ជប៉ុន-អឺរ៉ុប

ថាមពល​នុយក្លេងអ៊ែ ជា​ប្រធានបទ​ដែល​លោក Abe លើក​មក​និយាយ នៅ​អឺរ៉ុប​កណ្តាល

លោក Shinzo Abe នៅ​ក្នុង​ពិធី​ប្រារព្ធ​ផ្នូរ​ទាហាន​ដែល​មិន​ស្គាល់​ប្រវត្តិ នៅ​ទីក្រុង Warsaw ថ្ងៃ​ទី១៦ ខែមិថុនា ឆ្នាំ២០១៣
លោក Shinzo Abe នៅ​ក្នុង​ពិធី​ប្រារព្ធ​ផ្នូរ​ទាហាន​ដែល​មិន​ស្គាល់​ប្រវត្តិ នៅ​ទីក្រុង Warsaw ថ្ងៃ​ទី១៦ ខែមិថុនា ឆ្នាំ២០១៣ REUTERS/Peter Andrews

លោក​នាយក​រដ្ឋមន្រ្តី​ជប៉ុន Shinzo Abe បាន ទៅ​ដល់​ទីក្រុង​វ៉ាសូវី ប្រទេស​ប៉ូឡូញ​តាំង​ពី​ល្ងាច​ថ្ងៃ​សៅរ៍​ទី១៥ ​មិថុនា​​មុន​​នឹង​ចូល​​រួម​​ប្រជុំ G8។ នៅ​ក្នុង​ទស្សនកិច្ច​នេះ លោក​គ្រោង អភិវឌ្ឍន៍​​វិស័យ​នុយក្លេអ៊ែរ​​របស់​​ជប៉ុន នៅ​​ប្រទេស​​ ឆែក ​​ជា​​ពិសេស នៅ​​បណ្តា​​ប្រទេស​​អឺរ៉ុប​​កណ្តាល។

ផ្សាយពាណិជ្ជកម្ម

កាលពីថ្ងៃអាទិត្យ ទី១៦​មិថុនា នៅ​ក្នុង​កិច្ច​ប្រជុំ ជា​មួយ​ប្រទេស​ចំនួន បួន គឺ ប៉ូឡូញ សាធារណរដ្ឋ​ឆែក ប្រទេស​ស្លូវ៉ាគី និង​ហុងគ្រី ដែល​ហៅ​ថា​កិច្ចប្រជុំ របស់​ក្រុម​ Visegrad លោក អាបេ សង្កត់​ធ្ងន់​ក្នុង​ការ​សហការ លើ​វិស័យនុយក្លេអ៊ែរ នៅ​តាម​បណ្តា​ប្រទេស​ខាង​លើ។ នេះ​លើក​ទីមួយ​ហើយ របស់ លោក Shinzo Abe នាយក​រដ្ឋមន្រ្តី​ជប៉ុន ក្នុង​ដំណើរ​ទស្សនកិច្ច​​ជា​​ផ្លូវ​​រដ្ឋ​ បន្ទាប់​​ពី​ឡើង​កាន់​តំណែង តាំង​ពី​ខែ​ធ្នូ​ឆ្នាំ​២០១២។ តែ​វា​មិនមែន​ជា​លើក​ទីមួយ​ទេ ដែល​​លោក​​លើក​និយាយ​អំពី​ការ​អភិវឌ្ឍន៍​វិស័យ​នុយក្លេអ៊ែរ ជា​មួយ​បណ្តា​ប្រទេស​អឺរ៉ុប។

 
យើង​បាន​ដឹង​ហើយ​ថា រាល់​ទស្សនកិច្ច របស់​នាយក​រដ្ឋមន្រ្តី​ជប៉ុន ទៅ​បរទេស គាត់​​តែងតែធ្វើ​ការ​មក​ផ្សព្វផ្សាយ អំពី​បច្ចេកវិទ្យា​នុយក្លេអ៊ែរ​របស់​ខ្លួន។ ហើយ​ក្នុង​ទស្សនកិច្ច​នេះ លោក​យល់​ថា អតីត​ប្រទេស​គុម្មុយនិស​ទាំងបួន ជា​ទីតាំង និង​ទីផ្សារ​មួយ​ដ៏​សំខាន់​សម្រាប់​វិស័យ​សំខាន់​ចំនួនបី​របស់​ជប៉ុន ដែល​មាន​ដូច​ជា វិស័យ​ថាមពល វិទ្យាសាស្រ្ត និងផ្នែកបច្ចេកវិទ្យាជាដើម។

នៅ​ក្នុង​ឳកាស​​កិច្ច​ជំនួប​ខាង​លើ ជប៉ុន​នឹង​ធ្វើ​ការ​ចុះហត្ថលេខា​ព្រមព្រៀង​មួយ លើ​វិស័យ​នុយក្លេអ៊ែរ​ជា​មួយ​សាធារណរដ្ឋឆែក។ ក្នុងនោះ ឆែក​សន្យា​ថា​នឹង​ប្រើ​ថាមពល​នុយក្លេអ៊ែរ​របស់​ជប៉ុន។ សម្រាប់​កិច្ចព្រមព្រៀង​ខាង​លើ ក្រុមហ៊ុន សាខា​មួយរបស់​ Toshiba ដែល​មាន​ការ​សហការ​គ្នា​ជា​មួយ​ក្រុមហ៊ុន​អាមេរិក នឹង​ទទួលសាងសង់​មជ្ឈមណ្ឌល​នុយក្លេអ៊ែរ ចំនួន​ពីរ​នៅ ឆែក ដែល​គ្រោង​បញ្ចប់​នៅ​ឆ្នាំ​២០២៥។

សូម​រម្លឹក​ផង​ដែរ​ថា នុយក្លេអ៊ែរ ជា​ប្រធានបទ​មួយ​ដែល រសើប​នៅ​ប្រទេស​ជប៉ុន ដែល​កាល​ពី​ខែ មីនា​ឆ្នាំ​២០១១ កន្លង​ទៅ​ ជប៉ុន​បាន​ជួប​គ្រោះថ្នាក់​មួយ​ដ៏​ធ្ងន់ធ្ងរ នៅ Fukushima ដែល​បណ្តាល​មក​ពី​រលក​យក្ស Tsunami។ ដែល​នេះ​ជា​គ្រោះ​មហន្តរាយ មួយ​ដ៏​ធំ​ជាង​គេ ក្នុង​រយៈពេល​២៥ឆ្នាំ​មក​នេះ។ ដោយ​សារ​តែ​បញ្ហា​ខាងលើ សម្បី​តែភិយា​ផ្ទាល់​របស់ លោក Abe ក៏​បាន​ប្រកាស ជា​សារធារណៈ​ថា មិន​គាំទ្រ​នូវ​នយោបាយ​នុយក្លេអ៊ែរ របស់​ស្វាមី​លោកស្រី​ឡើយ។

បន្ទាប់​ពី​កិច្ច​ជំនួប ជា​មួយ​ក្រុម Visegrad លោក នឹង​ចូលរួម​កិច្ច​ប្រជុំ​មួយ​ទៀត ជា​មួយ​ប្រទេស ដែល​មាន​ឧស្សាហកម្ម​ជឿនលឿន​ទាំង​ប្រាំបី ដែល​ហៅ ថា (G 8) នៅ​ប្រទេស​អៀឡង់។ កិច្ច​ប្រជុំ​នេះ​នឹង​ប្រព្រឹត្ត​ទៅ​នៅ ថ្ងៃ​ទី​១៧ និង​១៨ ខែ​មិថុនា ស្អែក​នេះ ដែល​នឹង​អាច​ឲ្យ​ជប៉ុន​មាន​ឳកាស​សហការ​កាន់​តែ​ស្អិត​រមួត​ជាង​មុន ជា​មួយ​បណ្តា​ប្រទេស​សមាជិក សហភាព​អឺរ៉ុប ជា​ពិសេស​លើ​វស័យ​ថាមពល​នុយក្លេអ៊ែរ៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI