លោក អ៊ូ ច័ន្ទរ័ត្ន ដាក់​ឯកសារចុះបញ្ជីគណបក្សកែទម្រង់កម្ពុជាជាផ្លូវការនៅក្រសូងមហាផ្ទៃ

ឯកសារចុះឈ្មោះ គណបក្សថ្មីរបស់មន្ត្រីជាន់ខ្ពស់នៃ​អតីត​គណបក្សសង្រ្គោះជាតិ ត្រូវបានដាក់ទៅក្រសួងមហាផ្ទៃ ដើម្បីចុះបញ្ជីជាផ្លូវការហើយនៅថ្ងៃ​ចន្ទ​នេះ។ គណបក្សនេះមានឈ្មោះថា «​គណបក្សកែទម្រង់កម្ពុជា​»។ នេះបើតាមលោក អ៊ូ ចន្ទរ័ត្ន អតីតមន្ត្រី ជាន់ខ្ពស់នៃអតីតគណបក្សសង្រ្គោះជាតិ។ ជាការកត់សម្គាល់រូបភាព ​ឡូហ្គូ គណបក្សថ្មីនេះ គឺ​ត្រូវបាន​រចនា​ឡើង​ស្រដៀងនឹងរូបឡូហ្គូរបស់អតីតគណបក្សសង្រ្គោះជាតិ ដែលត្រូវបានតុលាការកំពូលកម្ពុជារំលាយនៅឆ្នាំ២០១៧កន្លងទៅ។ ការបង្កើតគណបក្សថ្មីរបស់អតីតមន្រ្តីជាន់ខ្ពស់គណបក្សសង្រ្គោះជាតិ គឺធ្វើឡើង ខណៈការបោះឆ្នោតឃុំ សង្កាត់ ​នឹងឈានចូលមកដល់នៅឆ្នាំក្រោយនេះ៕