អានតួអត្ថបទ
កម្ពុជា-កូវីដ១៩

ព្រឹត្តិការណ៍សហគមន៍២៨វិច្ឆិកា៖អ្នកឆ្លងកូវីដ១៩បានកើនឡើងដល់១៤នាក់ហើយ

ក្រុមគ្រូពេទ្យកម្ពុជា កំពុងយកចិត្តទុកដាក់ ក្នុងការតាមដាន និងព្យាបាលអ្នកជំងឺកូវីដ១៩នៅកម្ពុជា។​
ក្រុមគ្រូពេទ្យកម្ពុជា កំពុងយកចិត្តទុកដាក់ ក្នុងការតាមដាន និងព្យាបាលអ្នកជំងឺកូវីដ១៩នៅកម្ពុជា។​ © CDC
ដោយ៖ អ៊ឹង ប៊ុនថន
១២ នាទី

មនុស្ស​៨​នាក់​ទៀត​ត្រូវ​បាន​រក​ឃើញ​ថា​ បាន​ឆ្លង​កូវីដ១៩​ នៅ​ថ្ងៃ​ទី​២៩​វិច្ឆិកា​ ដែល​ធ្វើ​ឲ្យ​ចំនួន​អ្នក​ឆ្លង​សរុប​​ក្នុង«​ព្រឹត្តិការណ៍​សហគមន៍​២៨​វិច្ឆិកា» បាន​កើន​ឡើង​ដល់​១៤​នាក់​ហើយ​គិត​ត្រឹម​ព្រឹក​ថ្ងៃចន្ទ​នេះ​។ លទ្ធផល​វិជ្ជមាន​កូវីដ១៩​នេះ​ គឺជា​លទ្ធផល​នៃ​សំណាក​របស់​មនុស្ស​២.២៤៨នាក់​ ខណៈ​មនុស្ស​នៅ​សល់​​១.០៨៤​នាក់​ទៀត​ដែល​បាន​យក​សំណាក​ទៅ​ធ្វើ​តេស្ត​នៅ​មិន​ទាន់​ចេញ​លទ្ធផល​នៅ​ឡើយ​។

ផ្សាយពាណិជ្ជកម្ម

ក្រសួងសុខាភិបាលនៅតែបន្តអំពាវនាវដល់​អ្នក​ដែល​ពាក់ព័ន្ធ​នឹង​«​ព្រឹត្តិការណ៍សហគមន៍២៨​វិច្ឆិកា» ត្រូវ​​តែ​មកធ្វើ​តេស្តឲ្យបានគ្រប់គ្នា និង​នៅដាច់​ដោយ​ឡែក​១៤​ថ្ងៃ។ សម្រាប់អ្នក​ដែលមិនមានផ្ទះ​សម្រាប់​ធ្វើ​ចត្តាឡីស័ក្ត គឺក្រ​សួង​សុខាភិបាល​ប្រាប់​ឲ្យ​ទៅ​ស្នាក់នៅ​សណ្ឋាគារ​សុខា-ភ្នំពេញ ខណៈអ្នក​នៅតាម​ខេត្ត​គឺត្រូវទៅមណ្ឌល​ចត្តាឡីស័ក្ត​ដែលរៀបចំដោយ​អាជ្ញាធរ ហើយ​ការចំណាយ​ធ្វើ​តេស្ត​ និង​ការ​ស្នាក់នៅធ្វើ​ចត្តាឡីស័ក្ត​ជា​បន្ទុក​របស់​រដ្ឋ។

គិតត្រឹម​ថ្ងៃទី២៩​វិច្ឆិកា ក្រសួង​សុខាភិបាល​បានធ្វើ​តេស្ត​លើសំណាក​របស់​មនុស្ស៣.៣៣២នាក់ ដែល​ច្រើន​ជាងគេគឺនៅភ្នំពេញ និង​ខេត្តចំនួន៧ទៀត ដូចជា បន្ទាយមានជ័យ បាត់​ដំបង ស្ទឹង​ត្រែង មណ្ឌលគិរី ព្រះ​វិហារ និង​សៀម​រាប ជាដើម។ ក្នុងចំណោម​សំណាកមនុស្ស២.២៤៨នាក់ គឺមានអ្នក​វិជ្ជមានកូវីដ១៩​ចំនួន​១៤នាក់ ខណៈនៅសល់​​១.០៨៤​នាក់​ទៀតដែលបានយក​សំណាកទៅធ្វើ​តេស្ត​នៅមិនទាន់​ចេញ​លទ្ធផលនៅឡើយ។

អ្នក​ដែល​ឆ្លង​កូវីដ​ទាំង១៤នាក់នេះគឺ​សុទ្ធតែជាអ្នកពាក់ព័ន្ធ​នឹង​«​ព្រឹត្តិការណ៍សហគមន៍២៨​វិច្ឆិកា» ដែល​មាន​ភរិយាអគ្គនាយកពន្ធនាគារ​ត្រូវបានរក​ឃើញមុន។

ចំណែកអ្នក​ដែលឆ្លង​បន្តបន្ទាប់ក្រៅពីក្រុមគ្រួសារនេះ​គឺមានស្ត្រីខ្មែរអាយុ​៣៦ឆ្នាំ​រស់​នៅសង្កាត់​ទួលទំពូង ដែល​មានស្វាមីជាអនុប្រធាន​នាយកដ្ឋានពន្ធនាគារ ខណៈ​ស្ត្រីអាយុ២៤​ឆ្នាំ​ម្នាក់​ទៀតនៅសង្កាត់​ឃ្មួញ ​ដែល​មាន​ស្វាមី​ជា​មន្ត្រី​នាយកដ្ឋាន​ព័ត៌មាន​នៃក្រសួងមហាផ្ទៃក៏ឆ្លងជំងឺនេះដូចគ្នា។

រីឯមនុស្ស៦នាក់​ទៀត ​រាប់ទាំងកុមារអាយុ៧ឆ្នាំ​ផង ​​រស់​នៅ​សង្កាត់​និរោធ​ ខណ្ឌច្បារអំពៅ​ ដែលជាអ្នក​ពាក់ព័ន្ធ​​«​ព្រឹត្តិការណ៍សហគមន៍២៨​វិច្ឆិកា»ដែរនោះ​គឺមានវិជ្ជមានកូវីដ១៩ ហើយពួកគេទាំងនោះ​ត្រូវ​ដាក់សម្រាក​ព្យាបាលនៅមន្ទីរពេទ្យរុស្ស៊ី៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ