ភ្ញៀវប្រចាំថ្ងៃ

លោកផល វ៉ាន់ឌី៖ វិស័យមីក្រូហិរញ្ញវត្ថុ បង្ហាញសញ្ញាងើបឡើងវិញ ខណៈវិបត្តិ​កូវីដ ហាក់​ថមចុះ

សំឡេង ១៥:០៧
លោក ផល វ៉ាន់ឌី នាយកប្រតិបត្តិនៃសមាគមមីក្រូហិរញ្ញវត្ថុកម្ពុជា
លោក ផល វ៉ាន់ឌី នាយកប្រតិបត្តិនៃសមាគមមីក្រូហិរញ្ញវត្ថុកម្ពុជា © rfi
ដោយ៖ វ៉ា សំណព្វ
២០ នាទី

ក្នុង​ពេល​មាន​ផល​ប៉ះពាល់​ពី​វិបត្តិ​ជំងឺ​កូវីដ​១៩ ចាប់​តាំង​ពី​ដើម​ឆ្នាំ ២០២០​មក វិស័យ​មីក្រូ​ហិរញ្ញវត្ថុ​កម្ពុជា​បាន​រង​ប៉ះពាល់​ក្នុង​កំរិត​ហានិភ័យ​ជិត​ដល់​៣% ខណៈ​កម្រិត​ហានិភ័យ​ធម្មតា​ត្រឹម​តែ​១%​ប៉ុណ្ណោះ​។ យ៉ាងនេះ​ក្តី  លោក ផល វ៉ាន់ឌី នាយក​ប្រតិបត្តិ​នៃ​សមាគម​មីក្រូ​ហិរញ្ញវត្ថុ​កម្ពុជា​ ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ នៅ​រាត្រី​នេះ​បាន​ថ្លែង​ថា វិស័យ​មីក្រូ​ហិរញ្ញវត្ថុ បាន​បង្ហាញ​សញ្ញា​ងើប​ឡើង​វិញ ក្នុង​រយៈពេល​៤​ទៅ​៥​ខែ​ចុង​ក្រោយ​នេះ​ ខណៈ​ផល​ប៉ះពាល់​ពី​ជំងឺ​កូវីដ-១៩ បាន​ថម​ចុះ។ រីឯ​ចំនួន​អ្នក​ស្នើ​សុំ​រៀប​ចំ​ឥណទាន​ឡើង​វិញ​ក៏​បាន​ថយ​ចុះ​ដែរ​។ ក្នុង​ឆ្នាំ​២០២០ មីក្រូ​ហិរញ្ញវត្ថុ បាន​រៀប​ចំ​ឥណទាន​ឡើង​វិញ​ដល់​អតិថិជន​ប្រមាណ​២៨​ម៉ឺន​នា​ក់​ដែល​មាន​ឥណទាន សរុប​ជិត ១.៤០០​លាន​ដុល្លារ​អាមេរិក​នៃ​ចំនួន​អតិថិជន​ស្នើ​សុំ​ប្រមាណ ៣០​ម៉ឺន​នាក់​។