បទយកការណ៍

បិទ​ផ្លូវជាតិ​ជា​យុទ្ឋសាស្រ្ត​ថ្មី​សម្រាប់​ការតវ៉ា​បញ្ហា​ដីធ្លី

សំឡេង ០៨:០៨
ប្រជាពលរដ្ឋ​ខេត្ត​កំពង់ស្ពឺ​នាំគ្នា​បិទ​ផ្លូវជាតិ​លេខ៤​ជាច្រើន​ម៉ោងតវ៉ា​បញ្ហា​ដីធ្លី
ប្រជាពលរដ្ឋ​ខេត្ត​កំពង់ស្ពឺ​នាំគ្នា​បិទ​ផ្លូវជាតិ​លេខ៤​ជាច្រើន​ម៉ោងតវ៉ា​បញ្ហា​ដីធ្លី RFI/Navin Im
ដោយ៖ អ៊ឹម ណាវិន
១២ នាទី

បាតុកម្ម ការ​តស៊ូមតិ ការរៀបចំ​វេទិកា​សាធារណៈ ការដាក់​ពាក្យបណ្តឹង​ទៅ​តុលាការ​សុទ្ឋតែ​ជា​មធ្យោបាយ​ដែល​ពលរដ្ឋ​ អ្នក​ជួប​បញ្ហា​ធ្លីដី​បាន​ធ្វើឡើង​ស្វែង​រក​ដំណោះស្រាយ​ក្នុង​ជម្លោះ​ដីធ្លី ហើយ​ក្នុងរយៈពេល​ចុងក្រោយ​នេះ​មាន​យុទ្ឋសាស្រ្ត​ថ្មី​មួយទៀត​ ក្នុងការ​តវ៉ា​បញ្ហា​ដីធ្លី​នេះ​ដែរ គឺ​ការបិទផ្លូវ​ជាតិ​សំខាន់ៗ។ ជាក់ស្តែង​កាល​ពីប៉ុន្មាន​ថ្ងៃមុន​នេះ​ ប្រជាពលរដ្ឋ​ជាង​១០០នាក់​ក្នុងស្រុក​ភ្នំស្រួច ​ខេត្ត​កំពង់ស្ពឺ បាន​នាំ​គ្នាបិទ​ផ្លូវ​ជាតិ​លេខ៤​ជា​ច្រើន​ម៉ោង ​តវ៉ា​ប្រឆំាង​ការអនុវត្តន៏​សាលក្រម​តុលាការ ជា​សាលក្រម​បើកផ្លូវ​ឲ្យ​គ្រឿងចក្រ​ចូល​ទៅឈូសឆាយ​ដំណាំ​និង​ផ្ទះ​របស់​ពួកគាត់។