អាស៊ាន

លោក បារ៉ាក់ អូបាម៉ា៖« អាស៊ាន​ត្រូវ​ស្វែងរក​ជំហររួម នៅក្នុង​ជម្លោះ​សមុទ្រ​ចិន​ខាង​ត្បូង »

ប្រមុខដឹកនាំ​បណ្តា​ប្រទេស​អាស៊ាន និង​លោក​ប្រធានាធិបតី​អូបាម៉ា​ថត​រូប​រួមគ្នា នៅក្នុង​ជំនួបកំពូល​អាស៊ាន​នៅកោះបាលី ប្រទេស​ឥណ្ឌូណេស៊ី
ប្រមុខដឹកនាំ​បណ្តា​ប្រទេស​អាស៊ាន និង​លោក​ប្រធានាធិបតី​អូបាម៉ា​ថត​រូប​រួមគ្នា នៅក្នុង​ជំនួបកំពូល​អាស៊ាន​នៅកោះបាលី ប្រទេស​ឥណ្ឌូណេស៊ី ©Reuters

ថ្ងៃ​សុក្រ ទី១៨ វិចិ្ឆកា ឆ្នំា ២០១១ នេះ ជំនួបកំពូល​អាស៊ាន និង​អាស៊ាន​ជាមួយ​ប្រទេស​ដៃគូ​នៅ​កោះបាលី ប្រទេស​ឥណ្ឌូនេស៊ី​បាន​ឈាន​ចូល​ដល់​ថ្ងៃទី ២។ ថ្ងៃ​នេះ គឺ​ជា​ជំនួបកំពូល​ទ្វេភាគី​រវាង​អាស៊ាន-ចិន អាស៊ាន-ជប៉ុន អាស៊ាន-កូរ៉េខាងត្បូង អាស៊ាន បូក ៣ ( ចិន ជប៉ុន កូរ៉េខាងត្បូង) លើកទី ១៤ និង​ជំនួបកំពូល​អាស៊ាន-អាមេរិក​លើកទី ៣។ នេះ​ជា​លើក​ទី ១ ដែល​ជំនួបកំពូល​អាស៊ាន-អាមេរិក​បាន​ធ្វើ​ឡើង​ដំណាល​គ្នា​នឹង​ជំនួបកំពូល​ អាស៊ាន-ចិន។ ប្រធានរឿង​ដ៏​សំខាន់ និង​ដែល​គ្រប់គ្នា​ចង់​ដឹង ចង់ឮ​នៅ​ក្នុង​ជំនួបកំពូល​អាស៊ាន-ចិន និង​អាស៊ាន-អាមេរិក អាស៊ាន​នោះ គឺ​ពាក់ព័ន្ធ​នឹង​ជម្លោះ​ដែនដី​នៅ​ក្នុង​សមុទ្រ​ចិន​ខាងត្បូង។ ប្រទេស​ចិន​នៅ​តែ​រក្សា​ជំហរ​ដោះស្រាយ​បញ្ហា​ជាមួយ​ប្រទេស​ពាក់ព័ន្ធ និង​ដោយ​មិន​ការជ្រៀតជ្រែក​ពី​អ្នក​ផ្សេង​ទេ។ តែ​សម្រាប់​សហរដ្ឋអាមេរិក​វិញ លោក​ប្រធានាធីបតី​អូបាម៉ា​បាន​ចាត់​ទុក​បញ្ហា​នេះ​ថា ជា​បញ្ហា​ទំាង​អស់​គ្នា និង​ដែល​ត្រូវ​ដោះស្រាយ​តាម​ច្បាប់​អន្តរជាតិ។ ទន្ទឹម​គ្នា​នេះ លោក​អូបាម៉ា​បាន​ស្នើ​ឲ្យ​អាស៊ាន​ស្វែង​ឃើញ​ជំហរ​រួម៕

ផ្សាយពាណិជ្ជកម្ម

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI