អានតួអត្ថបទ
នាទីសុខភាពនិងអនាម័យ

ពន្យារ​កំណើត​ប្រកប​ដោយ​សុវត្ថិភាព

សំឡេង ០៧:១០
ថ្នាំគ្រាប់​​ពន្យារ​កំណើត​
ថ្នាំគ្រាប់​​ពន្យារ​កំណើត​ Licence Creative Commons/Wikipedia
ដោយ៖ អៀង សុខម៉ិញ
១៧ នាទី

មាន​កូន​តាម​ប្រាថ្នា ជា​ឱកាស​ល្អ​មួយ​សម្រាប់​គ្រួសារ​​ក្នុ​ងការ​ថៃ​រក្សា​កូន ជា​ពិសេស​សម្រាប់​សុខភាព​អ្នក​ជា​ម្តាយ។ ការ​ពន្យារ​កំណើត​មាន​ច្រើន​ប្រភេទ ដែល​ស្ត្រី​​ និង​បុរស អាច​ជ្រើស​រើស​បាន​ទៅ​តាម​បំណង​ប្រាថ្នា និង​សុខភាព​តម្រូវ។ ការ​ពន្យារ​កំណើត ដែល​ពេញ​និយម និង​មាន​លក្ខណៈ​ងាយ​ស្រួល​ជាង​គេ​ គឺ​ការ​ប្រើ​ប្រាស់​ថ្នាំ ពន្យារ​កំណើត ដែល​ភាសា​បារាំង​ហៅ​ថា La Pilule។ ថ្នាំ​ពន្យារ​កំណើត​ជំនាន់​ក្រោយៗ​នេះ មិន​ត្រឹម​តែ​មិន​ធ្វើ​ឲ្យ​ស្ត្រី​ធាត់ទេ តែ​ក៏​មិន​បាន​ប៉ះពាល់​ ឬ​បញ្ឈប់​ស្ត្រី​មិន​ឲ្យ​គ្មាន​កូន​ទៅ​ថ្ងៃ​ក្រោយ​ដែរ។

ផ្សាយពាណិជ្ជកម្ម

ប្រវត្តិ​នៃ​ការ​កកើត​ថ្នាំ​ពន្យារ​កំណើត

 
ថ្នាំ ពន្យារ​កំណើត ត្រូវ​បាន​គេ​អនុញ្ញាត​ឲ្យ​ប្រើ​ប្រាស់​ ជា​ផ្លូវ​ការ​ ជា​លើក​ដំបូង​បង្អស់​នៅ​ថ្ងៃ​ទី ៩ ឧសភា ឆ្នាំ ១៩៦០ គឺ​៥០​ឆ្នាំ​គត់ គិត​មក​ទល់​ថ្ងៃ​នេះ។
មុន​នឹង​ដាក់​ឲ្យ​ធ្វើ​ចរាចរណ៍​នៅ​លើ​ទីផ្សារ ថ្នាំ​ពន្យា​រកំណើត​ត្រូវ​បាន​យក​ទៅ​ធ្វើ​តេស្ត​សាកនៅ​លើ​ស្ត្រី​ Porto Rico និង​ស្ត្រី​ហៃទី ក៏​ប៉ុន្តែ​គួរ​ឲ្យ​សោក​ស្តាយ​មក​ទល់​ពេល​នេះ​ស្ត្រី​ហៃទី​​តិច​តួច​ណាស់​ដែល​មាន​លទ្ធភាព​ប្រើ​ប្រាស់​ថ្នាំ​នេះ។

នៅ​ឆ្នាំ​១៩៥៥ វេជ្ជបណ្ឌិត Gregory Pincus ជនជាតិ​អាមេរិក បាន​សម្រេច​រក​ឃើញ​ថ្នាំ​ពន្យារ​កំណើត​ដ៏​ជឿន​លឿន​នេះ សម្រាប់​ព្យាបាល​ស្រ្តី​ដែល​មាន​អ័កមូន​មិន​ទៀង​ទាត់ លក់​ឲ្យ​​តែ​ស្ត្រី​មាន​ប្តី រហូត​ដល់​ឆ្នាំ​១៩៧២។ គ្រាន់​តែ​បាន​រក​ឃើញ​ភ្លាម ប្រទេសសហព័ន្ធ​អាល្លឺម៉ង់ បាន​​ដាក់​លក់​ឆ្នាំ​​នៅ​លើ​ទី​ផ្សារ​ភ្លាម ចំណែក​នៅ​ប្រទេស​បារាំង​ គេ​ត្រូវ​រង់ចាំ​ដល់​ឆ្នាំ​១៩៦៧ ទើប​រដ្ឋ​ផ្តល់​ការ​អនុញ្ញាត។

តាម​ការពិត ថ្នាំ​ពន្យារ​កំណើត​ដោយ​ប្រើ​សារធាតុ​អ័កមូន ត្រូវ​បាន​គ្រូពេទ្យ​អាល្លឺម៉ង់​រក​ឃើញ​ តាំង​ពី​ទសវត្ស​ឆ្នាំ​១៩២០​មក​ម្ល៉េះ។ តែ​ពេល​នោះ​ គឺ​ជា​ថ្នាំ​ចាក់។

គុណ​សម្បត្តិ​នៃ​ការ​ប្រើ​ប្រាស់​ថ្នាំ​នេះ គឺ​បាន​ផ្តល់​សេរីភាព​យ៉ាង​ខ្លាំង​ដល់​យុវវ័យ ជា​ពិសេស​ក្មេង​ស្រី ប៉ុន្តែ​ថ្នាំ​ការពារ​មិន​ឲ្យ​មាន​កូន មិន​អាច​ជួយ​អ្នកប្រើ​ប្រាស់​ ក្នុង​ការ​ទប់​ស្កាត់​ជំងឺ​ឆ្លង​តាម​ផ្លូវភេទ​បាន​ឡើយ។ ស្រោម​អនាម័យ នៅ​តែ​ជា​មធ្យោបាយ​ដ៏​ប្រសើរ​មួយ​ក្នុង​ការ​ទប់​ស្កាត់​ការ​បង្ក​កំណើត​ផង និង​រាល់​គ្រប់​ជំងឺ​កាមរោគ រាប់​ទាំង​ជំងឺ​ស៊ីដា​ផង៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ