អានតួអត្ថបទ
កម្ពុជា-នយោបាយ

មួយ​ខែ​មុន​មាតុភូមិ​និវត្តន៍ អតីត​បក្ស​ប្រឆាំង​ចាប់​ផ្ដើម​រាប់​ថយ​ក្រោយ​

លោក​ស្រី មួរ សុខហួរ អនុប្រធាន​អតីត​គណបក្ស​សង្គ្រោះ​ជាតិ ផ្ដល់​បទ​សម្ភាស​ដល់​កាសែត Reuters នៅ​ថ្ងៃ​ពុធ ទី​០៤ តុលា ២០១៧ ដោយ​មិន​បង្ហើប​ពី​ទីតាំង​។​
លោក​ស្រី មួរ សុខហួរ អនុប្រធាន​អតីត​គណបក្ស​សង្គ្រោះ​ជាតិ ផ្ដល់​បទ​សម្ភាស​ដល់​កាសែត Reuters នៅ​ថ្ងៃ​ពុធ ទី​០៤ តុលា ២០១៧ ដោយ​មិន​បង្ហើប​ពី​ទីតាំង​។​ REUTERS
ដោយ៖ អ៊ឹម រចនា | វ៉ា សំណព្វ
៩ នាទី

នៅ​ថ្ងៃ​ទី​០៤​ខែ​ធ្នូ​នេះ អតីត​គណបក្ស​សង្គ្រោះ​ជាតិ​បាន​ចាប់​ផ្ដើម​រាប់​ថយ​ក្រោយ​សម្រាប់​ដំណើរ​មាតុភូមិ​និវត្តន៍​របស់​ខ្លួន។ ជា​ដំណើរ​មាតុភូមិ​និវត្តន៍ ដែលគ្រោង​ធ្វើ​ឡើង​នា​ថ្ងៃ​ទី​០៤​ខែ​មករា​ឆ្នាំ​២០២១​ និង​ដែល​ដឹក​នាំ​ដោយ​លោក​ស្រី មួរ សុខហួរ អនុប្រធាន​អតីត​គណបក្ស​សង្គ្រោះជាតិ​។

ផ្សាយពាណិជ្ជកម្ម

ការ​ធ្វើ​មាតុភូមិ​និវត្តន៍​នៃ​​មន្ដ្រី​អតីត​គណបក្ស​ប្រឆាំង​នា​ដើម​ឆ្នាំ​ក្រោយ​នេះ ធ្វើ​ឡើង​តាម​សេចក្ដី​សម្រេច​របស់​កិច្ច​ប្រជុំ​តាម​អនឡាញ​មួយ ដែល​ប្រព្រឹត្ត​ធ្វើ​កាល​ពី​ថ្ងៃ​ទី​២៨​និង​២៩​ខែ​វិច្ឆិកា​កន្លង​ទៅ​។ តាម​រយៈ​កិច្ច​ប្រជុំ​នេះ អតីត​គណបក្ស​សង្គ្រោះ​ជាតិ​បាន​សម្រេច​ឱ្យ​មន្រ្តី​របស់​ខ្លួន​ដែល​មាន​ឈ្មោះ​ក្នុង​ដីកា​ហៅ​របស់​តុលាការ​ចូល​មក​ប្រទេស​កម្ពុជា​វិញ​។ 

ថ្លែង​ប្រាប់​វិទ្យុ​បារាំង​អន្ដរជាតិ RFI លោកស្រី មួរ សុខហួរ ដែល​មានលិខិតឆ្លងដែនបរទេស យល់ថា ប្រតិភូ​អតីត​បក្ស​ប្រឆាំង​អាចនឹងទទួលបានផលល្អ ក្នុងការធ្វើមាតុភូមិនិវត្តន៍មកប្រទេសកម្ពុជាវិញ នៅថ្ងៃ០៤ ខែមករា ឆ្នាំ២០២១ខាងមុខនេះ។

ជុំ​វិញគម្រោង​មាតុភូមិ​និវត្តន៍​នៃ​មន្ដ្រី​អតីត​បក្ស​ប្រឆាំង​នេះ គណបក្សប្រជាជនកម្ពុជាដែលកំពុងដឹកនាំរដ្ឋាភិបាលបច្ចុប្បន្ន បានហៅក្រុមថ្នាក់ដឹកនាំអតីតបក្សប្រឆាំង ថា​ជាមនុស្សដែលប្រជាជនកម្ពុជាមិនស្វាគមន៍។ លោកសុខ ឥសាន អ្នកនាំពាក្យគណបក្សប្រជាជនកម្ពុជា ធ្លាប់​បានគូសបញ្ជាក់ប្រាប់​វិទ្យុ​បារាំង​អន្ដរជាតិ RFI ថា នៅពេលដែលសមាជិកអតីតគណក្សបក្សប្រឆាំងមកដល់ប្រទេសកម្ពុជាកាល​​ណា នោះ​អាជ្ញាធរមានសមត្ថកិច្ចនឹងចាត់ការតាមផ្លូវច្បាប់កម្ពុជាភ្លាម៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ