កម្ពុជា

ថ្ងៃ​ឃោសនា​ដំបូង​របស់​គណបក្ស​សង្រ្គោះ​ជាតិ

គណបក្ស​សង្រ្គោះជាតិ​ធ្វើ​យុទ្ធនាការ​ឃោសនា​បោះឆ្នោត នៅ​ថ្ងៃ​ព្រហស្បតិ៍ ទី ២៧ មិថុនា ២០១៣
គណបក្ស​សង្រ្គោះជាតិ​ធ្វើ​យុទ្ធនាការ​ឃោសនា​បោះឆ្នោត នៅ​ថ្ងៃ​ព្រហស្បតិ៍ ទី ២៧ មិថុនា ២០១៣ ©siv channa

ការឃោសនា​រកសំឡេង​ឆោ្នត​របស់​គណបក្ស​សង្គ្រោះជាតិ ចាប់ផ្តើមហើយ នៅថ្ងៃ ព្រហស្បតិ៍​ទី ២៧ មិថុនា។ លោក កឹម សុខា ប្រធានស្តីទី គណបក្ស​នេះ​បានដឹកនាំ​យុទ្ធនាការធំ នៅ​ថ្ងៃ​ដំបូង​ ខណៈ​ដែល​លោក សម រង្ស៊ី ប្រធាន​គណបក្ស​សង្គ្រោះជាតិ​កំពុង​រស់នៅ និរទេស​ខ្លួន នៅឯ​ប្រទេសបារាំង។

ផ្សាយពាណិជ្ជកម្ម

 

ក្បួន​ដង្ហែ​យុទ្ធនាការ​ឃោសនា​រក​សំឡេងឆ្នោត​របស់​គណបក្ស​សង្គ្រោះជាតិ​បាន​ធ្វើឡើង ក្នុង​ទ្រង់ទ្រាយ​ធំ ចំនួន​ពីរ​កន្លែង​ផ្សេងគ្នា គឺ មួយកន្លែង ធ្វើ​នៅ ឯទីលាន​ប្រជាធិបតេយ្យ ក្បែរ​វត្តភ្នំ និង​មួយ​កន្លែង​ទៀត នៅឯ​សួនច្បារ ក្រុងតាខ្មៅ ខេត្តកណ្តាល។ មនុស្ស ២ម៉ឺន​នាក់​ត្រូវ​គេ​អះអាង​ថា បាន​ចូលរួម​​ក្នុង​យុទ្ធនាការ​ឃោសនា ថ្ងៃ​ដំបូងនេះ។

ក្បួន​ដង្ហែ​ឃោសនា​របស់​គណបក្ស​សង្គ្រោះ​ជាតិ នៅភ្នំពេញ​បានផ្តើម​ចេញដំណើរ​ពី​ទីលាន​ប្រជាធិបតេយ្យ រួច​ធ្វើដំណើរ​តាម​បណ្តោយ​ផ្លូវ​ព្រះនរោត្តម។ ចំណែកឯ ក្បួនដង្ហែ​នៅ​ខេត្ត​កណ្តាលវិញ បាន​ធ្វើដំណើរ​ចេញ​ពី​ទីក្រុង​តាខ្មៅ តាម​បណ្តោយ​ផ្លូវជាតិ​លេខពីរ​ឆ្ពោះ​ចូល​មកកាន់ ទីក្រុង​ភ្នំពេញ។ បន្ទាប់មក ក្បួន​ទាំងពីរ​បាន​ជួបជុំគ្នា នៅម្តុំ​ស្តុប​ចំការមន ជិត​ក្រសួង​កសិកម្ម ក្នុង​ខណ្ឌ​ចំការមន រួច​បាន​ដង្ហែ​ព័ទ្ធ​មួយជុំ លើ​ស្ពាន​អាកាស​ក្បាលថ្នល់ មុន​នឹង​បន្ត​ដំណើរ តាម​មហាវិថី​ម៉ៅសេទុង ទៅ​ឈប់​នៅផ្សារ​ដើមគរ ក្នុង​ខណ្ឌ​ទួលគោក។ ទីនោះហើយ ដែលលោក កឹម សុខា បាន​ឡើង​ថ្លែង​ឃោសនា​គោល​នយោបាយ​របស់​គណបក្ស​ដល់​អាជីវករ និង​អ្នកគាំទ្រ នៅទីនោះ។

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI