អានតួអត្ថបទ
កម្ពុជា-កូវីដ១៩

ការធ្វើតេស្តទៅលើអ្នកពាក់ព័ន្ធក្នុងព្រឹត្តិការណ៍សហគមន៍នឹងត្រូវធ្វើឡើងនៅស្តាតអូឡាំពិក

រដ្ឋបាលរាជធានីភ្នំពេញចុះត្រួតពិនិត្យពហុកីឡាដ្ឋានជាតិ មុននឹងដាក់ឲ្យក្រសួងសុខាភិបាលយកជាទីតាំងធ្វើតេស្តរកជំងឺកូវីដ១៩នៅក្នុងព្រឹត្តិការណ៍២៨វិច្ឆិកា នៅថ្ងៃទី០៨ខែធ្នូ ខាងមុខ
រដ្ឋបាលរាជធានីភ្នំពេញចុះត្រួតពិនិត្យពហុកីឡាដ្ឋានជាតិ មុននឹងដាក់ឲ្យក្រសួងសុខាភិបាលយកជាទីតាំងធ្វើតេស្តរកជំងឺកូវីដ១៩នៅក្នុងព្រឹត្តិការណ៍២៨វិច្ឆិកា នៅថ្ងៃទី០៨ខែធ្នូ ខាងមុខ © FB
ដោយ៖ ញឹម សុផល
៦ នាទី

ក្រសួ​ងអប់រំ​ យុវជន​ និង​កីឡា ​នៅ​ថ្ងៃ​ទី​០៤​ ខែធ្នូ​នេះ​ បាន​ប្រកាស​ផ្អាក​ការ​ហាត់​ប្រាណ ​លេង​កីឡា​គ្រប់​ប្រភេទ​ និង​ការ​ចេញ​-ចូល​ក្នុង​បរិវេណ​ពហុកីឡដ្ឋាន​ជាតិ​អូឡាំពិក​ ដើម្បី​យក​ទីតាំង​ដ៏​ទូលាយ​ ១​នេះ​ ឲ្យ​ក្រសួង​សុខាភិបាល​ ប្រើប្រាស់​សម្រាប់​យក​សំណាក​ធ្វើ​តេស្ត​កូវីដ១៩​ ក្រោយ​ព្រឹត្តិការណ៍​ «សហគមន៍២៨វិច្ឆិកា»​។ ក្រសួង​អប់រំ​បាន​បញ្ជាក់​ថា​ ការ​ផ្អាក​ការ​ហាត់​ប្រាណ​ លេង​កីឡា​គ្រប់​ប្រភេទ​ និង​ការ​ចេញ-ចូល​ក្នុង​បរិវេណ​ពហុកីឡដ្ឋាន​ជាតិ​អូឡាំពិក​ ចាប់​ពី​ថ្ងៃ​ទី​០៧​ ដល់​ ទី​១២​ ខែ​ធ្នូ​ ឆ្នាំ​២០២០​។ រីឯ​បុគ្គលិក​អប់រំ​ ដែល​មាន​ទីតាំង​បម្រើ​ការងារ​ ក្នុង​បរិវេណ​ពហុកីឡដ្ឋាន​ជាតិ​ ត្រូវ​បន្ត​ធ្វើ​ការ​តាម​អនឡាញ​។ នេះ​បើ​តាម​សេចក្តី​ជូន​ដំណឹង​របស់​ក្រសួងអប់រំ។ សូម​បញ្ជាក់​ថា​  លោកស្រី​ យក់ សម្បត្តិ ​រដ្ឋលេខាធិការ​ក្រសួង​សុខាភិបាល​ បាន​ បញ្ជាក់​ប្រាប់​អ្នក​កាសែត​ថា​មនុស្ស​ប្រមាណ​ ពី​ ៥០០០ ​ទៅ ​៦០០០ ​នាក់ ​ដែល​សង្ស័យ​ជាប់​ពាក់ព័ន្ធ​នឹង​ព្រឹត្តិការណ៍​សហគមន៍​ ថ្ងៃ​២៨វិច្ឆិកា​ នឹង​ត្រូវ​ធ្វើ​តេស្ត​នៅ​ ថ្ងៃ​ទី​ ៨​ ខែ​ធ្នូ​ ខាង​មុខ​ ខណៈ​ពេល​នេះ​អ្នក​ឆ្លង​កូវីដ​១៩​ ក្នុង​ហេតុការណ៍​នេះ​ ​សរុប​ចំនួន ​២៣​នាក់ ​គិត​មក​ត្រឹម​រសៀល​ថ្ងៃ​សុក្រ​នេះ។

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ