ព្រឹត្តិការណ៍​កម្ពុជា​ប្រចាំថ្ងៃ

លទ្ធភាព​​នៃ​​ការ​ពន្យារ​ពេល​​ដំណើរការ​​បោះឆ្នោត​ជាតិ​​ឆ្នាំ​២០១៨​

សំឡេង ១១:១៩
ពលរដ្ឋកម្ពុជាចេញទៅបោះឆ្នោតកាលពីអាណត្តិមុនៗ
ពលរដ្ឋកម្ពុជាចេញទៅបោះឆ្នោតកាលពីអាណត្តិមុនៗ រូបភាព​ឯកសារ

លោក​សម រង្ស៊ី ដែល​ធ្លាប់ជា​ប្រធាន​អតីត​គណបក្ស​សង្គ្រោះ​ជាតិ ចង់​ស្នើ​ឲ្យ​លោកនាយក​រដ្ឋមន្ត្រី​ហ៊ុន សែន ពន្យារពេល​រៀបចំ​ការបោះឆ្នោត​ជ្រើសតាំង​សមាជិក​ព្រឹទ្ធសភា និង​តំណាងរាស្ត្រ​នៅក្នុង​ឆ្នាំ២០១៨នេះ ដើម្បី​ជៀសវាង​នូវ​អំពើហិង្សា​កើតឡើង។ ឆ្លើយតប​នឹង​ការលើកឡើង​នេះ លោក​ហ៊ុន សែន កាលពី​ម្សិលមិញ បាន​គូសបញ្ជាក់​យ៉ាង​មធ្យ័ត​ថា ការបោះឆ្នោត​នៅ​ឆ្នាំនេះ គឺធ្វើឡើង​ដូច​ការគ្រោងទុក គ្មាន​ការប្រែប្រួល​អ្វី​ទាំងអស់ បើទោះជា​មានរឿង​អ្វី​កើតឡើង​ក៏ដោយ។ ចំពោះ​បញ្ហា​នេះដែរ អ្នកវិភាគ​នយោបាយ​ខ្មែរ​យល់ឃើញ​ខុសគ្នា ដោយ​ម្ខាង​យល់ថា គួរ​ពន្យារពេល ឯ​ម្ខាង​ទៀតថា គ្មាន​អ្វីដែល​ត្រូវ​ពន្យារពេល​នោះទេ។