ដើម​រដូវ​​ភ្ជុំ​បិណ្ឌ​៖​ចំនួន​​អ្នក​​ទៅ​​បោះ​​បាយ​បិណ្ឌ​​នៅ​​វត្ត​​អារាម​​ខ្លះ​​បាន​​ថយ​ចុះ​​ខុស​ពី​ឆ្នាំ​មុន​ៗ​

សំឡេង ០៨:១០
ទិដ្ឋ​ភាព​បោះបាយ​បិណ្ឌ​នៅ​វត្ត​នន់ ​មុន្នី​ នៅ​ព្រឹក​ថ្ងៃ​ទី​២៦ ​ខែ​កញ្ញា​
ទិដ្ឋ​ភាព​បោះបាយ​បិណ្ឌ​នៅ​វត្ត​នន់ ​មុន្នី​ នៅ​ព្រឹក​ថ្ងៃ​ទី​២៦ ​ខែ​កញ្ញា​ @RFI

ថ្ងៃ​ពុធ ទី២៦ ខែកញ្ញា​នេះ គឺជា​ថ្ងៃ​កាន់បិណ្ឌ​ទី​ពីរ​ហើយ​នៃ​ពិធី​ភ្ជុំបិណ្ឌ​ដែលមាន​រយៈពេល១៥ថ្ងៃ។ នៅ​ទៀបភ្លឺ​នា​ព្រឹក​នេះ វណ្ណ សុគន្ធា អ្នកយកព័ត៌មាន​រប​ស់​យើង​បាន​ចុះទៅ​វត្ត​ចំនួន​បី​នៅក្នុង​សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ ដើម្បី​សង្កេតមើល​ពី​ស្ថានភាព​ប្រជាពលរដ្ឋ​ទៅ​បោះ​បាយបិណ្ឌ។ ប៉ុន្តែ​សម្រាប់​វត្ត​ក្នុង​ក្រុង​ទាំងបី​នេះ ចំនួន​ប្រជាពលរដ្ឋ​ដែល​ទៅ​ចូលរួម​បោះ​បាយបិណ្ឌ​ទាំង​នៅ​ថ្ងៃ​ទីមួយ និង​ទី​ពីរ​នេះ​បាន​ថយចុះ​ខុស​កាលពីឆ្នាំមុន។