សន្តិភាព៖ មតិខ្លះថា កម្ពុជាមានតែសន្តិភាពផ្លូវកាយ តែសន្តិភាពផ្លូវចិត្តមិនទាន់មានពេញលេញ
ចុះផ្សាយនៅថ្ងៃ៖
ស្តាប់ - ១០:១៣
ទិវាសន្តិភាពអន្តរជាតិ លើកទី៧៥ នឹងប្រព្រឹត្តទៅនៅថ្ងៃទី២១ ខែកញ្ញា ក្រោមមូលបទ «ការកសាងសន្តិភាពជាមួយគ្នា»។ ក្នុងឱកាសនេះ លោកនាយករដ្ឋមន្ដ្រី ហ៊ុន សែន បានលើកឡើងតាមរយៈសារលិខិតសម្រាប់ទិវាសន្តិភាពនេះថា ការកសាងសន្តិភាពគឺមិនងាយនោះទេសម្រាប់កម្ពុជា ពោលត្រូវប្រើពេលរាប់សិបឆ្នាំទើបកម្ពុជាទទួលបានសន្តិភាពដូចសព្វថ្ងៃ។ ប៉ុន្តែប្រទេសលោកខាងលិចមួយចំនួន មិនដែលសាទរនូវកិច្ចខិតខំប្រឹងប្រែងនេះទេ ផ្ទុយទៅវិញបានអនុវត្តនូវស្ដង់ដារពីរ ចំពោះការវាយតម្លៃលើការអនុវត្តសិទ្ធិមនុស្សនៅកម្ពុជា។ នេះបើតាមសារលិខិតរបស់ប្រមុខរដ្ឋាភិបាល លោក ហ៊ុន សែន។ ជុំវិញបញ្ហាសន្តិភាពដែលលោកនាយករដ្ឋមន្ដ្រីហ៊ុន សែន លើកឡើងនេះដែរ មតិមួយចំនួនយល់ឃើញថា សន្តិភាពផ្លូវកាយនៅកម្ពុជាមានមានពិត តែសន្តិភាពផ្លូវចិត្តនៅមិនទាន់មានពេញលេញនៅឡើយ។
