លោក អ៊ុំ សំអាន៖ ខ្ញុំបានជួយរដ្ឋាភិបាល ដើម្បីការពារដីខ្មែរ
ចុះផ្សាយនៅថ្ងៃ៖
សំឡេង ១៥:៤៨
បន្ទាប់ពីអវត្តមានអស់ពេលជាងកន្លះឆ្នាំ លោក អ៊ុំ សំអាន បានត្រឡប់ចូលស្រុកវិញហើយ កាលពីព្រឹកមិញ។ លោក អ៊ុំ សំអាន អ្នកតំណាងរាស្រ្តមណ្ឌលសៀមរាប របស់គណបក្សសង្រ្គោះជាតិ គឺជាមនុស្សម្នាក់ដែលធ្លាប់រិះគន់មិនសំចៃមាត់ ពីរឿងផែនទីនិងព្រំដែន រហូតផ្អើលដល់មានការសុំផែនទីពីប្រទេសមហាអំណាច យកមកផ្ទៀងផ្ទាត់។ សំណុំរឿងព្រំដែននេះដែរ ក៏បានធ្វើឲ្យមានសកម្មជនបក្សប្រឆាំងមួយចំនួន ជាប់ពន្ធនាគារផងដែរ។ ទោះយ៉ាងនេះក្តី លោក អ៊ុំ សំអាន នៅតែបន្តអះអាងថា លោកមិនខ្លាចគុកឡើង ព្រោះលោកគ្មានកំហុស។ ក្នុងបទសម្ភាសជាមួយវិទ្យុបារាំងRFI អ្នកតំណាងរាស្ត្ររូបនេះ ថែមទាំងបញ្ជាក់ថា ខ្លួនបានជួយរដ្ឋាភិបាល ដើម្បីការពារដីខ្មែរ។