កម្ពុជា

ប្រមុខ​រដ្ឋាភិបាល​អំពាវនាវ​អោយ​អ្នកគាំទ្រ​លោក​ជៀសវាង​ហិង្សា

លោកនាយក រដ្ឋមន្ត្រី ហ៊ុន សែន​​
លោកនាយក រដ្ឋមន្ត្រី ហ៊ុន សែន​​ © លាងដឺលុច

ក្នុងដំណើរ​ចុះ​ទៅខេត្ត​កំពង់ចាម នៅថ្ងៃចន្ទ​ទី ២៤ មិថុនា ដែលជា​ការបង្ហាញ​មុខចុងក្រោយ មុន​​យុទ្ធនាការ​ឃោសនា​បោះឆ្នោត លោកនាយក​រដ្ឋមន្ត្រី ហ៊ុន សែន បានថ្លែង​សារ​ចុងក្រោយ អំពាវនាវ​ដល់​អ្នកគាំទ្រ​គណបក្ស​ប្រជាជន​អោយ​ចៀសវាង​អំពើ​ហិង្សា​ពេល​បោះឆ្នោត។

ផ្សាយពាណិជ្ជកម្ម

 

ប្រមុខ​រដ្ឋាភិបាល​បាន​សន្យា​ថា នឹង​វែកមុខ​អ្នក​បំផ្លាញ​ស្លាក​សញ្ញា​គណបក្ស​សង្គ្រោះ​ជាតិ។ បើយោង​តាម​លោកនាយក​រដ្ឋមន្ត្រី លោក​ច្បាស់​ក្នុងចិត្ត​ថា ការបំផ្លាញ​ស្លាក​គណបក្ស​ទាំងនេះ មិនមែន​ធ្វើឡើង​ដោយ​អ្នកគាំទ្រ​​គណបក្ស​ប្រជាជន​កម្ពុជា​របស់​លោកទេ។ បេក្ខជន​នាយក​រដ្ឋមន្ត្រី​បក្ស​កាន់​អំណាច​សម្រាប់​ការបោះឆ្នោត​ខាងមុខ បានអំពាវនាវ​ឲ្យអ្នក​ប្រព្រឹត្ត​នោះ​ចេញ​មក​​សារភាព ដោយ​លោក​សន្យា​ថា នឹង​ផ្តល់រង្វាន់​ឲ្យ​អ្នកទាំងនោះ​ទៀត​ផង។ នេះ​ជា​មធ្យោបាយ​ដែល​លោក​អះអាង​ថា ដើម្បី​ឈានទៅ​វែក​មុខ​មេក្លោង​ដែល​នៅ​ពី​ក្រោយ​ខ្នង​នៃ​ការបំផ្លាញ​ស្លាក​គណបក្ស​សង្គ្រោះជាតិ។

នាយករដ្ឋមន្ត្រី​ហ៊ុន​សែនប្រាប់​អ្នកគាំទ្រ​គណបក្ស​ប្រជាជន​ឲ្យ​ជៀសវាង​អំពើហិង្សា

 


គួរកត់​សម្គាល់​ទៀត​ថា នៅក្នុង​សេចក្តី​ណែនាំ​អំពី​ការរក្សា​សន្តិសុខ និង​សណ្តាប់ធ្នាប់ ពេល បោះឆ្នោត ដែលចេញផ្សាយ នៅថ្ងៃទី​២១​មិថុនា​កន្លងមក លោក ស ខេង រដ្ឋមន្ត្រី​ក្រសួងមហា​ផ្ទៃ​ក៏​បាន​សម្តែង​ការសង្ស័យ ដូច​លោក​នាយក​រដ្ឋមន្ត្រី​ដែលថា បញ្ហា​មួយ​ចំនួន​អាច​ជា​ការរៀបចំ​​ឆាក​បង្កើត​បញ្ហា​ដើម្បី​ឈាន​ទៅ​បដិសេធ​លទ្ធផល​បោះឆ្នោត

គណបក្ស​ប្រឆាំង​បាន​សាទរ​ចំពោះ​ការអំពាវនាវ​កុំ​ឲ្យ​មាន​អំពើ​ហិង្សា​ពេល​បោះឆ្នោត ប៉ុន្តែ មន្ត្រី​ជាន់ខ្ពស់​គណបក្ស​ប្រឆាំង នៅ​តែ​ទាមទារ​អោយ​អាជ្ញាធរ​ទទួល​ខុសត្រូវ​ចំពោះ​ហេតុការណ៍​ដែល​បាន​កើតឡើង ដែល​ធ្វើអោយ​បរិយាកាស​ នៅមុន​ការបោះឆ្នោត​អាប់អួរ។

លោកស្រី មួរ សុខហួរស្វាគម​សុន្ទរកថា របស់​នាយករដ្ឋមន្រ្តី

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI