កម្ពុជា-បារាំង

នាយក​រដ្ឋមន្រ្តី​បារំាង​សន្យា​កៀរគរ​អ្នក​វិនិយោគ​ទុន​បារំាង​មក​រកស៊ី​នៅ​កម្ពុជា​

នាយករដ្ឋមន្រ្តីបារាំង François Fillon
នាយករដ្ឋមន្រ្តីបារាំង François Fillon Remi Jouan

នាយក​រដ្ឋមន្រ្តី​បារំាង​សន្យា​កៀរគរ​អ្នកវិនិយោគទុន​បារំាង​មក​រកស៊ី​នៅ​កម្ពុជា​នៅ​ក្នុង​​ជំនួប​រវាង​លោក​​​​នាយក​រដ្ឋមន្រ្តីបារំាង François Fillon និង លោក​នា​យក​រដ្ឋមន្រ្តី​​កម្ពុជា​​លោកហ៊ុន សែន​ ដែល​​ទើប​តែ​បញ្ចប់មុននេះ បារំាង​និង​កម្ពុជា​បាន​សន្យា​បន្ត ​ពង្រឹងកិច្ច​ស​ហប្រតិបត្តិ​ការ​​គ្នា​​លើ​គ្រប់​​​វិស័យ​បន្ត​ទៀត។ បារំាង​បានសន្យា​គំាទ្រ​​បេក្ខ​ភាព​​កម្ពុជា​ជា​សមា​ជិក​មិន​​អចិន្រ្តៃយ៏​របស់​ អង្គការ​​សហ​ប្រជាជាតិ​នៅក្នុង​ឆ្នាំ​​២០១២​ខាង​មុខ​​នេះ។

ផ្សាយពាណិជ្ជកម្ម

លោក​នាយករដ្ឋមន្រ្តី​បារំាង​ ហ្រ្វង់​ស្វ័រ​ ហ្វី​យ៉ុ​ង​ ក៏​បាន​ប្រាប់​​ លោក​ ហ៊ុន សែន​ថា ​បារំាង​​នឹង​​ខិតខំ​ជំរុញ​​​​​​អ្នកវិនិយោគ​ទុនបារំាង​ឲ្យ​បាន​ច្រើន​មក​រក​ស៊ី​នៅ​​កម្ពុជា។​ ចំណែក ​កម្ពុជា​ក៏​បាន​​លើក​ឡើង​ពី​ការ​ឈ្លានពាន​របស់​ប្រទេស​ថៃ​មក​លើ​កម្ពុជា​ឲ្យ​នា​យក​​រដ្ឋមន្រ្តី​​​បារំា​​ង​​បាន​ដឹង​ផង​ដែរ។ ​លោក ហ៊ុន សែន ​លើក​ឡើង​ថា​ប្រទេស​​ថៃ​បាន​បើក​ការ​​ឈ្លាន​ពានលើ​​ក​ម្ពុ​ជា​តំាងពី​ឆ្នាំ ​២០០៨​​មក​ម៉្លេះ​ ឆ្នាំ​ដែល​អង្គការ​យូណេស្កូ​ បញ្ចូល​ប្រាសាទ​ព្រះវិ​ហារ​​ជា​សម្បត្តិ​បេតិ​ក​ភណ្ឌ​ពិភពលោក។ កម្ពុជា​ បាន​អត់ធ្មត់​ចរចា​ជាមួយ​ថៃ​រហូត​មក​​ មុន​​ស​ម្រេ​ច​​ប្តឹង​​ទៅ​ក្រុម​​ប្រឹក្សា​​សន្តិសុខ​អង្គការ​សហ​ប្រជាជាតិ​ និង​ប្តឹង​ទៅ​តុលាការ​យុត្តិធម៌​អន្តរជាតិ​ ទីក្រុង​​ឡា​អេ។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI