បក្ស​​ Frères​​ musulmans​​ ប្រឈម​មុខ​​នឹង​​បក្ស​​អភិរក្ស​និយម​​ Salafistes​ ​និង​​​បក្ស​​អ្នកសេរី​​និយម​​

 
បេក្ខជន​នៃ​គណបក្ស​អ៊ីស្លាម​អេហ្ស៊ីប​និន្នាការ​កណ្តាលនិយម Frères musulmans » ឬ​បក្ស​​ភាត​របុត្រ​ដែលជា​កម្លាំង​នយោបាយ​មួយ​រៀប​ចំ​បាន​ល្អ​ប្រសើរ​ជាង​គេ​នៅ​ក្នុង​ប្រទេស​នឹង​ត្រូវ​ធ្វើ​ការ​ប្រឈម​មុខ​ត​ទល់​ជាមួយ​នឹង​គណបក្ស​អ៊ីស្លាម​​អភិរក្ស​និយមជ្រុល AL Nour ដែល​ចេញ​មក​ពី​ចលនា​ Salafistes ជាអាទិ៍​នៅ​ទីក្រុង Alexandrie ដែល​ជា​ក្រុង​ធំ​ទី​ពីរ​នៃ​ប្រទេស​អេហ្ស៊ីប​និង​នៅ Damiette ក្នុង​តំបន់​ដែនដី​សណ្ត​នៃ​ទន្លេ ​Nil។ នៅ​តំបន់​ទាំង​ពីរ​នេះ​ បក្ស​ ភាតរបុត្រ​​អ៊ីស្លាម បាន​ទទួល​សំឡេង​ឆ្នោត​ប្រកិត​គ្នា នៅ​ក្នុង​ការ​បោះ​ឆ្នោត​ជុំ​ទី​មួយ ​បន្ទាប់​ពី​គណបក្ស AL Nour នៃចលនា Salafistes បាន​ទទួល​សំឡេង​ឆ្នោត​គាំទ្រ​ច្រើន​សម្បើម​អស្ចារ្យ​គួរ​ឲ្យ​ភ្ញាក់​ផ្អើល។

យ៉ាងណាមិញ ការ​បោះ​ឆ្នោត​នៅ​ជុំ​ទី​ពីរ​នៅ​ថ្ងៃ​ចន្ទ​ស្អែក​ទី​៥​ធ្នូ​នេះ ក៏​ខ័ណ្ឌ​បញ្ចប់​ដែរ នូវ​ភាព​ល្អូក​ល្អិន​​នឹង​គ្នារវាងគណបក្ស​អ៊ីស្លាម​និន្នាការ​កណ្តាលនិយម Frères musulmans​និង​បក្ស​​នៃ​ចលនា salafistes -នេះ​ជា​ការ​លើក​ឡើង​របស់​ទិនានុប្បវត្តិAl akhabar​ ដោយ​លើក​ឡើង​​ជាអាទិ៍ ករណី​នៅទីក្រុង Alexandrie ។

ទិនានុប្បវត្តិដដែលនេះ បានដាក់ចំណងជើង​ទៀតថា” ជាមិត្តភក្តិនៅជុំទីមួយ​​និ​ង​ក្លាយ​ជា​សត្រូវ​​​​នៅ​ជុំទីពីរ​” -ដោយកាសែតនេះ​សំអាងទៅលើការ​ប្រយុទ្ធ​​គ្នាមួយ​នៅទីក្រុង Louxor ​ភាគ​ខាង​ត្បូងប្រទេស រវាង​បេក្ខជន​ម្នាក់​នៃ​គណបក្ស Frères musulmans »និង ម្នាក់ទៀត​​​នៃ​​បក្ស​​អ៊ីស្លាម​ជ្រុលនិយមមួយទៀតរបស់ចលនា salafistes គឺបក្ស Gamaa Islamiya។​

មិនតែប៉ុណ្ណោះ គណបក្ស Frères musulmans »​ក៏នឹងត្រូវ​ប្រឈម​មុខ​​នឹង​គណបក្ស​មួយ​ទៀត​គឺគណបក្ស « អ្នកសេរីនិយម » ជាពិសេស​នៅ​ក្នុងមណ្ឌលបោះឆ្នោត​នៅ​​ទីក្រុង Caire។
​
យោងតាម លោក yossri Abdel Karim អគ្គលេខាធិការនៃឧត្តម​គណៈ​បោះឆ្នោតដែលទើប​នឹង​​ផ្តល់តួលេខនៃលទ្ធផល​បោះឆ្នោត​សភានៅជុំទីមួយ​​ដល់​​​ទីភ្នាក់ងារព័ត៌មាន បារាំង AFP គឺ​ បញ្ជី​​ឈ្មោះ​នៃគណបក្ស អ៊ីស្លាមនិយម​ក្នុងនោះ គណបក្សFrères musulmans » បាន​ទទួល​សំឡេងឆ្នោត​ជាង ៦៥%។ ចំណែក​ ឯ ក្រុមគណបក្សអ៊ីស្លាមជ្រុល​និយម​ Salafistes Al NOUR និងបក្ស  Wassat ដែលជា​បក្សអ៊ីស្លាម​និន្នា​ការ​កណ្តាល​និយម បាន​ទទួល​សំឡេង​ឆ្នោត​ ៦៥,២៥%-នេះ​បើយោងតាម​តួលេខជា​ផ្លូវការ​៕ ​ ​​