អានតួអត្ថបទ
កម្ពុជា

កម្មករ​កម្ម​ការ​នី​បីនាក់​ទទួលបាន​ជ័យលាភី​យល់ដឹង​ផ្នែក​ច្បាប់

កម្មករកម្មការិនីកម្ពុជា
កម្មករកម្មការិនីកម្ពុជា RFI/Siv Channa
១៥ នាទី

កម្មករ​កម្ម​ការ​នី​បីនាក់ ទទួលបាន​ជ័យលាភី​យល់ដឹង​ពី​ច្បាប់​ការងារ​នៃ​កម្ពុជា បន្ទាប់ពី​ពួកគេ​ចូលរួម​នៅក្នុង​កម្មវិធី​ប្រកួតប្រជែង​ចំណេះដឹង​ស្តីអំពី​ច្បាប់​ការងារ​នៃ​ប្រទេស​កម្ពុជា។កម្មវិធី​ប្រកួតប្រជែង​នេះ​ត្រូវបាន​រៀបចំឡើង​ដោយ​អង្គការ​ពលកម្ម​អន្តរជាតិ ILO នៅក្នុង​គំរោង​មួយ​ដែលមាន​ឈ្មោះថា​រោងចក្រ​កាន់តែ​ប្រសើរ​នៅ​កម្ពុជា។

ផ្សាយពាណិជ្ជកម្ម

កម្មករ កម្ម​ការ​នី​កាត់ដេរ​ចំនួន​បីនាក់ ទទួលបាន​ជ័យលាភី នៅក្នុង​ការប្រកួតប្រជែង​ចំណេះដឹង ស្តីពី​ច្បាប់​ការងារ​នៃ​កម្ពុជា។ជ័យលាភី​ទាំងបី​នាក់​នេះ គឺ អ្នកនាង សេង ច​ន្នា មកពី​រោងចក្រ GDM ទទួលបាន​ចំណាប់​ថ្នាក់​លេខ​មួយ ដោយ​ទទួលបាន​នូវ ប្រាក់រង្វាន់ ចំនួន ២៥០ ដុល្លារ និង​ទូរទស្សន៍ LCD មួយគ្រឿង។

ចំណាប់​ថ្នាក់​លេខ​ពីរបាន​ទៅលើ អ្នកនាង​គឹម វ​ណ្ណី មកពី​រោងចក្រ​YNW ដែល​បានទទួល​រង្វាន់ ២០០ដុល្លា និង​កង់​មួយគ្រឿង និង​ចំណាប់​ថ្នាក់​លេខ​បី​បាន​ទៅលើ លោក នឹង តាំង​សេង មកពី​រោងចក្រ Roohsing ដែល​ទទួលបាន​រង្វាន់​ជា​ទឹកប្រាក់ ១៥០ ដុល្លារ និង​ទូរស័ព្ទដៃរ​មួយគ្រឿង។

លោក គាំ ទី​វា មន្ត្រី​ទំនាក់ទំនង​នៃ​អង្គការ ILO បាន​និយាយថា ការរៀបចំ​អោយមាន​កម្មវិធី​ប្រកួតប្រជែង​ចំណេះដឹង​ស្តីពី​ច្បាប់​ការងារ​នេះ ឡើង គឺ​ក្នុង​គោលបំណង​ដើម្បី​ឲ្យ​កម្ម​ករក​ម្មារ​នី​បាន​យល់ដឹង អំពី​ច្បាប់​ការងារ​អោយបាន​ប្រសើរ​ជាង​មុន។សំរាប់​មន្ត្រី​អង្គការ ILO រូបនេះ ចំណេះដឹង​ទាក់ទង​ទៅនឹង​ច្បាប់​ការងារ​របស់​កម្មករ​កម្ម​ការ​នី​ខ្មែរ​នៅមានកំរិត​នៅឡើយ។

លោក​ពន្យល់ថា៖“កម្មករ​ភាគច្រើន​មិនទាន់បាន​យល់​អំពី​ច្បាប់​ការងារ​នៃ​ប្រទេស​កម្ពុជា នៅឡើយ​ទេ។ កត្តា​នេះ​នាំអោយ ការទាមទារ​របស់​ពួកគេ​ជួបប្រទះ​នូវ​បញ្ហា​ស្មុគស្មាញ់​ជា​ញឹកញាប់។ ដូចជា​ពួកគាត់​មិនបាន​ដឹងថា នៅពេលដែល​ធ្វើ​កូដកម្ម​មិន​ចូលធ្វើការ នោះ ថ្ងៃ​ដែល​ពួកគេ​មិន​ចូលធ្វើការ មិនត្រូវ​បានគិត​ថ្លៃ​ឈ្លួ​ល​អោយ​នោះទេ​ជាដើម”។

ដូច្នេះ កម្មវិធី​ប្រកួតប្រជែង​នេះ​នឹង​ជួយ​អោយ​ពួកគាត់​បាន​យល់ដឹង​អំពី​ចំនុច​ទាំងអស់នេះ ដើម្បីអោយ​ពួកគាត់​ធ្វើការ​សម្រេច​អោយបាន​ត្រឹមត្រូវ មុន​នឹងធ្វើ​អ្វីមួយ។

គួររំលឹកថា កម្មវិធី​នេះ ត្រូវបាន​រៀបចំឡើង​ដោយ​អង្គការ​ពលកម្ម​អន្តរជាតិ ហៅ​កាត់​ថា ILO សហ​ការណ៍​ជាមួយនឹង​ស្ថា​នី​វិទ្យុ​វាយោ FM 105.5 MHz ។ បេក្ខជន​ចំនួន ៣០០ នាក់ មកពី​រោងចក្រ​កាត់ដេរ ៣២ នៅ​ទូទាំងប្រទេស​បានដាក់​ពាក្យ​សុំ​ចូលរួម​នៅក្នុង​ព្រឹត្តិការណ៍​នេះ។

មានតែ​បេក្ខជន ១៨ រូប​ប៉ុណ្ណោះ ដែល​ត្រូវ​ជ្រើស​តាមរយៈ​ពាក្យសុំ និង​ការសម្ភាសន៍ អោយ​ចូលរួម​ប្រកួត ។ ការប្រកួត​នេះ​មាន​រយៈ​ពេ​ដល ៩ ស​ប្តា​រហ៍​ដោយ​គិត​ចាប់ពី​ថ្ងៃទី 6 តុលា​មក ដោយ​អ្នកចូលរួម​ត្រូវធ្វើ​ការប្រកួតប្រជែង​គ្នា​នៅ​រៀងរាល់ថ្ងៃ​សុក្រ ចាប់ពី​ម៉ោង ៤ដល់ ម៉ោង ៥រសៀល និង​មានការ​ផ្សាយ​ផ្ទាល់​តាម​វិទ្យុ​វាយោ FM 105.5 MHz ផងដែរ។ គណៈកម្មការ​ធ្វើការ​ផ្តល់​ពិន្ទុ​ទៅតាម​ការ​ការបកស្រាយ​ច្បាប់ ដោយមាន​អំណះអំណាង​ត្រឹមត្រូវ និង​ទៅតាម​ភាពក្លាហាន​របស់​ពួកគាត់ម្នាក់៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ