សវនាការដ៏កក្រើកតុលាការ តើមានបង្កប់អត្ថន័យនយោបាយយ៉ាងណាខ្លះ?

សាលាដំបូង​រាជធានី​ភ្នំពេញ នៅថ្ងៃព្រហស្បតិ៍ម្សិលមិញ បានបើកសវនាការ លើ​សំណុំរឿង​មន្ត្រី​ជាន់ខ្ពស់ និងសកម្មជន​អតីតបក្ស​ប្រឆាំង ជាង១០០នាក់ ពាក់ព័ន្ធ​នឹង​បទ​ចោទ «រួមគំនិតក្បត់» និង «ញុះញង់​ឱ្យ​ប្រព្រឹត្ត​បទល្មើស​ជាអាទិ៍»។ ទាក់ទងទៅនឹងសវនាការ ដែលមានជាប់ទាក់ទងទៅនឹងមន្ត្រី និងសកម្មជនអតីតបក្សប្រឆាំងដ៏ច្រើនសន្ធឹកសន្ធាប់បែបនេះ ត្រូវអ្នកវិភាគសង្គម និងនយោបាយមើលឃើញពីទិដ្ឋភាពផ្សេងៗគ្នា ខណៈដែលដំណើរការរឿងក្តីនេះ មិនដែលធ្លាប់មានពីមុនមក ហើយសវនាការទ្រង់ទ្រាយធំនេះ ធ្វើឡើងអំឡុងពេលនៃការរាលដាលនៃវីរុសកូវីដ១៩ផងដែរ។