អានតួអត្ថបទ
កូវីដ១៩

ខេត្តព្រះសីហនុត្រៀមអគារធ្វើចត្តាឡីស័កចំនួន៣ទីតាំង ដើម្បីត្រៀមទប់ស្កាត់កូវីដ១៩

លោក កួច ចំរើន អភិបាលខេត្តព្រះសីហនុ
លោក កួច ចំរើន អភិបាលខេត្តព្រះសីហនុ © Internet
ដោយ៖ អ៊ឹម រចនា
៦ នាទី

អភិបាលខេត្តព្រះសីហនុ លោក គួច ចំរើន នៅថ្ងៃទី ៣ ធ្នូនេះ បានចុះទៅពិនិត្យមើលអគារសម្រាប់ធ្វើចត្តាឡីស័កចំនួន៣ទីតាំងដែលស្ថិតនៅក្នុងសង្កាត់លេខ៣ ក្រុងព្រះសីហនុ ដើម្បីទុកទទួលភ្ញៀវទេសចរបរទេសមកកាន់ខេត្តព្រះសីហនុ និងជាការត្រៀមបង្ការទប់ស្កាត់ការផ្ទុះរីករាលដាលនៃជំងឺកូវីដ-១៩។ បន្ថែមលើនេះ លោក គួច ចំរើន ក៏បានបន្តទៅពិនិត្យមើលការសាងសង់អគារមន្ទីរពិសោធន៍វេជ្ជសាស្រ្តក្នុងមន្ទីរពេទ្យបង្អែកខេត្តព្រះសីហនុផងដែរ។

ផ្សាយពាណិជ្ជកម្ម

មន្ទីរពិសោធន៍វេជ្ជសាស្ត្រដែលនិងបំពាក់ដោយម៉ាស៊ីនវិភាគ និងបរិក្ខារពេទ្យទំនើបៗនេះ មានទីតាំងស្ថិតនៅសង្កាត់លេខ៤ ក្រុងព្រះសីហនុ សាងសង់​ឡើង​ដើម្បីពិនិត្យវិភាគរកមេរោគកូវីដ-១៩ និងជំងឺឆ្លងផ្សេងៗទៀត ដោយមិនចាំបាច់បញ្ជូនវត្ថុសំណាកមក​វិភាគនៅវិទ្យាស្ថានប៉ាស្ទ័រកម្ពុជាក្នុងរាជធានីភ្នំពេញ។

គួរជំរាបជូនថា កម្ពុជាបាននិងកំពុងសាងសង់អគារមន្ទីរពិសោធន៍វេជ្ជសាស្ត្រថ្មីចំនួន៣បន្ថែមទៀត បន្ថែមលើមន្ទីរពិសោធន៍ដែលមានស្រាប់នៅភ្នំពេញ។ អគារ​មន្ទីរ​ពិសោធន៍​វេជ្ជសាស្ត្រ​ទាំង​៣​នោះ រួម​មាន៖ ១.ស្ថិតនៅក្នុងមន្ទីរពេទ្យបង្អែកខេត្តព្រះសីហនុ ទី២.ស្ថិតនៅក្នុងខេត្តបាត់ដំបង និងទី៣ គឺស្ថិតនៅក្នុងមន្ទីរពេទ្យបង្អែកខេត្តសៀមរាប៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ