អានតួអត្ថបទ
សង្គម

ប្រជាជន​ខ្មែរ​ចាប់​ផ្តើម​អបអរ​សាទរ​បុណ្យ​ចូល​ឆ្នាំថ្មី​

©សុវណ្ណារ៉ា/RFI
ដោយ៖ គី សុខលីម
១៤ នាទី

ប្រជាជន​ខ្មែរ​ជា​ច្រើន​ម៉ឺន​គ្រួសារ​បាន​នាំគ្នា​ទៅ​ដើរ​កំសាន្ត​នៅ​តាម ​រមណីយដ្ឋាន​ទេសចរណ៍​នានា​ក្នុង​ប្រទេស​និង​រមណីយ​​យដ្ឋាន​ទេសចរណ៍​ក្រៅ​ ប្រទេស​។​​ ការ​ធ្វើ​ដំណើរ​ដ៏​ច្រើន​កកកុញ​នៅ​តាម​ខេត្ត​និង​ទៅ​ក្រៅ​ប្រទេស​ យ៉ាង​ដូច្នេះ​ធ្វើ​អោយ​ទី​ក្រុង​ភ្នំពេញ​មាន​សភាព​ស្ងាត់​ជ្រងំ​។

ផ្សាយពាណិជ្ជកម្ម

គ្រួសារ​ខ្មែរ​តាម​គេហដ្ឋាន​នីមួយ​ៗ​បាន​រូតរះ​ងើប​ពី​ព្រលឹម​ដើម្បី​រៀប ​ចំផ្កា​ភ្ញី​ទៀនធូប​ផ្លែឈើ​​ភេសជ្ជៈ​រង់ចាំ​ទទួល​ទេវតា​ឆ្នាំថ្មី​ឆ្នាំ​ ខាល​។ ​​​នៅ​វេលា​ម៉ោង​​៧​និង​​៣៦​នាទី​ព្រឹក​នៅ​ថ្ងៃ​ទី​១៤​ខែ​មេសា ​​ត្រូវ​នឹង​ថ្ងៃ​ទី​មួយ​នៃ​បុណ្យ​ចូលឆ្នាំ​ខ្មែរ​​​សម្លេង​និង​រូបភាព​ ទេវតា​ចុះ​ពីឋាន​លើ​ត្រូវ​បាន​ទូរទស្សន៍​គ្រប់​ប៉ុស្តិ៍​ទាំងអស់​ចាក់​ផ្សាយ ​ព្រម​ៗគ្នា​។

បន្តិច​ក្រោយមក​ប្រជាជន​ខ្មែរ​បាន​ផ្ញើសារ​ជូនពរ​អោយ​ គ្នា​ទៅ​វិញ​​ទៅមក​តាមរយៈ​ទូរស័ព្ទ​។​នៅ​ថ្ងៃ​នេះ​ពេញ​មួយ​ថ្ងៃ​តែ​ម្តង​គេ​ ឮ​សូរ​សម្លេង​ផ្ញើសារ​បាន​រោទិ៍​កងរំពង​ពេញ​ទូរស័ព្ទ​តែម្តង​។​​​បន្ទាប់​ពី ​ទទួល​ទេវតា​ឆ្នាំថ្មី​រួច​ហើយ​​គ្រួសារ​នីមួយ​ៗ​ក្នុង​សម្លៀក​បំពាក់​ ស្អាតបាត​បាន​នាំគ្នា​យក​ចង្ហាន់​ទៅ​ប្រគេន​ព្រះសង្ឃ​​ដែល​កំពុង​គង់​នៅ​ ក្នុង​វត្ត​នីមួយ​ៗ​។​ ទិដ្ឋភាព​ក្នុង​ទីក្រុង​ភ្នំពេញ​នៅ​ថ្ងៃ​នេះ​​គេ​ពុំ​សូវ​ឃើញ​មាន​ឡាន​ឬ​ ម៉ូតូ​ធ្វើ​ចរាចរណ៍​ច្រើន​ទេ​ពោល​​គឺ​ទីក្រុង​​មាន​សភាព​ស្ងាត់​ជ្រងំ​។

ហាង ​លក់​ទំនិញ​និង​ភោជនីយដ្ឋាន ​​ភាគច្រើន​បាន​បិទទ្វារ​។​​​​​លោក​អាំង ​គីមអ៊ៀង​ប្រធាន​សមាគម​ទីភ្នាក់ងារ​ទេសចរណ៍​កម្ពុជា​បាន​បញ្ជាក់​នៅ​ថ្ងៃ​ ពុធ​នេះ​ថា​​សម្រាប់​ឆ្នាំ​នេះ​ប្រជាជន​ខ្មែរ​ជា​ច្រើន​នាក់​បាន​នាំគ្នា​ សម្រុក​ទៅ​កំសាន្ត​តំបន់​រមណីយដ្ឋាន​ថ្មី​ៗ​ដូចជា​៖​ខេត្ត​រតនគីរី​ខេត្ត​ មណ្ឌលគីរី​​ប្រាសាទ​ព្រះវិហារ​និង​​ក្រុងប៉ៃលិន​។​

ចំពោះ​គោលដៅ​ ទេសចរណ៍​នៅ​ក្រៅ​ប្រទេស​វិញ​​​​​​​​​​​​​​​ លោក​អាំង​គីមអ៊ៀង​បាន​ប្រាប់​ថា​នៅ​ឆ្នាំ​នេះ​ប្រជាជន​ខ្មែរ​បាន​ចេញ​ទៅ​ កំសាន្ត​នៅ​ក្នុង​ប្រទេស​វៀតណាម​ច្រើន​ណាស់​។​រថយន្តក្រុង​ពី​ភ្នំពេញ​ទៅ​ ទីក្រុង​ហូជីមិញ​មាន​មនុស្ស​ជិះ​ពេញ​ៗ​តែម្តង​ៗ។ ​អ្នក​មិន​បាន​កក់​សំបុត្រ​ទុក​ជា​មុន​អាច​មិនមាន​កន្លែង​អង្គុយ​ទេ​។​​​​​​ ​សក្តានុពល​ទេសចរណ៍​រវាង​ប្រទេស​ទាំងពីរ​កាន់តែ​មាន​ទំហំ​ធំ​ឡើង​ៗ​ពីមួយ​ ឆ្នាំ​ទៅ​មួយ​ឆ្នាំ​។​​​​

ការ​ធ្វើ​ដំណើរ​របស់​ប្រជាជន​ខ្មែរ​ទៅក្នុង ​ប្រទេស​វៀតណាម​អាច​ថា​ជាការ​ធ្វើ​ដំណើរ​កំសាន្ត​ធម្មតា​ផង​និង​ការ​ពិនិត្យ ​ជំងឺ​ផង​។​​​​​​​​​​​​​មិនមែន​មានតែ​ប្រជាជន​ខ្មែរ​ទេ​ដែល​ទៅ​ កំសាន្ត​នៅក្នុង​ប្រទេស​វៀតណាម​នោះ​តាមពិត​ប្រជាជន​វៀតណាម​វិញ​ក៏​ធ្វើ​ដូច​ ប្រជាជន​ខ្មែរ​ដែរ​។​នៅពេល​បុណ្យ​ឈប់​សម្រាក​របស់​វៀតណាម​ម្តងៗ​ប្រជាជន​វៀត ​ណាម​សម្រុក​មក​ដើរ​កំសាន្ត​នៅក្នុង​ប្រទេស​កម្ពុជា​ដែរ​។​

ជាក់ស្តែង ​​​​​នៅចុង​ខែ​មេសា​ខាងមុខ​នេះ​​​ប្រទេស​វៀត​ណាម​នឹង​រៀប​ចំ​ពិធី​បុណ្យ​ ជាតិ​ដ៏​ធំ​មួយ​នៅក្នុង​ប្រទេស​របស់​ខ្លួន​ដូច្នេះ​ប្រជាជន​វៀតណាម​ជាច្រើន​ រយ​ពាន់​នាក់​នឹង​មក​ដើរ​កំសាន្ត​នៅក្នុង​ប្រទេស​កម្ពុជា​។​ កាល​ពី​ឆ្នាំ​២០០៩​កន្លងមក​ភ្ញៀវទេសចរ​ជនជាតិ​វៀតណាម​បាន​មក​ទស្សនកិច្ច​ ប្រទេស​កម្ពុជា​ច្រើន​ជាង​គេ​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ