អានតួអត្ថបទ
កម្ពុជា

ក្រុមហ៊ុនទូរស័ព្ទ​ចំនួន​ពីរ​ចាប់ផ្តើម​អនុវត្ត​សេចក្តីប្រកាស​របស់​ក្រសួង​ប្រៃសណីយ៍​លើ​តម្លៃ​ហៅ​ប្រព័ន្ធ​ទូរស័ព្ទ

ការផ្តល់រង្វាន់របស់ក្រុមហ៊ុនសេលកាត។
ការផ្តល់រង្វាន់របស់ក្រុមហ៊ុនសេលកាត។ @ rif/cellard
ដោយ៖ គឹម យុទ្ធណា
១៨ នាទី

រហូតមកដល់​ថ្ងៃ​ព្រ​ហ​ស្ប​ត្តិ៍​នេះ ក្រុមហ៊ុនទូរស័ព្ទ​ចល័ត០១២ សែ​ល​កាត បានធ្វើការ​ផ្លាស់ប្តូ​រគ​ម្រោ​ង​តម្លៃ​ហៅ​ទូរស័ព្ទ​ចេញ​របស់ខ្លួន​សម្រាប់​អតិថិជន ដោយ​ផ្អែក​ទៅតាម​សេចក្តីប្រកាស​របស់​ក្រសួង​ប្រៃសណីយ៍ និង​ទូរ​គម​នា​គម​ន៏ ខណៈដែល​ក្រុមហ៊ុន​ប្រព័ន្ធ​ទូរស័ព្ទ​ស្មា​ត បាន​អនុវត្ត​សេចក្តីប្រកាស​នេះ​របស់ខ្លួន​កាលពី​ថ្ងៃ​ពុធ​ម្សិលមិញ​ដល់​អតិថិជន​របស់ខ្លួន។

ផ្សាយពាណិជ្ជកម្ម

ក្រុមហ៊ុន​ទូរ​ស័​ទ្ទ​ចល័តធំៗចំនួន​ពីរ​នៅក្នុង​ប្រទេស​កម្ពុជា​បានធ្វើ​សេចក្តីប្រកាស​ជូនដំណឹង​ដល់​អតិថិជន​របស់ខ្លួន​ជា​បន្តបន្ទាប់ អំពី​ការកែប្រែ​តម្លៃ​អត្រា​ហៅ​ចេញ​ក្នុងការ​ប្រើប្រាស់​ប្រព័ន្ធ​ទូរស័ព្ទ។ ការកែប្រែ​អត្រា​ហៅ​ទូរស័ព្ទ របស់​ក្រុមហ៊ុន​ទាំងនេះ ដោយយោង​ទៅតាម​សេចក្តីប្រកាស​របស់​ក្រសួង​ប្រៃសណីយ៍​ស្តីអំពី​ការកំណត់​អត្រា​តម្លៃ​អប្បបរមា​លើ​ការហៅ​ទូរស័ព្ទ ដែល​បាន​ដាក់ចេញ​ឲ្យ​ក្រុមហ៊ុនទូរស័ព្ទ​ទាំងអស់​អនុវត្ត​កាលពី​ថ្ងៃទី២៨ វិច្ឆិកា​កន្លងទៅនេះ។

 
សេចក្តីប្រកាស​បាន ដាក់​កំណត់​លើ​ក្រុមហ៊ុនទូរស័ព្ទ​ចល័ត​ទាំងអស់​ចំពោះ​អត្រា​តម្លៃ​អប្បបរមា សម្រាប់​ការហៅ​ចេញ​ក្នុង​ប្រព័ន្ធ​ត្រឹម៤.៥សេនក្នុង​មួយ​នាទី និង៥.៩៥សែន​ក្នុង​មួយ​នាទីសម្រាប់​ការហៅ​ទូរស័ព្ទ​ចេញទៅ​ក្រៅ​ប្រព័ន្ធ។

សេចក្តីប្រកាស​របស់​ក្រសួង​ប្រៃសណីយ៍ លើកឡើងថា ការយក​តម្លៃ​ហៅ​ទូរស័ព្ទ​ចេញ​ក្នុង​មួយ​នាទី​ធម្មតា​វិញ ដើម្បី​ជាការ​គោរព​តាម​បញ្ញត្តិ​របស់​ក្រសួង និង​ជាការ​ការពារ​កុំ​ឲ្យ​មានការ​បាត់បង់​ក្រុមហ៊ុន​វិនិយោគ​លើ​ប្រព័ន្ធ​ទូរស័ព្ទ។

នៅថ្ងៃនេះ តាមរយៈ​ការផ្ញើ​សារ​តាម​ទូរស័ព្ទដៃ និង​សេចក្តី​ជូន​ដំ​ណឹ ទៅកាន់​អតិថិជន​របស់ខ្លួន ក្រុមហ៊ុនទូរស័ព្ទ​សែ​ល​កាត បានប្រកាសថា ខ្លួន​ចាប់ផ្តើម​ធ្វើការ​កែតម្រូវ​លើ​គម្រោង​តម្លៃ និង​ការផ្តល់ជូន​កម្មវិធីពិសេសៗទាំងអស់​ចាប់ពី​ថ្ងៃទី៥ ខែ ធ្នូ​នេះ​តទៅ។

ក្រុមហ៊ុន​ឲ្យ​ដឹងថា អត្រា​តម្លៃ​គម្រោង​សែ​ល​កាត​ធម្មតា​គឺ​តម្លៃ៧សេន​ក្នុង​មួយ​នាទី និង៨សេន សម្រាប់​ការហៅ​ក្រៅ​ប្រព័ន្ធ។ ចំពោះ​ស៊ីម​កាត​ថ្មី អតិថិជន នៅតែ​រីក​ករាយ​ជាមួយ​ទឹកប្រាក់​មាន​ស្រាប់​ក្នុង​គណនី​ព្រមទាំង អត្ថប្រយោជន៍​បន្ថែម​ជាច្រើន​ទៀត។ ក្រុមហ៊ុន​ប្រកាសថា គម្រោង​សែ​ល​កាត​XG នឹងមិន​អាច​បន្ត​ផ្តល់ជូន​ការហៅ​ទូរស័ព្ទ​ដោយ​ឥតគិតថ្លៃ​ក្នុង​ប្រព័ន្ធ បានទេ តែ​នឹង​បន្ថែម​ការផ្តល់ជូន​ឥតគិតថ្លៃ​លើ​ចំនួន​ទិន្នន័យ​អ៊ិន​ធើ​ណេ​ត​កាន់តែ ច្រើនជាង​មុន។

ចំណែក​ក្រុមហ៊ុនទូរស័ព្ទ​ចល័ត​ស្មា​ត (Smart) កាលពី​ថ្ងៃ​ពុធ បានប្រកាសថា ក្រុមហ៊ុន​ខ្លួន នឹង​ផ្លាស់ប្តូរ​កម្មវិធី​ហៅ​ទូរស័ព្ទ​មួយចំនួន ដោយ​យកតាម​តម្លៃ​កំណត់​របស់​ក្រសួង ចាប់ពី​ថ្ងៃទី០៤ ខែ ធ្នូ។ ក្រុមហ៊ុន ទូរស័ព្ទ​ស្មា​ត​បាន​ឲ្យ​ដឹងថា សម្រាប់​កម្មវិធី​ដូរ​លុយ អតិថិជន​ស្មា​ត នៅតែ​អាច​បន្ត​ដូរ បាន​ដរ​ដែល តែ​ប្រើប្រាស់​បាន​សម្រាប់​ការផ្ញើ​សារ​ក្នុង​ប្រព័ន្ធ និង ប្រើ​អ៊ិន​ធើ​ណែ​ត​តែប៉ុណ្ណោះ។ សម្រាប់​សេវាកម្ម​តេ​អស់​ស្ទះ នឹងត្រូវ​បាន​ផ្អាក​ជា​បណ្តោះអាសន្ន។

យ៉ាងណាក៏ដោយ ការប្រកាស​កែប្រែ​អត្រា​តម្លៃ​ហៅ​ចេញ​ទូរស័ព្ទ​របស់​ក្រុមហ៊ុនទូរស័ព្ទ​តាមរយៈ​សេចក្តីជូនដំណឹង​របស់​ក្រសួង​ប្រៃសណីយ៍​នេះ បាន​ទទួលរង​ការរិះគន់​យ៉ាងខ្លាំង​ពី​អ្នកប្រើប្រាស់​បណ្តាញ​សង្គម​ហ្វេ​ស​ប៊ុ​កថា បានធ្វើ​ឲ្យ​ប៉ះពាល់​ដល់​ជីវភាព​រស់នៅ​ប្រចាំថ្ងៃ​របស់​ប្រជាពលរដ្ឋ ខណៈដែល​តម្លៃ​ប្រព័ន្ធ​សេវា​ទូរស័ព្ទ​ចល័ត​នៅក្នុង​ប្រទេស​កម្ពុជា​ត្រូវបាន​ក្រុមអ្នកវិភាគ​សេដ្ឋកិច្ច​យល់ឃើញថា នៅមាន​តម្លៃ​ថ្លៃ​ជាង​ប្រទេសជិតខាង​នោះ៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ