កម្ពុជា-នយោបាយ

អ្នកវិភាគ៖ ការត្រឡប់យាងធ្វើនយោបាយរបស់សម្តេចព្រះនរត្តម រណឫទ្ធិ គឺមិនមែនជាអ្នកនយោបាយ ដែលពលរដ្ឋជំនាន់ថ្មីចង់បាននោះទេ

សម្តេចក្រុមព្រះនរោត្តម រណឫទ្ធិ ប្រធានគណបក្សហ៊្វុនស៊ិនប៉ិច
សម្តេចក្រុមព្រះនរោត្តម រណឫទ្ធិ ប្រធានគណបក្សហ៊្វុនស៊ិនប៉ិច AP - Heng Sinith
ដោយ៖ ហេង សុខនី
១៣ នាទី

គណ​បក្ស​ហ៊្វុន​ស៊ិន​ប៉ិច កាលពីថ្ងៃម្សិលម៉ីញ បាន​ប្រកាស​​ថា សម្ដេច​ក្រុមព្រះនរោត្តម រណ​ឫទ្ធិ គ្រោង​នឹងយាង​មក​ដឹកនាំ​បក្ស និងចូល​ប្រឡូក​ក្នុង​ឆាកនយោបាយ​វិញ​ ដើម្បី​ចូលរួម​ប្រកួតប្រជែង​ការបោះឆ្នោត​ក្រុមប្រឹក្សា​ឃុំ​-សង្កាត់ ក្នុង​ឆ្នាំ២០២២ និង​ការបោះឆ្នោត​ជ្រើសតាំង​តំណាងរាស្ត្រ នៅ​ឆ្នាំ​២០២៣​។ នេះ​បើ​តាម​លោក​ ផាន់ សិទ្ធី ​អ្នក​នាំពាក្យ​គណ​បក្ស​ហ៊្វុន​ស៊ិន​ប៉ិច។ ជុំវិញ​ការ​យាង​ត្រឡប់​ធ្វើ​នយោបាយ​ឡើងវិញ​នេះ​ អ្នក​វិភាគ​បញ្ហា​នយោបាយ​ លោក​សេង សារី ​មើល​ឃើញ​ថា​ ជា​ការ​ហួស​សម័យ​កាល​ទៅ​ហើយ​។ ហួស​សម័យ​កាល​ ក៏​ព្រោះ​ថា​ ប្រជាពលរដ្ឋ​ និង​យុវជន​ជំនាន់​ថ្មី​ ពួកគេ​ចង់​បាន​អ្នក​នយោបាយ​ជំនាន់​ថ្មី​ ដែល​ពោរ​ពេញ​ដោយ​សមត្ថភាព​ មាន​ភាព​ក្លាហាន ​និង​មាន​គុណតម្លៃ​ជា​ដើម​។

ផ្សាយពាណិជ្ជកម្ម

សូមស្តាប់ប្រសាសន៍លោកសេង សារី រៀបចំដោយហេង សុខនី៖

សូមបញ្ជាក់ថា សម្តេច​ក្រុមព្រះនរោត្តម រណ​ឫទ្ធិ ទ្រង់ធ្លាប់ជា​អតីត​នាយក​រដ្ឋមន្ត្រី​ទី១ ក្នុង​រដ្ឋាភិបាល​ចម្រុះ​ ដែល​អំឡុងពេលនោះ គណបក្សហ្វុនស៊ីនប៉ិចឈ្នះ​ការបោះឆ្នោតនៅ​ឆ្នាំ១៩៩៣។ ប៉ុន្តែ​ព្រះអង្គ​ត្រូវ​បាន​ទម្លាក់​ព្រះរាជ​តំណែង បន្ទាប់ពី​ព្រឹត្តិ​ការណ៍​បង្ហូរឈាម នៅ​ថ្ងៃទី៥និង៦ ខែកក្កដា ឆ្នាំ១៩៩៧។ នៅក្នុងឆ្នាំ២០១៧ ក្រោមការដឹកនាំរបស់សម្តេច​ក្រុមព្រះនរោត្តម រណ​ឫទ្ធិ គណ​បក្ស​ហ៊្វុន​ស៊ិន​ប៉ិច ​ ​ទទួលបាន​អាស​នៈ​ជាង៤០ និងចុងក្រោយបង្អស់នៃការបោះឆ្នោតសកល គណបក្សរាជានិយមមួយនេះ មិនបានអាសនៈអ្វីទាំងអស់។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI