ព្រឹត្តិការណ៍​កម្ពុជា​ប្រចាំថ្ងៃ

បក្ស​ប្រឆាំង​បន្ត​បង្កើន​សកម្មភាព​តវ៉ា ខណៈ​ដែល​រដ្ឋាភិបាល​នៅ​តែ​បន្ត​សកម្មភាព​ដឹកនាំ​ប្រទេស​ធម្មតា​

សំឡេង ០៧:២៥
សកម្មជនគណបក្សនយោបាយជិះរថយន្ត និងម៉ូតូឃោសនាបោះឆ្នោត ក្នុងពេល​កន្លងមក​។
សកម្មជនគណបក្សនយោបាយជិះរថយន្ត និងម៉ូតូឃោសនាបោះឆ្នោត ក្នុងពេល​កន្លងមក​។ ស៊ីវ ចាន់ណា

ក្រោយ​ការ​បោះឆ្នោត និង​មាន​ការ​បង្កើត​រដ្ឋាភិបាល​រួច​មក បើ​ទោះ​បី​ជា​មិន​មាន​ការ​ចូលរួម​ពី​បក្ស​ប្រឆាំង ក៏​កិច្ច​ដំណើរ​ការងារ​ផ្សេងៗ​របស់​រដ្ឋាភិបាល​នៅ​តែ​បន្ត​ជា​ធម្មតា។ ដោយឡែក គណបក្ស​ប្រឆាំង ក្រោយ​ពី​ការប្រកាស​លទ្ធផល​បោះឆ្នោត​ជា​ផ្លូវ​ការ ក្រៅ​តែ​ពី​មិនបាន​ចូលរួម​បើក​សម័យ​ប្រជុំ​សភា​ដំបូង គណបក្ស​នេះ​ក៏​មិន​បាន​ទទួល​ស្គាល់​ផងដែរ ការ​បង្កើត​រដ្ឋាភិបាល​របស់​គណបក្ស​កាន់​អំណាច។ ផ្ទុយទៅវិញ បក្ស​ប្រឆាំង​មួយ​នេះ បាន​បន្ត​សកម្មភាព​តវ៉ា​កាន់​តែ​ខ្លាំង​ឡើងៗ ពិសេស​នោះ​គឺ​ការ​ប្រកាស​ធ្វើ​មហា​បាតុកម្ម​ជា​លើក​ទី​បី​ម្តង​ទៀត​ នៅ​ថ្ងៃ​២៣​តុលា​ខាង​មុខ​នេះ ខណៈដែល​ថ្នាក់​ដឹកនាំ​គណបក្ស​នេះ​កំពុង​បន្ត​យុទ្ធនា​ស្វែង​រក​ការ​គាំទ្រ ទាំង​ក្នុង​ស្រុក និង​ក្រៅប្រទេស មុន​ថ្ងៃ​បាតុកម្ម​ចាប់ផ្តើម​ជាថ្មី។