អង់គ្លេស

ពិធី​​បុណ្យ​​ខួប​​៦០​​ឆ្នាំ​​នៃ​​ការ​​គ្រង​​រាជ្យ​សម្បត្តិ​​របស់​​ព្រះមហាក្សត្រិយានី​​ Elisabeth​​ទី​​២​​

រូប​ព្រះឆាយាលក្ខណ៍​​របស់​​ព្រះមហាក្សត្រិយានី​ Elisabeth​​ទី​ពីរ​​និង​ព្រះស្វាមី​​ ព្រះអង្គ​ម្ចាស់ ​Philip​​ត្រូវ​បាន​ដាក់​តាំង​លំអ​នៅ​ពីមុខ​​រថយន្ត​​ក្រុង​​ក្នុង​​ពិធីបុណ្យ​​ខួប​​៦០​​ឆ្នាំ​នៃ​​ការ​​គ្រង​​រាជ្យ​​សម្បត្តិ​របស់ព្រះមហាក្សត្រិយានី​ Elisabethទី២
រូប​ព្រះឆាយាលក្ខណ៍​​របស់​​ព្រះមហាក្សត្រិយានី​ Elisabeth​​ទី​ពីរ​​និង​ព្រះស្វាមី​​ ព្រះអង្គ​ម្ចាស់ ​Philip​​ត្រូវ​បាន​ដាក់​តាំង​លំអ​នៅ​ពីមុខ​​រថយន្ត​​ក្រុង​​ក្នុង​​ពិធីបុណ្យ​​ខួប​​៦០​​ឆ្នាំ​នៃ​​ការ​​គ្រង​​រាជ្យ​​សម្បត្តិ​របស់ព្រះមហាក្សត្រិយានី​ Elisabethទី២ REUTERS/Chris Helgren

ប្រជាជន​​អង់គ្លេស​​នឹ​ង​​ធ្វើ​​បុណ្យ​​៤​​​យប់​​៤​ថ្ងៃ​​ ជា​​កិត្តិយស​​ដល់​​ព្រះ​មហាក្សត្រិយានី​​ Elisabeth​​ ទី​២​​ ដើម្បី​​ប្រារព្ធ​​ខូប​ ​៦០​ ឆ្នាំ​​នៃ​​ការ​គ្រង​រាជ្យ​​សម្បត្តិ​​របស់​​ព្រះ​អង្គ​។​ ​Elisabeth​​ ទី​២​​គឺ​​ជា​​ព្រះ​​មហាក្សត្រិយានី​​ទី​២​​ដែល​​ប្រារព្ធ​​ខួប​​៦០​​ឆ្នាំ​​នៃ​​ការ​គ្រង​​រាជ្យ​សម្បត្តិ​ ​បន្ទាប់​​ពី​​ព្រះ​រាជាធិរាជិនី​​Victoria ​​នៅ​​ឆ្នាំ​​១៨៩៧​។​​ ប្រជាពលរដ្ឋ​​អង់គ្លេស​​ភាគ​​ច្រើន​​ពុំ​​ចង់​​ឱ្យ​​ព្រឹត្តិការណ៍​​ដ៏​​កម្រ​​កើត​​មាន​​បំផុត​​នេះ​​កន្លង​​ផុត​​ទៅ​​ទេ​។​ 

ផ្សាយពាណិជ្ជកម្ម

ពិធីបុណ្យ​​ចាប់ផ្តើមនៅថ្ងៃសៅរ៍២មិថុនានេះនៅ Derby D’Epsom ខាង​ត្បូង​ទីក្រុង​Londres​ដោយ​​ការប្រណាំងសេះ ជាទីចំណង់ចំណូល​ចិត្ត​ខ្លាំង​ណាស់​របស់​ព្រះមហាក្សត្រិយានី​Elisabeth​ទី២។ ប៉ុន្តែទស្សនីយភាពដ៏សំខាន់បំផុត នៅចុងសប្តាហ៍នេះ គឺការបើក​សំញែង​នៃនាវាតូចៗ​ចំនួន​១០០០គ្រឿងនៅថ្ងៃអាទិត្យស្អែក៣មិថុនាចុះតាមទន្លេTamise នៅទីក្រុង​Londres។

« Gloriana », កូននាវា​របស់គ្រួសារស្តេចអង់គ្លេសនៅលើទន្លេ la Tamise ក្នុងទីក្រុង Londres,នៅ​មុនថ្ងៃដង្ហែក្បួននាវាតូចៗប្រមាណ១០០០គ្រឿង​នៅថ្ងៃ២មិថុនា២០១២
« Gloriana », កូននាវា​របស់គ្រួសារស្តេចអង់គ្លេសនៅលើទន្លេ la Tamise ក្នុងទីក្រុង Londres,នៅ​មុនថ្ងៃដង្ហែក្បួននាវាតូចៗប្រមាណ១០០០គ្រឿង​នៅថ្ងៃ២មិថុនា២០១២ Reuters / Ki Price

នៅថ្ងៃចន្ទ៤មិថុនា បន្ទាប់​ពី​ការប្រគំ​តូរ្យតន្ត្រី​របស់​តារា​ចម្រៀង នៅ​ពេល​ល្ងាច​មក ព្រះ​មហា​ក្សត្រិយានី នឹង​អុជភ្លើង​គប់​មួយ​ក្នុង​ចំណោម​ភ្លើង​គប់​ទាំង ៤០០០​ដែល​បែក​ខ្ញែក​ពេញ​ផ្ទៃ​ព្រះរាជាណាចក្រ​អង់គ្លេស។​ ពិធី​បុណ្យ​នឹង​ត្រូវ​បង្ហើយ នៅ​ថ្ងៃ​អង្គារ ទី​៥ខែ​មិថុនា​ដោយ​ក្បួនដង្ហែ​នៃ​ព្រះរាជរថចាប់ពីសង្កាត់ Westminster ទៅ​កាន់​ព្រះបរមរាជវាំង Buckingham ជាទី​ដែល​​ព្រះ​មហាក្សត្រិយានី​និង​ព្រះរាជវង្ស​លេចបង្ហាញព្រះភក្ត្រ ពីលើ​រានហាល​នៃ​ព្រះបរមរាជវាំង។

ទោះបីជាក្រសួង​ឧតុនិយម​បាន​ព្យាករ​អាកាសធាតុ​មិនល្អក្តី ក៏​គេ​នៅតែ​មាន​សន្ទុះចិត្ត​​ស្រើប​ស្រាល ​​គឺគេបានគ្រោង​ធ្វើពិធី​បុណ្យសង្កាត់​ចំនួន​១ម៉ឺន​នៅគ្រប់​ទីកន្លែង​ ទូកញ្ចក់ ​ហាង​​លក់ដូរ ត្រូវ​តុបតែង​លំអ​ដោយ​ទង់តូចៗ ដោយ​ព្រះឆាយាលក្ខណ៍ ឬក៏​វត្ថុអនុស្សាវរីយ៍​ដោយ​មាន​​ព្រះ​ឆាយា​លក្ខណ៍​ព្រះមហាក្សត្រិយានី។ ភោជនីយដ្ឋាន រង្គសាលនិងសាលផឹកភេសជ្ជៈ ដែល​មាន​លក់​ការេម​​ពិសេស​ សំរាប់​ឱកាស​បុណ្យ​ខួប​៦០​ឆ្នាំ​នេះ​នៃការ​គ្រង​រាជ​​សម្បត្តិ​​របស់​ព្រះមហាក្សត្រិយានី ​Elisabeth ទី​ពីរ៕​

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI