អានតួអត្ថបទ

អាហ្វហ្កានីស្ថាន​បរាជ័យ​កាន់​តែ​ខ្លាំង​នៅ​ចំពោះ​មុខ​ការ​វាយប្រហារ​តាលីបង់

ការ​វាយប្រហារ​ដោយ​បំផ្ទុះ​រថយន្ត​នៅ​ទីក្រុង​កាប៊ូល ប្រទេស​អាហ្វហ្កានីស្ថាន ថ្ងៃទី ១ សីហា ២០១៦
ការ​វាយប្រហារ​ដោយ​បំផ្ទុះ​រថយន្ត​នៅ​ទីក្រុង​កាប៊ូល ប្រទេស​អាហ្វហ្កានីស្ថាន ថ្ងៃទី ១ សីហា ២០១៦ REUTERS/Mohammad Ismail
ដោយ៖ អៀង សុខម៉ិញ
១១ នាទី

កង​កម្លាំង​ការពារ​សន្តិសុខ​ជាតិ​អាហ្វហ្កានីស្ថាន កំពុង​តែ​ចាញ់​យ៉ាង​ដំណំ នៅ​ចំពោះ​មុខការ​វាយប្រហារ​កាន់​តែ​សន្ធាប់​ឡើងៗ របស់​ពួក​តាលីបង់ និង​ក្រុម​ជ្រុលនិយម​ផ្សេងទៀត។ បន្ថែម​ពី​លើ​តុល្យាការដ៏ធ្ងន់ធ្ងរ​​នៃ​ចំនួន​ទាហាន​-​ប៉ូលិស​អាហ្វហ្កានីស្ថាន​ស្លាប់ និង​របួស នៅ​ឆ្នាំ២០១៥ ​​​​នៅ​ឆ្នាំ​២០១៦នេះ អាហ្វហ្កានីស្ថាននេះ​បើ​តាម​ការ​ប្រកាស​របស់​អង្គការ​​អូតង់ នៅ​ថ្ងៃ​ព្រហស្បតិ៍​ម្សិលមិញ។

ផ្សាយពាណិជ្ជកម្ម

មាន​ប៉ូលិស​និង​ទាហាន​មិន​តិច​ជាង​៥ពាន់​នាក់​បាន​ស្លាប់ និង​ ១៥០០០​នាក់ បាន​រង​របួស​នៅ​ឆ្នាំ​២០១៥​ ! ​ហើយ​នៅ​ឆ្នាំ​នេះការបាត់ប​ង់​​នឹង​ត្រូវ​កើន​ឡើង​​ច្រើនទៀត ព្រោះកងកម្លាំង​អាហ្វហ្កានីស្ថាន កំពុង​ចាញ់​ខ្លាំង​ណាស់ ! ចាញ់​ខ្លាំង​ក្នុង​ល្បឿន ២០%​ លើស​ឆ្នាំ​មុន។ នេះ​បើ​តាម​ការ​អះអាង​របស់​អ្នក​នាំ​ពាក្យ​អង្គការ​អូតង់។

 

កងកម្លាំង​អាហ្វហ្កានីស្ថាន មាន​ភារៈ​ការពារ​ដោយ​ខ្លួន​ឯង​ តាំង​ពី​ដើម​ឆ្នាំ​២០១៥​មក បន្ត​ពី​កងកម្លាំង​របស់​អូតង់ ប៉ុន្តែ​ទោះ​បី​ជា​បាន​ទទួល​ការ​បំពាក់បំប៉ន​ និង​ជំនួយ​យ៉ាង​ស្រួច​ស្រាវ​ពី​អង្គការ​នេះ​ក្តី ក៏​ពួក​គេ​នៅ​តែ​មិនអាច​ទប់​ឈ្នះ​ពួក​តាលីបង់​បាន។ ពួក​តាលីបង់ និង​ពួក​ឧទ្ទាម​អ៊ីស្លាម​ជ្រុល​និយម​ផ្សេងៗ បាន​​សម្រុក​ធ្វើ​ការ​វាយប្រហារ​យ៉ាង​ខ្លាំង​ នា​រយៈ​ពេល​ប៉ុន្មាន​ខែ​ចុងក្រោយ​នេះ។

​បរាជ័យបែប​នេះ បាន​រុញ​ច្រាន​ស្ថានភាព​សុវត្ថិភាព​ជាតិ​បាន​ធ្លាក់​ចុះ​យ៉ាង​ខ្លាំង។ កាលពី​ថ្ងៃ​ពុធ ​ពួកតាលីបង់​បាន​វាយប្រហារ​សកលវិទ្យាល័យ​អាមេរិក​នៅ​ក្រុង​កាប៊ូល ស្លាប់​មនុស្ស​អស់​១៦​នាក់។ នៅ​ដើម​សប្តាហ៍​អូតង់ បាន​ប្រកាស​ពង្រាយ​ទាហាន​​អាមេរិក​១០០​នាក់ នៅ​ក្រុង​ហែលម៉ង់ ដែល​ហៀប​ធ្លាក់​ក្នុង​កណ្តាប់​ដៃ​ពួក​តាលីបង់​។ ​

ហើយ​ប្រឈម​នឹង​ការ​គំរាម​កំហែង​កាន់​តែ​ខ្លាំង លោកអូបាម៉ា បាន​សម្រេច​ផ្អាក​ការដក​​កងទ័ព​អាមេរិកចេញ​សិន ដោយ​ទុក​កម្លាំង​ជាង ៨៤០០​នាក់ ឱ្យ​អាហ្វហ្កានីស្ថាន រហូត​ដល់​ឆ្នាំ​ក្រោយ។ តែ​កងកម្លាំង​អាហ្វហ្កានីស្ថាន​នៅ​មាន​​ចំណុច​ខ្លាំង​មួយ​ ដែលបើ​តាម​​អ្នក​នាំ​ពាក្យ​អង្គការ​អូតង់ ពួកគេ​មាន​​ភាព​តស៊ូ​ស្វិតស្វាញ​ និង​​​ឆន្ទៈ​ប្រយុទ្ធ​តទល់​ជា​និច្ច​បើ​ទោះ​បី​ជា​ចាញ់​ខ្លាំង​ក៏​ដោយ ព្រមទាំង​មាន​សមត្ថភាព​គ្រាន់​បើ​ជាង​ឆ្នាំ​មុន។

អាហ្វហ្កានីស្ថាន ​មាន​កម្លាំង​ប៉ូលិស​និង​ទាហាន​សរុប​ប្រមាណ ៣២ម៉ឺន​នាក់ ត្រូវ​ប្រឈម​នឹង​ការ​វាយប្រហារ​ពី​សំណាក់​តាលីបង់ ​ជា​រៀង​រាល់​ថ្ងៃផង និង​​​​បញ្ហា​ពុករលួយ​ស៊ីរូង​ផ្ទៃក្នុង​ដ៏​ធំផង៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ