បទយកការណ៍

អង្គរ​សង្ក្រាន្ត​ជា​ព្រឹត្តិការណ៍​បង្ហាញ​ពីសា​សនា វប្បធម៌ សិ​ល្បៈ​ ទំនៀប​ទម្លាប់​ខ្មែរ

សំឡេង ០៨:៣៨
យុវជនខ្មែរចូលរួមលេងល្បែងកំសាន្ត ក្នុងឱកាសអង្គសង្រ្កាន្ត នៅអង្គវត្ត ខេត្តសៀមរាប។
យុវជនខ្មែរចូលរួមលេងល្បែងកំសាន្ត ក្នុងឱកាសអង្គសង្រ្កាន្ត នៅអង្គវត្ត ខេត្តសៀមរាប។ @RFI/ Navin

កាលពី​ថ្ងៃទី១០មីនា ម្សិលមិញ​នេះ អង្គការ​យុវជន​មួយ ដែលមាន​ឈ្មោះថា​សហភាព​សហព័ន្ធ​យុវជន​កម្ពុជា បានប្រកាសថា ​ខ្លួន​នឹង​រៀបចំ​ព្រឹត្តិការណ៍​អង្គរ​សង្ក្រាន្ត​ជា​លើក​ទី២ នៅលើ​ទឹកដី​អង្គរ​ខេត្តសៀមរាប ​ក្នុងឱកាស​ពិធីបុណ្យ​ចូលឆ្នាំថ្មី​ប្រពៃណី​ខ្មែរ ក្នុង​ខែមេសា ខាងមុខនេះ។ បើតាម​អ្នករៀបចំ​កម្មវិធី ព្រឹ​ត្ត​ការណ៍​អង្គរ​សង្ក្រាន្ត នឹង​បង្ហាញ​ឲ្យ​ភ្ញៀវ​ជាតិ អន្តរជាតិ​ស្គាល់​នូវ​សាសនា វប្បធម៌ ប្រពៃណី ទំនៀប​ទម្លាប់​ខ្មែរ ក្នុងឱកាស​ចូលឆ្នាំថ្មី តាមរយៈ​ការ​សម្តែង​​សិល្បៈ​ចម្រុះ។ អ្នករៀបចំ​កម្មវិធី​បាន​អំពាវនាវ​ឲ្យ​យុវជន​និង​ពលរដ្ឋ​ខ្មែរ ចូលរួម​កម្មវិធី​នេះ​ឲ្យ​បាន​ច្រើន។