អានតួអត្ថបទ
កម្ពុជា-កូវីដ១៩

ព្រឹត្តិការណ៍២៨វិច្ឆិកា៖ រកឃើញកូវីដ១៩ចំនួន៩នាក់បន្ថែមទៀតនៅល្ងាចនេះគឺកើនដល់១៣នាក់

ភ្ញៀវទេសចរអន្តរជាតិ នៅឯព្រលានយន្តហោះអន្តរជាតិ ភ្នំពេញ ក្នុងអំឡុងពេលកូវីដ១៩ នាពេលកន្លងមក
ភ្ញៀវទេសចរអន្តរជាតិ នៅឯព្រលានយន្តហោះអន្តរជាតិ ភ្នំពេញ ក្នុងអំឡុងពេលកូវីដ១៩ នាពេលកន្លងមក AP - Heng Sinith
ដោយ៖ អ៊ឹង ប៊ុនថន
៧ នាទី

​ក្រសួងសុខាភិបាល​ ​បាន​រក​ឃើញ​ករណី​វិជ្ជមាន​វី​រុ​ស​កូ​វី​ដ​១​៩​ ​ចំនួន​៩​នាក់​ទៀត​នៅ​ល្ងាចថ្ងៃសុក្រ​នេះ​ ​ក្នុង​នោះ​មាន​បុគ្គលិក​ធ្វើការ​នៅ​ហាង​ ​P​e​d​ro ​៦​នាក់​បន្ថែម​ទៀត​ ​និង​អ្នកដំណើរ​មកពី​សហរដ្ឋអាមេរិក​៣​នាក់​ដែល​ឆ្លងកាត់​កោះ​តៃ​វ៉ាន់​។​ ​ដូច្នេះ​លទ្ធផលវិជ្ជមាន​វី​រុ​ស​កូ​វី​ដ​១​៩​ ​នៅ​ថ្ងៃ​ទី​៤​ធ្នូ​នេះ​គឺ​មាន​ចំនួន​១​៣​នាក់​ ​ខណៈ​បុគ្គលិក​ហាង​ ​P​e​d​ro ​នៅ​ផ្លូវ​ព្រះ​សី​ហ​នុ ​គឺ​បាន​ឆ្លង​កូ​វី​ដ​១​៩​កើន​ឡើង​ដល់​៧​នាក់​ហើយ​។​ ​នេះ​បើ​តាម​លោកស្រី​ ​យក់​ ​សម្បត្តិ​ ​រដ្ឋលេខាធិការ​ក្រសួងសុខាភិបាល​។​ ​សូម​បញ្ជាក់​ថា​ ​នៅ​ព្រឹកមិញ​នេះ​ ​មាន​មនុស្ស​ចំនួន​៤​នាក់​ត្រូវ​បាន​រក​ឃើញ​ឆ្លង​កូ​វី​ដ​១​៩​ ​ក្នុង​នោះ​៣​នាក់​ជា​សាច់ញាតិ​នឹង​បុរស​អាយុ​២​៣​ឆ្នាំ​ធ្វើការ​នៅ​ធនាគារ​ចិន​ ​ដែល​បាន​រក​ឃើញ​មាន​វី​រុ​ស​កូ​វី​ដ​-​១​៩​ ​នៅ​ថ្ងៃ​ទី​០​២​ខែ​ធ្នូ​។​ ​អ្នក​ទាំង​៣​នោះ​រួម​មាន​៖​ ​បុរស​ជន​ជាតិខ្មែរ​អាយុ​៣​៩​ឆ្នាំ​, ​ស្ដ្រីជន​ជាតិខ្មែរ​អាយុ​៣​២​ឆ្នាំ​, ​និង​កុមារា​ជន​ជាតិខ្មែរ​អាយុ​៣​ឆ្នាំ​។​ ​អ្នក​ទាំង​បី​រស់នៅ​លឹម​ឈាង​ហាក់​ ​សង្កាត់​វាល​ស្បូវ​ ​ខណ្ឌ​ច្បារអំពៅ​ ​រាជធានី​ភ្នំពេញ​។​ ​បើ​តាម​ ​លោកស្រី​ ​យក់​ ​សម្បត្តិ​ ​ហាង​លក់​សំលៀកបំពាក់​ ​P​e​d​ro ​ក៏​ត្រូវ​បាន​អាជ្ញាធរ​សម្រេច​បិទ​បណ្តោះអាសន្ន​ផង​ដែរ​៕

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ