អានតួអត្ថបទ

សង្រ្គាមនៅការ៉ាបាក់៖ អាមេនីចុះកិច្ចព្រមព្រៀង​ដ៏ឈឺចាប់មួយ​ជាមួយ​អាស៊ែបៃហ្សង់

An Armenian serviceman of the self-defense army of Nagorno-Karabakh launch artillery toward Azeri forces in the town of Martakert in Nagorno-Karabakh region, which is controlled by separatist Armenians, April 3, 2016. REUTERS/Vahram Baghdasaryan/Photolure EDITORIAL USE ONLY. NO RESALES. NO ARCHIVE TPX IMAGES OF THE DAY
An Armenian serviceman of the self-defense army of Nagorno-Karabakh launch artillery toward Azeri forces in the town of Martakert in Nagorno-Karabakh region, which is controlled by separatist Armenians, April 3, 2016. REUTERS/Vahram Baghdasaryan/Photolure EDITORIAL USE ONLY. NO RESALES. NO ARCHIVE TPX IMAGES OF THE DAY REUTERS/Vahram Baghdasaryan/Photolure
ដោយ៖ ឈាង បុប្ផា
២១ នាទី

នៅក្រោយ​ប្រយុទ្ធគ្នា​អស់ ៦សប្តាហ៍ ដើម្បី ដណ្តើមទឹកដី​នៅតំបន់​ការ៉ាបាក់ អាមេនី និង​អាស៊ែបៃហ្សង់ នៅទីបំផុត​បាន​ចុះកិច្ចព្រមព្រៀង លើ​បទឈប់បាញ់​មួយ កាលពី ថ្ងៃ​ចន្ទ នៅក្រោម​ការផ្ចុងផ្តើម​របស់​ប្រធានាធិបតី រុស្ស៊ី លោក​វ្លាឌីមៀរ ពូទីន។ បាតុករ​អាមេនីរាប់រយ​នាក់​បាន​សម្រុក​ចូល​កាន់កាប់​វិមានរដ្ឋាភិបាល និង​សភា មួយភ្លែត នៅ យប់​ថ្ងៃ​ចន្ទ ដើម្បី​បរិហាថ្កោលទោស កិច្ចព្រមព្រៀង លើ​បទឈប់បាញ់ ដែល​ពួកគេ​ចោទថា បានធ្វើ​ឲ្យ​អាមេនី​បាត់បង់​ទឹកដី​ទៅ​ឲ្យ​អាស៊ែបៃហ្សង់។ នៅថ្ងៃម្សិលមិញដដែល ប្រមុខរដ្ឋ​រុស្ស៊ី​បាន​ប្រកាស​បញ្ជូន​ក្រុមរក្សា​សន្តិភាព​រុស្ស៊ី ទៅ​កាន់​តំបន់​ជម្លោះ ការ៉ាបាក់ ដើម្បី ធានា​កុំ​ឲ្យ​មានការប្រយុទ្ធគ្នា​សាជាថ្មី រវាង​ភាគី​ជម្លោះទាំងពីរ គឺ​អាមេនី និង​អាស៊ែបៃហ្សង់។ 

ផ្សាយពាណិជ្ជកម្ម

ទៅតាម​កិច្ចព្រមព្រៀង ដែល​ចុះ ហត្ថលេខា​ដោយ លោកប្រធានាធិបតី អាស៊ែបៃហ្សង់ នាយករដ្ឋមន្រ្តី អាមេនី និង​ប្រធានាធិបតី រុស្ស៊ី បទឈប់បាញ់មួយ ត្រូវ​ចូល​ជាធរមាន ចាប់ពី​យប់​ថ្ងៃ​ចន្ទ នៅក្នុង​តំបន់​ការ៉ាបាក់ ជាទី​ដែល​ការប្រយុទ្ធគ្នា រវាង កងទ័ព​អាស៊ែបៃហ្សង់ និង​ពួកឧទ្ទាមផ្តាច់ទឹកដី អាមេនី បាន​សម្លាប់​មនុស្ស​ជាច្រើន​ពាន់នាក់។

នៅក្នុងក្របខ័ណ្ឌ​នៃ​កិច្ចព្រមព្រៀង ដែល​ផ្ចុងផ្តើម​ដោយ​រុស្ស៊ី ភាគី​ជម្លោះ​អាច​រក្សាទឹកដី ដែល​ខ្លួន​កំពុងឈរជើង កាន់កាប់ ​សព្វថ្ងៃ។ កិច្ចព្រមព្រៀង​នេះ​បាន​ផ្តល់​ជ័យជំនះ ដ៏ធំធេង​ទៅ​ឲ្យភាគី ​អាស៊ែបៃហ្សង់ ដែល​មានប្រៀប​លើ​កម្លាំងទ័ព​អាមេនី ដោយ វាយដណ្តើម​យកបាន​ទឹកដី​មួយផ្នែក​របស់​ការ៉ាបាក់ នៅក្នុង​សង្រ្គាម ជាង​៦សប្តាហ៍មកនេះ។ ជារួម អាស៊ែបៃហ្សង់​អាច គ្រប់គ្រង​ទីក្រុង​ធំទី​២​របស់​តំបន់​ការ៉ាបាក់ ចំណែក​ទឹកដី នៅសល់​ដែល​អាមេនី​នៅកាន់កាប់ នៅតែ​ជា​របស់​អាមេនី ដោយរួមទាំង ច្រករបៀង មួយដែល​តភ្ជាប់​រដ្ឋធានី របស់​តំបន់​ការ៉ាបាក់​ទៅកាន់​ទឹកដី អាមេនី។

តាម​ប្រធានាធិបតី រុស្ស៊ី កងទ័ព​រក្សា​សន្តិភាព​របស់​រុស្ស៊ី ជិត ២ពាន់​នាក់ ត្រូវ​បញ្ជូន​ទៅ​កាន់​តំបន់​សមរភូមិមុខ នៅ​តំបន់​ការ៉ាបាក់ ដើម្បី តាមដាន ការអនុវត្ត​កិច្ចព្រមព្រៀង ស្តីពីបទឈប់បាញ់។

នៅក្រោយ​កិច្ចព្រមព្រៀង នៅ​ថ្ងៃ​ចន្ទ ប្រជាជន​ដែល​ផ្លាស់ទី ដោយសារ​ការប្រយុទ្ធគ្នា​កន្លងមក​អាចធ្វើដំណើរ​ទៅរស់នៅ​តាមភូមិឃុំ​របស់ខ្លួន​ឡើងវិញ ​ចំណែក​ការដោះដូរ​អ្នកទោស​សង្រ្គាម​រវាង​ភាគី​ជម្លោះ​ទាំងពីរ​នឹង​អាច​ប្រព្រឹត្តទៅ​ក្នុង​ពេល​ឆាប់ៗខាងមុខ។ សម្រាប់​ប្រមុខរដ្ឋ​រុស្ស៊ី កិច្ចព្រមព្រៀង ស្តីពីបទឈប់បាញ់ នឹង​ជួយ​បង្កើត​លក្ខខណ្ឌ​បរិយាកាស ដើម្បី ឲ្យ​ជួយ​ឲ្យ​ភាគី​អាស៊ែបៃហ្សង់ ណិង​អាមេនី ដោះស្រាយ ជម្លោះរវាងគ្នា ដោយ​ឈប់​ប្រយុទ្ធ​ដណ្តើម​ទឹកដីគ្នាតទៅទៀត ​នៅ ការ៉ាបាក់។

តំបន់​ការ៉ាបាក់​ត្រូវ​បាន​សហគមន៍​អន្តរជាតិ​ទទួលស្គាល់​ថា ជា​ផ្នែក​មួយ​នៃទឹកដី របស់​អាស៊ែបៃហ្សង់។ ប៉ុន្តែ ការ៉ាបាក់ ដែល​សំបូររស់នៅ​ដោយប្រជាជន​អាមេនី កាន់​គ្រឹស្តសាសនា ត្រូវ​បាន​ក្រុមឧទ្ទាម គាំទ្រ​ដោយ​អាមេនី ប្រកាស​ផ្តាច់ទឹកដី ពីអាស៊ែបៃហ្សង់ តាំង​ពី​ឆ្នាំ ១៩៩០។

នៅយប់​ថ្ងៃ​ចន្ទ ប្រជាជន​អាមេនី រាប់រយ​នាក់ បាន​លើកគ្នា​សម្រុក​ចូល​វិមាន​រដ្ឋាភិបាល និង​វិមាន​រដ្ឋសភា ដើម្បី បរិហា​ចោទប្រកាន់​រដ្ឋាភិបាល ថា ក្បត់ជាតិ ដោយសារ​ថា កិច្ចព្រមព្រៀង​ជាមួយ អាស៊ែបៃហ្សង់ និង​រុស្ស៊ី បានធ្វើ​ឲ្យ​អាមេនី​បាត់បង់​ទឹកដី។

នៅក្រោយ​ចុះកិច្ចព្រមព្រៀង ដែល​មាន​ការយល់ព្រម​ពី​ប្រមុខដឹកនាំ​ឧទ្ទាម​នៅ​ការ៉ាបាក់ នាយករដ្ឋមន្រ្តី អាមេនី បានទទួល​ស្គាល់​ថា កិច្ចព្រមព្រៀង កាលពី ថ្ងៃ​ចន្ទ ជា​កិច្ចព្រមព្រៀង​ដ៏ឈឺចាប់ ប៉ុន្តែ វា​ជាការចាំបាច់ ពីព្រោះថា អ្នកជំនាញ​យុទ្ធសាស្រ្ត បាន​ផ្តល់​យោបល់ថា ប្រឈម​នឹង​ការវាយប្រហារ ឈ្លានពាន​កាន់តែ​សាហាវ​របស់​អាស៊ែបៃហ្សង់ ដែល​បាន​ចូល​ដណ្តើម​កាន់កាប់​ទឹកដី កាន់តែ​ធំ​របស់​ការ៉ាបាក់ អាមេនី នឹង​អាច​បាត់បង់ ទឹកដី ច្រើនជាងនេះ បើសិន​មិន​ចុះ​កិច្ចព្រមព្រៀង​ទៅតាម​ការណែនាំ​របស់​រុស្ស៊ី។

ប្រធានាធិបតី អាស៊ែបៃហ្សង់ ឯណោះវិញ បាន​ប្រកាស​តាម​កញ្ចក់ទូរទស្សន៍ ពី​ជ័យជំនះ ដ៏ធំធេង​របស់​អាស៊ែបៃហ្សង់ នោះបើទោះបី​អាស៊ែបៃហ្សង់​មិនអាច​វាយដណ្តើម​កាន់កាប់​យក​តំបន់​ការ៉ាបាក់​បាន​ទាំងស្រុង ក៏ដោយ៕

 

 

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ