កម្ពុជា​

លោក មាច សុវណ្ណរ៉ា បដិសេធ​ថា មិន​ពាក់ព័ន្ធ​នឹង​ចលនា​រំលំ​រដ្ឋាភិបាល

លោក​ ខៀវ កញារីទ្ធ រដ្ឋមន្ត្រី​ក្រសួង​ព័ត៌មាន​ ថ្ងៃ​ទី ២២ តុលា ២០១០
លោក​ ខៀវ កញារីទ្ធ រដ្ឋមន្ត្រី​ក្រសួង​ព័ត៌មាន​ ថ្ងៃ​ទី ២២ តុលា ២០១០ © RFI

ក្រោយ​ពី​ការ​ចុះ​ផ្សាយ​ព័ត៌មាន​មួយ​របស់​ទីភ្នាក់ងារ​ព័ត៌មាន​កម្ពុជា​AKP និង​របស់​វិទ្យុ​បារាំង​អន្តរជាតិ អំពី​ចលនា​​ប្រឆាំង​រដ្ឋាភិបាល លោក មាច សុវណ្ណរ៉ា បាន​បដិសេធ និង​ច្រាន​ចោល​ព័ត៌មាន​​ដែល​​​ លោកមាន​ពាក់ព័ន្ធ​នឹង​សកម្មភាព​ចង់​ផ្តួល​រំលំ​រដ្ឋាភិបាល​បច្ចុប្បន្ន។ អ្នក​នាំ​ពាក្យ​រដ្ឋាភិបាល លោក ខៀវ កាញារីទ្ធ បាន​ធ្វើ​អត្ថាធិប្បាយ​ថា ប្រសិន​បើ​ក្រុម​ប្រឆាំង​រដ្ឋាភិបាល​បញ្ចេញ​​សកម្មភាព​ជាក់​ស្តែង រដ្ឋាភិបាល​នឹង​ចាត់​វិធាន​ការ​តាម​ច្បាប់។ 

ផ្សាយពាណិជ្ជកម្ម

 លោក មាច សុវណ្ណរ៉ា បាន​ច្រាន​ចោល​ការ​ផ្សាយ​ព័ត៌មាន​នៅ​ក្នុង​គេហទំព័រ​របស់​ទីភ្នាក់ងារ​ព័ត៌មាន​កម្ពុជា AKP ដែល​ថា​មាន​ក្រុម​ប្រឆាំង​រដ្ឋាភិបាល ​ដឹកនាំ​ដោយ​រូប​លោក។ លោក មាច សុវណ្ណរ៉ា បាន​អះអាង​ថា លោក​មិន​បាន​បង្កើត​ចលនា​ប្រឆាំង​រដ្ឋាភិបាល ដូច​លោក ឆាំង សុង បាន​សរសេរ​ប្រាប់​លោក ខៀវ កាញារីទ្ធ រដ្ឋមន្ត្រី​ក្រសួង​ព័ត៌មាន​នោះ​ទេ។ លោក​ក៏គ្មាន​អ្វី​ពាក់ព័ន្ធ​នឹង​ក្រុម​របស់​លោក សួន សេរីរដ្ឋា ដែរ។

ទីភ្នាក់ងារព័ត៌មានកម្ពុជា AKP​បាន​ផ្សាយ​អត្ថបទ​មួយ​កាលពី​ថ្ងៃ​ទី​១៧​ឧសភា អំពី​សារ​អេឡិចត្រូនិក​របស់​លោក ឆាំង សុង ទីប្រឹក្សា​រដ្ឋាភិបាល ផ្ញើ​ទៅ​លោក​ ខៀវ កាញារីទ្ធ អ្នកនាំ​ពាក្យ​រដ្ឋាភិបាល ដែល​សារ​នោះ​និយាយ​ថា មាន​ក្រុម​ប្រជាធិបតេយ្យនិយម​ចង់​ប្រឆាំង​រដ្ឋាភិបាល ហើយ​ថា​ក្រុម​នោះ ពី​ដំបូង​ឡើយ​ដឹកនាំ​ដោយ​លោក មាច សុវណ្ណរ៉ា។

            ទាក់ទង​នឹង​ព័ត៌មាន​អំពី​ក្រុម​ប្រឆាំង​នេះ លោក ខៀវ កាញារីទ្ធ អ្នក​នាំ​ពាក្យ​រដ្ឋាភិបាល​បាន​ឆ្លើយ​ប្រាប់​វិទ្យុ​បារាំង​អន្តរជាតិ​នៅ​ថ្ងៃ​ព្រហស្បតិ៍​នេះ​ថា ប្រសិន​បើ​ក្រុម​នេះ​ធ្វើ​សកម្មភាព​ជាក់ស្តែង ដូច​ជា​រើស​ទ័ព និង​ចែក​ខិត្ត​ប័ណ្ណ​បំផុស​បំផុល​ប្រជាជន​នោះ រដ្ឋាភិបាល​នឹង​ចាត់​វិធានការ​តាម​ច្បាប់៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI