ការប្រារព្ធពិធីរម្លឹកខួបគម្រប់១ឆ្នាំ ថ្វាយព្រះវិញ្ញាណក្ខ័ន្ធ សម្តេចព្រះនរោត្តម សីហនុ បង្ហាញពីការមិនមានឯកភាពជាតិ
ចុះផ្សាយនៅថ្ងៃ៖
ស្តាប់ - ០៩:០១
រដ្ឋាភិបាល និងគណបក្សប្រឆាំង រៀបចំពិធីផ្សេងពីគ្នា ដើម្បីគោរពព្រះវិញ្ញាណក្ខ័ន្ធ ព្រះករុណា ព្រះបាទសម្តេចព្រះនរោត្តម សីហនុ គម្រប់ខួប ១ឆ្នាំ។ រដ្ឋាភិបាលរបស់គណបក្សប្រជាជនកម្ពុជា ដឹកនាំដោយសម្តេចនាយករដ្ឋមន្ត្រី ហ៊ុន សែន នឹងជួបជុំគោរពព្រះវិញ្ញាណក្ខ័ន្ធ ព្រះករុណា នាព្រឹកថ្ងៃទី១៥តុលា នៅវិមានតម្កល់ព្រះបរមរូប សម្តេចព្រះនរោត្តម សីហនុ។ ចំណែកគណបក្សសង្គ្រោះជាតិ ដែលជាគណបក្សប្រឆាំង នឹងរៀបចំពិធីជួបជុំ បង្សុកូល និងគោរពព្រះវិញ្ញាណក្ខ័ន្ធ ព្រះបាទសម្តេចព្រះនរោត្តម សីហនុ នៅទីស្នាក់ការគណបក្ស ក្នុងខណ្ឌទួលគោក នាព្រឹកថ្ងៃទី១៤តុលា។ ហើយពេលរសៀល ថ្នាក់ដឹកនាំបក្សប្រឆាំង នឹងទៅគោរពព្រះវិញ្ញាណក្ខ័ន្ធ នៅទីតម្កល់ព្រះបរមរូប ព្រះករុណា។ ការប្រារព្ធពិធីផ្សេងគ្នានេះ បង្ហាញពីការមិនមានឯកភាពជាតិ ដែលផ្ទុយនឹងព្រះរាជបណ្តាំរបស់ព្រះករុណា សម្តេចព្រះ នរោត្តម សីហនុ។
