អានតួអត្ថបទ
កូរ៉េខាងជើង

ការ​បោះឆ្នោត​ជ្រើសរើស​ទីប្រឹក្សា​ក្រុង​និង​តំបន់​

លោក Kim Jong-Un ជាកូន​ប្រុស​របស់​មេដឹកនាំ​កូរ៉េ​ខាង​ជើង​,រូបថត​នៅ​ឱកាស​លេច​បង្ហាញខ្លួន​ជា​សាធារណៈ​ដ៏​កម្រ​មួយ​តាម​កញ្ចក់ទូរទស្សន៍​រដ្ឋ​។
លោក Kim Jong-Un ជាកូន​ប្រុស​របស់​មេដឹកនាំ​កូរ៉េ​ខាង​ជើង​,រូបថត​នៅ​ឱកាស​លេច​បង្ហាញខ្លួន​ជា​សាធារណៈ​ដ៏​កម្រ​មួយ​តាម​កញ្ចក់ទូរទស្សន៍​រដ្ឋ​។ REUTERS/Truth Leem
ដោយ៖ វីនស្តុន រតនា
១១ នាទី

ការ​បោះឆ្នោត​​ជ្រើស​រើស​ទីប្រឹក្សា​ក្រុង​និង​​តំបន់​ ប្រព្រឹត្ត​​ទៅ​​នៅ​​ថ្ងៃ​អាទិត្យ​​២៤​កក្កដា​នេះ ​នៅ​កូរ៉េ​ខាង​ជើង។ លទ្ធផល​​នៃ​ការ​​បោះឆ្នោត​នេះ ប្រាកដ​​ជា​ពុំ​​ធ្វើ​​ឲ្យ​​មាន​ការ​​មន្ទិល​សង្ស័យ​​អ្វី​សោះ​​ឡើយ​ នៅ​​ក្នុង​​ប្រទេស​មួយ​ដែល​កាន់កាប់​​ដោយ​​កណ្តាប់​​ដៃ​ដែក​ ដោយ​​គណបក្ស​​​ពលករ​​ក្តាប់​​រដ្ឋអំណាច​​ចាប់ពី​​​ឆ្នាំ​​១៩៤៥​​មក​។ ការ​បោះឆ្នោត​​នេះ​ ត្រូវ​​អនុញ្ញាត​​ឲ្យ​​បណ្តុះ​បណ្តាល​​​​ក្របខ័ណ្ឌ​​វ័យ​​ក្មេង​​ជាង​​និង​​ជិតដិត​នឹង​​លោក​ Kim Jong-un ​ជា​អ្ន​​​ក​ស្នង​​តំណែង​​កំណត់​ដៅ​ទុក​ជាមុន​របស់​ « អគ្គ​​មគ្គុទ្ទេស​ក៍​​ដ៏​​មហិមា» Kim Jong-il។ ការ​​បោះ​ឆ្នោត​​នេះ​ ​​ក៏​​មាន​​ទាំង​​​មុខ​ងារ​​ត្រួត​​ពិនិត្យ​​មើល​​សង្គម​ផង​ដែរ។​

ផ្សាយពាណិជ្ជកម្ម

 

« ចូរ​យើង​បង្ហាញ​កម្លាំង​នៃ​ឯកភាព​ជា​ធ្លុង​មួយ​របស់​យើង »-នេះ​ជា​ពាក្យ​ពេចន៍​លើ​ប័ណ្ណ​ប្រកាស​​បោះឆ្នោត​បិទ​​នៅ​ពេញ​ផ្ទៃ​ប្រទេស​កុម្មុយនិស្ត។ នៅ​ថ្ងៃ​អាទិត្យ ២៤ កក្កដា​នេះ នឹង​មាន​ការ​ជ្រើសតាំង​ប្រតិភូ​ចំនួន ២​ម៉ឺន​៦០០០​នាក់​ប្រចាំ​នៅ​គណៈកម្មាធិការ​ប្រជាជន​នៃ​ទីក្រុង​និង​ខែត្រ​នីមួយៗ។

តាម​ពិត​ការ​បោះឆ្នោត​នេះ ធ្វើ​គ្រាន់តែ​បង្គ្រប់​កិច្ច​ប៉ុណ្ណោះ ដ្បិត​សុទ្ធសឹង​ជា​បេក្ខជន​តំណាង​ឲ្យ​តែ​គណបក្ស​ពលករ​មួយ​ប៉ុណ្ណោះ។ លទ្ធផល​នៃ​ការ​បោះឆ្នោត មិន​ធ្វើ​ឲ្យ​មាន​ការ​ងឿង​ឆ្ងល់​អ្វី​ឡើយ។ នៅ​ឱកាស​បោះឆ្នោត​ឆ្នាំ ២០០៧ អ្នក​ដែល​បាន​ទៅ​បោះឆ្នោត​ មាន​ចំនួន ៩៩.៨២%។

នៅ​កូរ៉េ​ខាង​ជើង ការ​បោះឆ្នោត​ត្រូវ​គេ​ចាត់​ទុក​ជា​ថ្ងៃ​ប្រារព្ធ​ពិធី​បុណ្យ​មួយ ដើម្បី​លើក​តម្កើង​របប​គ្រប់គ្រង។ នៅ​ឆ្នាំ ២០០៧ នៅ​ទីក្រុង​ព្យុងយ៉ាង យើង​បាន​ឃើញ​បណ្តាជន​ស្លៀក​ពាក់​សម្លៀក​​បំពាក់​ល្អៗ​បំផុត​ធ្វើ​ដំណើរ​ព្រមគ្នា​ទាំង​អស់ ទៅ​កាន់​ការិយាល័យ​បោះឆ្នោត។ នៅ​តាម​វិថី​នានា វង់ភ្លេង បាន​ធ្វើ​ឲ្យ​គ្រួសារ​រាំច្រៀង គ្រួសារ​ដែល​ទំនង​ជា​ឆ្លៀត​ឱកាស​បោះឆ្នោត​នេះ ដ្បិត​នៅ​កូរ៉េ​ខាង​ជើង ឱកាស​សំរាប់​លេង​សប្បាយ​ មាន​មិន​ច្រើន​ទេ។

ស្រប​តាម​​អង្គការ​ក្រៅ​រដ្ឋាភិបាល​កូរ៉េ​ខាងត្បូង Daily NK អាជ្ញាធរ​កូរ៉េខាង​ជើង​ក៏​ទាំង​ប្រើការ​បោះឆ្នោត​នេះ ដើម្បី​​ត្រួត​ពិនិត្យ​មើល​បញ្ជី​ឆ្នោត​របស់​ខ្លួន​ឲ្យ​ត្រូវ​តាម​កាលៈទេសៈ។ គឺ​ក៏​អាច​ស្គាល់​អត្តសញ្ញាណ​របស់​ជន​ដែល​បាន​រត់​ភៀស​ខ្លួន​ទៅ​ប្រទេស​ចិន​ ឬ កូរ៉េ​ខាង​ត្បូង​ដូច្នេះ​គំរាម​កំហែង​គ្រួរសារ​គេ​ដែល​ស្ថិត​នៅ​កូរ៉េ​ខាង​ជើង៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ