អានតួអត្ថបទ
កម្ពុជា-កូវីដ១៩

កូវីដ១៩៖សហភាពអឺរ៉ុបបន្ថែមថវិកា៣,៤៥ លានដុល្លារទៀតដល់កម្ពុជា

កុមារាជាសិស្សកំពុងលាងសម្អាតដៃរបស់ខ្លួន ដើម្បីការថែរក្សាអនាម័យខ្ពស់
កុមារាជាសិស្សកំពុងលាងសម្អាតដៃរបស់ខ្លួន ដើម្បីការថែរក្សាអនាម័យខ្ពស់ © ​​EU
ដោយ៖ អ៊ឹង ប៊ុនថន
១២ នាទី

​សហភាព​អឺរ៉ុប​ប្រកាស​នៅ​ថ្ងៃ​ទី​៤​ធ្នូ​ម្សិលមិញ​ថា​ ​ក្រុម​អឺរ៉ុប​ផ្តល់​មូលនិធិ​ជា​ទឹកប្រាក់​សរុប​ចំនួន​ ​២​០​ ​លាន​អឺ​រ៉ូ ​សម្រាប់​គាំទ្រ​ដល់​ ​ប្រព័ន្ធ​សុខាភិបាល​ ​នៅ​សហ​គម​អា​ស៊ាន​ ​ក្នុង​នោះ​ទឹកប្រាក់​ចំនួន​ ​២​,​៨​៥​ ​លាន​អឺ​រ៉ូ ​ឬ​ស្មើនឹង​៣​,​៤​៥​ ​លាន​ដុល្លារ​សម្រាប់​ជួយ​កម្ពុជា​ក្នុង​បញ្ហា​កូ​វី​ដ​១​៩​។​ ​នេះ​ជា​ជំនួយ​លើក​ទី​២​របស់​សហភាព​អឺរ៉ុប​មកកាន់​កម្ពុជា​ ​ដែល​ពី​ពេល​កន្លងទៅ​នេះ​ ​សហភាព​អឺរ៉ុប​ក៏បាន​ផ្តល់​ជំនួយ​ជា​ថវិកា​ប្រមាណ​ ​៦​០​លាន​ដុល្លារ​អាមេរិក​ផង​ដែរ​ ​សម្រាប់​ដោះស្រាយបញ្ហា​កូ​វី​ដ​១​៩​នៅ​កម្ពុជា​។

ផ្សាយពាណិជ្ជកម្ម

​ការប្រកាស​ដូច្នេះ ​គឺ​នៅ​ពេល​សហភាព​អឺរ៉ុប​ប្រកាស​បើក​ដំណើរការ​នូវ​កម្មវិធី​ថ្មី​មួយ​ដើម្បី​ជួយ​គាំទ្រ​ ​ដល់​ប្រព័ន្ធ​សុខាភិបាល​របស់​ដៃគូ​អភិវឌ្ឍ​ទាំង​ ​៨​ ​របស់​ខ្លួន​ដែល​ស្ថិត​ ​ក្នុង​តំបន់​អា​ស៊ាន​។​ ​កម្មវិធី​ឆ្លើយតបនឹង​ការ​ត្រៀម​បង្ការ​ជម្ងឺរាតត្បាត​ ​នៅ​តំបន់​អាស៊ី​អាគ្នេយ៍​ ​នឹង​ត្រូវ​អនុវត្ត​កម្មវិធី​ដោយ​អង្គការសុខភាព​ពិភពលោក​ ​ដោយធ្វើ​កា​រយ៉ា​ង​ជិតស្និទ្ធ​ជាមួយ​នឹង​អាជ្ញាធរ​ជាតិ និង​​លេខាធិការដ្ឋាន​អា​ស៊ាន​។​

​ក្នុង​ចំណែក​នៃថវិកា​សកល​ចំនួន​២​០​លាន​អឺ​រ៉ូ ​ថវិកា​ចំនួន​ ​២​,​៨​៥​ ​លាន​អឺ​រ៉ូ (​៣​,​៤​៥​ ​លាន​ដុល្លារ​) ​នឹង​ត្រូវ​ចំណាយ​នៅ​ក្នុង​ប្រទេស​កម្ពុជា​។​ ​កម្មវិធី​នេះ​ ​នឹង​ត្រូវ​អនុវត្ត​ដោយ​ការិយាល័យ​អង្គការសុខភាព​ពិភពលោក​នៅ​ភ្នំពេញ​ ​និង​សហការ​ជាមួយ​ក្រសួងសុខាភិបាល​ ​ដើម្បី​គាំទ្រ​ដល់​ផែនការ​ឆ្លើយតប​ ​ថ្នាក់​ជាតិ​នៃ​ការ​ប្រ​យុទ្ឋ​ប្រឆាំង​ជំងឺរាតត្បាត​កូ​វី​ដ​១​៩​ ​។​ ​នេះ​ជា​ជំនួយ​លើក​ទី​២​ហើយ​របស់​សហភាព​អឺរ៉ុប​មក​កម្ពុជា​។​

​កាលពី​ពេល​កន្លងទៅ​នេះ​សហភាព​អឺរ៉ុប​ក៏បាន​ផ្តល់​ជំនួយ​ជា​ថវិកា​ប្រមាណ​ ​៦​០​លាន​ដុល្លារ​អាមេរិក​ផង​ដែរ​ដើម្បី​ដោះស្រាយបញ្ហា​កូ​វី​ដ​១​៩​នេះ​ ​ខណៈ​សហរដ្ឋអាមេរិក​បាន​រួមចំណែក​ចំនួន​១​១​ ​លាន​ដុល្លារ​ដល់​កម្ពុជា​។​

​រីឯ​​អាល្លឺម៉ង់​វិញ​ ​ក៏បាន​ផ្តល់​នូវ​ទឹកប្រាក់​១​លាន​៦​សែន​ដុល្លារ​អាមេរិក​ ​ខណៈ​ប្រទេស​ជប៉ុន​ ​និង​ចិន​ ​ជួយ​ផ្តល់​គ្រូពេទ្យ​ជំនាញ​ ​និង​បរិក្ខារ​ពេទ្យ​ចាំបាច់​សម្រាប់​ប្រទេស​កម្ពុជា​។​ ​ដោយឡែក​ ​ប្រទេស​វៀតណាម​ ​ក៏បាន​ផ្តល់​ថវិកា​ចំនួន​២​០​ម៉ឺន​ដុល្លារ​ដល់​កម្ពុជា​ ​និង​ឡាវ​ ​ដើម្បី​ដោះស្រាយ​ផល​ប៉ះពាល់​នៃ​ជំងឺ​កូ​វី​ដ​១​៩​នេះ​ដែរ​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ