិ ថ្នាក់​ក្រោម​ជាតិ គ្រឹះ​ស្ថាន​សាធារណៈ​និង​ឯកជន អនុវត្ត​ក្នុង​គោល​ដៅ​លឿន​រហ័សនិង​មាន​ប្រសិទ្ធិភាព។ ចំណែក​សង្គម​ស៊ីវិល​មើល​ឃើញ​ថា យន្ត​ការ​ថ្មី​នេះ​មាន​ប្រសិទ្ធិ​ភាព​តិច​តួច​សម្រាប់ពលរដ្ឋ។ 

ផ្សាយពាណិជ្ជកម្ម

ក្រុម​ការងារ​សម្រង់​សម្ដី​សំខាន់ៗ​របស់​លោក​នាយក​រដ្ឋមន្ត្រី ហ៊ុន សែន ​មានសមាសភាព​១១រូប​។ ​ផ្អែកតាម​ប្រការ៣​នៃសេក្ដី​សម្រេចនេះ ​ក្រុមការងារ​សម្រង់​សម្ដីនាយករដ្ឋមន្ត្រី​ត្រូវរាយការណ៍​ជូន​រដ្ឋមន្ត្រីប្រចាំថ្ងៃ ​ប្រចាំសប្ដាហ៍ ​ប្រចាំខែ ​ឬ​ករណី​បន្ទាន់​អាចរាយការណ៍​តាមទូរសព្ទ​ ឬ​ប្រព័ន្ធ​អេឡិចត្រូនិច​នានា ដើម្បី​ក្រើនរំឭក​ឲ្យបង្កើន​ការអនុវត្ត​ទៅតាម​អនុសាសន៍ ​និង​សេចក្ដី​សម្រេចនានា​ដែលដាក់ចេញ​ដោយប្រមុខ​រដ្ឋាភិបាល​លោក ហ៊ុន សែន​ ក្នុងគោលដៅ​លឿនរហ័ស ​និង​មាន​ប្រសិទ្ធិភាព។

លោក សន ជ័យ ​ប្រធាន​អង្គការសម្ព័ន្ធគណនេយ្យភាព​សង្គមកម្ពុជា​បាន​ស្វាគមន៍​ចំពោះយន្តការថ្មីនេះ​តែលោក​យល់ថា ​ការដោះស្រាយ​បញ្ហាមួយ​ដែលមាន​ប្រសិទ្ធភាព​គឺអនុវត្តទៅតាមច្បាប់​រដ្ឋបាល ​ដែលមាន​ស្រាប់ ​និង​ជម្រុញឲ្យមន្ត្រីថ្នាក់ក្រោម​និង​ថ្នាក់ជាតិ​អនុវត្តជា​ចាំបាច់។ សម្រាប់លោក​ សន  ជ័យ​ ការដោះស្រាយ​បញ្ហាជូន​ប្រជាពលរដ្ឋ​មិនគួរផ្ដោត​ទៅលើ​ប្រជាប្រិយភាព​នយោបាយនោះទេ ​តែការដោះស្រាយ​បញ្ហាជូនពលរដ្ឋ​ដោយឈរ​លើយន្តការ​ច្បាប់​ដែលមាន​ស្រាប់​ដើម្បីបង្ហាញ​ពីនិរន្តភាព​នៃ​ដំណោះស្រាយ​យូរអង្វែង ​ហើយការ​ផ្ដល់សិទ្ធិ​សម្រេច​ឲ្យអាជ្ញាធរ​ថ្នាក់ក្រោមជាតិ ​វាចាំបាច់​ជាងការ​បង្កើត​យន្តការតាមដាន​ការអនុវត្ត​តាមប្រសាសន៍​នាយករដ្ឋមន្ត្រី​ទៅទៀត​។

ចំណែក ​លោក មាស នី ​អ្នកស្រាវបញ្ហាសង្គម​មើលឃើញថា ​យន្តការដោះស្រាយ​បញ្ហាជូន​ពលរដ្ឋ​នៅថ្នាក់ក្រោមជាតិ​កើតមាន​គ្រប់រូបភាព​មកហើយ ​តែនៅឡើយ​ប្រសិទ្ធិភាព​ដែល​ពលរដ្ឋ​ទទួល​បាន​មាន​កម្រិត​។​ នៅចំពោះ​មុខការដោះស្រាយ​បញ្ហានៅថ្នាក់ក្រោមជាតិ​ប្រសិទ្ធិភាព​នៅមានកម្រិត ​លោក មាស នី ​ស្នើឲ្យអាជ្ញាធរ​រកដំណោះស្រាយ​នៃបញ្ហា​ដោយឈរ​ជាជំហរ​ភ្នែកច្រមុះរដ្ឋាភិបាល ​ប្រសើរជាង​ក្នុងនាម​គណបក្ស​នយោបាយ​។ 

ជាការកត់​សម្គាល់ ​នៅក្នុងការរួម​ចំណែក​ដោះស្រាយបញ្ហា​ជូនប្រជាពលរដ្ឋ​នៅថ្នាក់​ក្រោមជាតិ ​គេសង្កេត​ឃើញថា ​មានយន្តការ​ជាច្រើន​ត្រូវបានដាក់ចេញ​ជាបន្តបន្ទាប់​ ក្នុងនោះ​រួមមាន​៖​យន្តការ​ដោះស្រាយ​កង្វល់​ប្រជាពលរដ្ឋ ​តាមរយៈទំព័រ​ហ្វេសប៊ុក​ដែលក្រសួង​មហាផ្ទៃ​កំពុងតែ​អនុវត្ត ​និង​ត្រូវបាន​ក្រសួង​មហាផ្ទៃ​អះអាងថា ​ដោះស្រាយ​បញ្ហាជូន​ប្រជាពលរដ្ឋ​បាន​ច្រើន​ករណី៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ