ភ្ញៀវប្រចាំថ្ងៃ

លោករស់ ផារិទ្ធ៖អាជ្ញាធរខេត្តស្វាយរៀងកំពុងពិចារណាប្រើវិធានការរដ្ឋបាលក្នុងក្រុងបាវិតដើម្បីទប់ការឆ្លងរាលដាលកូវីដ១៩

សំឡេង ១១:៤៥
ខេត្តស្វាយរៀង
ខេត្តស្វាយរៀង © សហការី

នៅថ្ងៃសុក្រនេះ ​ក្រសួងសុខាភិបាល​កម្ពុជា​បានរកឃើញមាន​អ្នកឆ្លងជំងឺ​កូវីដ១៩​ថ្មីបន្ថែម២៨នាក់​ទៀត​នៅក្នុងខេត្តស្វាយរៀង​ដែលជាចំនួន​ច្រើនជាងគេ​សម្រាប់របាយការណ៍​ប្រចាំថ្ងៃ​នៅថ្ងៃនេះ​។​ លោក​រស់ ផារិទ្ធ​ អភិបាលរង​ និងជាអ្នកនាំពាក្យ​សាលាខេត្តស្វាយរៀង​ បានសម្តែងនូវ​ការព្រួយបារម្ភ​ចំពោះការឆ្លងរាលដាល​ជំងឺកូវីដ១៩​បន្ថែមនេះ។​ ប៉ុន្តែ ​លោកថា ​ការឆ្លងនេះ ​គឺនៅក្នុងតំបន់ខ្លះ​នៃក្រុងបាវិត​ដែលនៅពេលនេះ ​អាជ្ញាធរ​កំពុងបិទ​ ដើម្បី​គ្រប់គ្រង​ស្ថានការ​។ ​ទោះជាបែបនេះក្តី​ លោកបានគូស​បញ្ជាក់ថា ​អាជ្ញាធរ​ខេត្តស្វាយរៀង​ក៏ដូចជា​ថ្នាក់គ្រប់គ្រង​ក្រុងបាវិត​ក៏កំពុង​ពិចារណា​ពីលទ្ធភាព​ប្រើប្រាស់​វិធានការ​រដ្ឋបាល​នៅក្នុងផ្នែកខ្លះ​នៃក្រុងនេះ ​ដើម្បីទប់ស្កាត់​ឱ្យបាននូវ​ការឆ្លងរាលដាល​បន្ថែម​នៃជំងឺ​កូវីដ១៩​។​ ប៉ុន្តែ​លោកបានសង្កត់​ធ្ងន់ថា ​នៅពេលនេះ ​មិនទាន់មាន​ការសម្រេច​យ៉ាងណានៅឡើយទេ​។