បឹងទំពុន ជា​ថ្នាល​ដាំ​ត្រកួន និង​ជា​ឆ្នាំង​បាយ​របស់​អ្នក​ក្រីក្រ នៅ​ភ្នំពេញ

សំឡេង ០៦:២៥
ដំណាំ​ត្រកួន​នៅ​បឹង​ទំពុន
ដំណាំ​ត្រកួន​នៅ​បឹង​ទំពុន © ម៉េងហួរ-RFI

បឹងទំពុន ស្ថិត​ក្នុង​ខណ្ឌ​មានជ័យ ក្រុង​ភ្នំពេញ ជា​បឹង​ធម្មជាតិ​ដ៏​ធំ​មួយ មិន​ត្រឹមតែ​មាន​តួនាទី​ដ៏​សំខាន់ ក្នុងការ​ស្តុក​ទឹក​សម្អុយ ដែល​បង្ហូរ​ចេញ​ជា​រៀងរាល់ថ្ងៃ​ពី​ទីក្រុង​ភ្នំពេញ​ប៉ុណ្ណោះ​ទេ តែ​បឹងទំពុន ថែម​ទាំង​ជា​ថ្នាល​ដាំ​ត្រកួន បណ្តែត​ទឹក ខៀវស្រងាត់ មើល​ដាច់​កន្ទុយភ្នែក សម្រាប់​អ្នក​ភូមិ​រាប់​រយ​គ្រួសារ ទាញ​យក​ចំណូល​ប្រចាំថ្ងៃ ដើម្បី​ចិញ្ចឹមជីវិត​ថែម​ទៀត។ ក៏ប៉ុន្តែ​ដី​បឹងទំពុន ដ៏​ធំ​ល្វឹងល្វើយ​នោះ សុទ្ធតែ​ជា​កម្មសិទ្ធិ​របស់​អ្នកមាន ហើយ​សព្វ​ថ្ងៃ​ត្រូវ​បាន​គេ​ចាក់​ដី​លុប​ជា​បណ្តើរៗ​ហើយ។