កម្ពុជា

លោក​​ថាច់ សេដ្ឋា​៖​ពិធី​​រំ​ឮ​ក​​ខួប​​បាត់បង់​​ទឹកដី​​កម្ពុជា​​ក្រោម​​នៅ​​ឆ្នាំ​នេះ​​នឹង​មាន​​រៀបចំ​​វេទិកា​​ពិសេស​​ជាង​​ឆ្នាំ​មុន​

លោកថាច់ សេដ្ឋា
លោកថាច់ សេដ្ឋា @RFI

នៅ​ថ្ងៃទី០៤ មិថុនា​សប្តាហ៍​ក្រោយនេះ គឺជា​ខួប៧០ឆ្នាំ​នៃ​ការបាត់បង់​ទឹកដី​កម្ពុជា​ក្រោម​ទៅឱ្យ​ប្រទេស​វៀតណាម។ សហគមន៍​ខ្មែរ​កម្ពុជា​ក្រោម​គ្រោង​នឹង​រៀបចំ​ប្រារព្ធ​ពិធី​នេះ​នៅ​ទីស្នាក់ការ​កណ្ដាល​របស់​ខ្លួន​នៅក្នុង​ខណ្ឌ​សែន សុខ។ លោក​ថាច់ សេដ្ឋា នាយក​ប្រតិបត្តិ​សហគមន៍​ខ្មែរ​កម្ពុជា​ក្រោម បាន​អះអាង​ប្រាប់​វិទ្យុ​បារាំង​អន្តរជាតិ​ថា នៅ​ឆ្នាំនេះ សហគមន៍​ខ្មែរ​កម្ពុជា​ក្រោម​នឹង​រៀបចំ​ឱ្យមាន​វេទិកា​ពិសេស​មួយ ដើម្បី​សួរ​ឆ្លើយ​ពាក់ព័ន្ធ​នឹង​ដើមទង​នៃ​ការបាត់បង់​ទឹក​កម្ពុជា​ក្រោម​ទៅឱ្យ​ប្រទេស​វៀតណាម។