អានតួអត្ថបទ
កម្ពុជា-សង្គម

សង្គមស៊ីវិលស្នើឲ្យរដ្ឋផ្ដល់វ៉ាក់សាំងទៅឲ្យក្រុមពលរដ្ឋដែលងាយរងគ្រោះដំណាលគ្នានឹងក្រុមគោលដៅ

វត្តមានកូវីដ១៩ កំពុងតែមាននៅក្នុងព្រះរាជាណាចក្រកម្ពុជា (រូបភាពតំណាង)
វត្តមានកូវីដ១៩ កំពុងតែមាននៅក្នុងព្រះរាជាណាចក្រកម្ពុជា (រូបភាពតំណាង) REUTERS - STRINGER
ដោយ៖ អេង គីមហុង
១៤ នាទី

​សង្គម​ស៊ីវិល​មួយ​ចំនួន​បាន​ស្វាគមន៍​ចំពោះ​ការ​សម្រេច​ចិត្ត​យ៉ាង​លឿន​រហ័ស​របស់​លោក​ ​ហ៊ុន​ ​សែន​ ​ដែល​ប្រកាស​ ​ទិញ​វ៉ាក់សាំង​១​លាន​ដូ​ស​ជំ​ហ៊ាន​ដំបូង​។​ ​ក្រៅពី​ក្រុម​គោលដៅ​ ​ដែល​ទទួល​បាន​វ៉ាក់សាំង​កូ​វី​ដ​១​៩​មុនគេ​ហើយ​នោះ​ ​ក្រុម​អង្គការសង្គម​ស៊ីវិល​ដដែល​ស្នើ​ឲ្យ​រដ្ឋាភិបាល​គិតគូរ​ផ្ដល់​វ៉ាក់សាំង​នេះ​ទៅ​ឲ្យ​ក្រុម​ពលរដ្ឋ​ ​ដែល​ងាយ​រងគ្រោះ​ជា​ជំ​ហ៊ាន​បន្ទាប់​ ​ឬ​ដំណាលគ្នា​នឹង​ក្រុម​គោលដៅ​។​

ផ្សាយពាណិជ្ជកម្ម

​ការ​ត្រៀម​ទិញ​វ៉ាក់សាំង​បង្ការ​កូ​វី​ដ​-​១​៩​បាន​ក្លាយ​ជា​ ​ដំណឹង​ដ៏​រីករាយ​សម្រាប់​ពលរដ្ឋ​ខ្មែរ​ទាំងមូល​និង​ ​និយាយដោយឡែក​សម្រាប់​មន្ត្រី​អង្គការសង្គម​ស៊ីវិល​មួយ​ចំនួន​ ​ដែល​ធ្វើការងារ​ទាក់ទង​សិទ្ធិពលរដ្ឋ​។​

​ថ្លែងប្រាប់​វិទ្យុ​បារាំង​អន្តរជាតិ​នៅ​ថ្ងៃ​ទី​៨​ធ្នូ​នេះ​ ​លោក​ ​វ​ន់ ​ពៅ​ ​ប្រធាន​សមាគម​សេដ្ឋកិច្ច​ក្រៅ​ប្រព័ន្ធ​កម្ពុជា​លើកឡើង​ថា​ ​ពលរដ្ឋ​ងាយ​រងគ្រោះ​ដូចជា​ ​ជ​នទី​ទាល់ក្រ​ ​ជនអនាថា​ ​ក្រុម​អ្នក​រើស​អេតចាយ​ជាដើម​ ​ក៏​ជាគោល​ដៅ​សំខាន់​មួយ​ ​ដែល​នឹង​ទទួល​បាន​វ៉ាក់សាំង​បង្ការ​កូ​វី​ដ​១​៩​ ​ដំណាលគ្នា​នឹង​ក្រុម​គោលដៅ​អាទិភាព​ផ្សេងទៀត​ ​ដែល​រដ្ឋ​បាន​កំណត់​ផង​ដែរ​។​ ​បើ​តាម​លោក​ ​វ​ន់ ​ពៅ​ ​ក្រុម​ពលរដ្ឋ​ងាយ​រងគ្រោះ​ទាំងអស់​នេះ​ ​ពួកគេ​បាន​ប្រឈម​នឹង​បញ្ហា​លំបាក​ ​ដែល​បណ្ដាលមកពី​កូ​វី​ដ​១​៩​ ​ម្ដង​រួចមក​ហើយ​ ​ដូច្នេះ​ការ​ផ្ដល់​វ៉ាក់សាំង​ដល់​ពួកគេ​ដំណាលគ្នា​នឹង​ក្រុម​គោលដៅ​ជា​រឿង​ល្អ​បំផុត​។​

​លទ្ធភាព​នៃ​ការ​ផ្ដល់​វ៉ាក់សាំង​នេះ​ដែរ​ ​លោក​ ​ណុប​ ​វី​ ​នាយក​ប្រតិបត្តិ​ស​ម្ព័ន្ធ​អ្នក​សារ​ព័ត៌មាន​កម្ពុជា​ (ខេ​ម​បូ​ចា) ​មើលឃើញ​ថា​ ​អ្នក​សារ​ព័ត៌មាន​ក៏​ជា​ក្រុម​គោលដៅ​ទទួល​បាន​វ៉ាក់សាំង​បង្ការ​កូ​វី​ដ​១​៩​ដែរ​ ​ដែល​រដ្ឋាភិបាល​ពុំគួរ​មើល​រំលង​ឡើយ​។​ ​ដូច្នេះ​ខេ​ម​បូ​ចា​នឹង​រៀបចំ​សំណើ​រ​មួយ​ផ្ញើ​ជូន​រដ្ឋាភិបាល​ ​ដើម្បី​ស្នើសុំ​វ៉ាក់សាំង​សម្រាប់​ចែក​ជូន​ដល់​ក្រុម​អ្នក​សារ​ព័ត៌មាន​។​ ​នេះ​បើ​តាម​លោក​ ​ណុប​ ​វី​។​

​ចំពោះ​វិ​ស័​យ​ទេសចរណ៍​វិញ​លោក​ ​លី​ ​សែ​ ​នាយក​ប្រតិបត្តិ​គ្រឹះស្ថាន​អង្គរ​ធ្លាប់​ប្រាប់​វិទ្យុ​បារាំង​អន្តរជាតិ​ R​F​I​ថា​ ​មួយ​ផ្នែក​ដើម្បី​ទាក់ទាញ​ភ្ញៀវ​ទេសចរ​បរទេស​ឲ្យ​មក​ទស្សនា​រមណីយដ្ឋាន​អង្គរ​ដូច​គ្រា​មុន​ ​កម្ពុជា​ត្រូវការ​ជាចាំបាច់​វ៉ាក់សាំង​បង្ការ​កូ​វី​ដ​១​៩​ ​ហើយ​បើ​ការប្រើប្រាស់​វ៉ាក់សាំង​ប្រើប្រាស់​បាន​ដោយសេរី​ ​នោះ​លំ​ហូរ​ភ្ញៀវ​ទេសចរ​បរទេស​នឹង​ធ្វើដំណើរ​កំសាន្ត​មក​កម្ពុជា​ជា​បណ្ដើរៗ​។​

​សូម​ជម្រាប​ជូន​ថា​ ​ដោយ​តែ​កូ​វី​ដ​១​៩​វិ​ស័យ​ទេសចរណ៍​កម្ពុជា​នៅ​ឆ្នាំ​២​០​២​០​សឹងតែ​ធ្លាក់​ដល់​ចំណុច​សូន្យ​ទៅ​ហើយ​។​ ​ជាក់ស្ដែង​ទេសចរ​បរទេស​ ​ចូល​ទស្សនា​ប្រាសាទអង្គរវត្ត​ ​បន្ត​ធ្លាក់ចុះ​ចន្លោះ​ជាង​ ​៧​៥​ទៅ​ ​៧​៨​ភាគរយ​គិត​ត្រឹម​រយ​:​ពេល​ ​១​១​ ​ខែ​មកនេះ​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ