អានតួអត្ថបទ
កម្ពុជា-កូវីដ១៩

កូវីដ​-១៩៖ ក្រសួង​ស្នើ​កុំ​ឲ្យ​ពលរដ្ឋ​ដើរ​ហើរ​បើ​មិន​ចាំ​បាច់

ប្រជាជនកម្ពុជាក្នុងអំឡុងពេលវត្តមាននៃវីរុសកូរ៉ូណា ឬហៅថា កូវីដ១៩
ប្រជាជនកម្ពុជាក្នុងអំឡុងពេលវត្តមាននៃវីរុសកូរ៉ូណា ឬហៅថា កូវីដ១៩ REUTERS - STRINGER
ដោយ៖ អ៊ឹម រចនា
៩ នាទី

នៅ​ក្នុង​ពេល​ដែល​កូវីដ-១៩ ផ្ទុះ​ឡើង​នៅ​ក្នុង​សហគមន៍ ក្រសួង​សុខាភិបាល​កម្ពុជា​បាន​ស្នើ​ឲ្យ​ពលរដ្ឋ​ទាំង​អស់​កុំ​ចេញ​ក្រៅ​ផ្ទះ​បើ​មិន​ចាំ​បាច់​។ និង​ថា ក្នុង​ករណី​ចាំ​បាច់​ដែល​ត្រូវ​ចេញ​ក្រៅ​ផ្ទះ ពលរដ្ឋ​ត្រូវ​ពាក់​ម៉ាស់​ជាប់​ជានិច្ច និង​ត្រូវ​លាង​សម្អាត​ដៃ​ជាមួយ​សាប៊ូ​និង​ទឹក​ស្អាត ឬ​អាល់កុល ឬ​ទឹក​ដែល​មាន​សម្រាប់​លាង​ដៃ​ឲ្យ​បាន​ញឹកញាប់​។

ផ្សាយពាណិជ្ជកម្ម

«សភាព​ធម្មតា​តាម​បែប​គន្លង​ថ្មី» នេះ​គឺ​ជា​អ្វី​ដែល​ពលរដ្ឋ​គ្រប់​គ្នា​ត្រូវ​សម្រប​ខ្លួន​តាម នៅ​ក្នុង​ពេល​ដែល​កម្ពុជា​កំពុង​តែ​ត្រូវ​វាយ​លុក​ដោយ​ជំងឺ​កូវីដ​-១៩ នៅ​ក្នុង​សហគមន៍​។ ក្រសួង​សុខាភិបាល តាម​រយៈ​សេចក្ដី​ប្រកាស​ព័ត៌មាន​ប្រចាំ​ថ្ងៃ​របស់​ខ្លួន បាន​អំពាវនាវ​ឲ្យ​ពលរដ្ឋ​រាល់​គ្នា នៅ​ផ្ទះ កុំ​ដើរ​ហើរ​ក្នុង​ករណី​មិន​ចាំ​បាច់​។

ប្រសិន​បើ​ចាំ​បាច់​ចេញ​ក្រៅ​ផ្ទះ​មែន​នោះ ក្រសួង​រំឭក​ឲ្យ​ពលរដ្ឋ​ប្រកាន់​ខ្ជាប់​នូវ​វិធាន​អនាម័យ។ វិធាន​អនាម័យ​ដែល​មាន​ជា​អាទិ៍៖ ​ត្រូវ​ពាក់​ម៉ាស់​ជាប់​ជានិច្ច និង​ត្រូវ​លាង​សម្អាត​ដៃ​ជាមួយ​សាប៊ូ​និង​ទឹក​ស្អាត ឬ​អាល់កុល ឬ​ទឹក​ដែល​មាន​សម្រាប់​លាង​ដៃ​ឲ្យ​បាន​ញឹកញាប់​ ជា​ពិសេស​គឺ​មិន​ត្រូវ​យក​ដៃ​ដែល​មិន​បាន​លាង​សម្អាតមក​ប៉ះ​ផ្ទៃ​មុខ​មាត់​របស់​ខ្លួន។ ពលរដ្ឋ​ត្រូវ​រក្សា​គម្លាត​សុត្ថិភាព​សង្គម មិន​ត្រូវ​ជួប​ជុំ​គ្នា​លើស​ពី​២០​នាក់ និង​ត្រូវ​រក្សា​គម្លាត​សុវត្ថិភាព​បុគ្គល​ឲ្យ​បាន​លើស​ពី​មួយ​ម៉ែត្រ​កន្លះ​ឡើង​ទៅ​ជា​ចាំ​បាច់​។

អាជ្ញាធរ​សុខាភិបាល​កម្ពុជា​រំឭក​ម្ដង​ហើយ​ម្ដង​ទៀតថា ការ​អនុវត្ត​វិធាន​សុវត្ថិភាព​ទាំង​នេះ មាន​សារៈសំខាន់​ណាស់​ដើម្បី​ទប់​ស្កាត់​ការ​ឆ្លង​រាល​ដាល​ក្នុង​សហគមន៍​ទ្រង់​ទ្រាយ​ធំ។ និង​ថា វីរុស​កូវីដ-១៩ មិន​ទាន់​ទៅ​ណា​ឆ្ងាយ​នៅ​ឡើយ​ទេ។ វីរុស​នេះ បើ​តាម​ក្រសួង​សុខាភិបាល នឹង​វាយ​លុក​សរីរាង្គកាយ​មនុស្ស​នៅ​ពេល​ដែល​មនុស្ស​ធ្វេស​ប្រហែស៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ