ស្ថានទូតអាមេរិកប្រចាំភ្នំពេញប្រាប់ឲ្យជនជាតិរបស់ខ្លួនប្រុងប្រយ័ត្នសន្តិសុខ
ស្ថានទូតអាមេរិកប្រចាំទីក្រុងភ្នំពេញប្រកាសឲ្យពលរដ្ឋរបស់ខ្លួននៅទីក្រុងភ្នំពេញបង្កើនការប្រុងប្រយ័ត្នចំពោះសុវត្ថិភាពផ្ទាល់ខ្លួន។ សេចក្តីប្រកាសនេះត្រូវបានបង្ហោះតាមរយៈគេហទំព័រស្ថានទូតអាមេរិកប្រចាំទីក្រុងភ្នំពេញ។
ចុះផ្សាយនៅថ្ងៃ៖ កែប្រែថ្ងៃទី៖
ស្ថានទូតអាមេរិកប្រកាសថា ពលរដ្ឋអាមេរិកគ្រប់គ្នាត្រូវប្រុងប្រយ័ត្នចំពោះសន្តិសុខ និងសុវត្ថិភាពផ្ទាល់ខ្លួនជាពិសេសពេលដែលពួកគេធ្វើដំណើរពេលយប់ពីព្រោះសកម្មភាពឧក្រិដ្ឋនានាបានកើនឡើងនៅពេលយប់។ ស្ថានទូតអាមេរិកបានប្រាប់ជនជាតិរបស់ខ្លួនថា ឲ្យចៀសវាងដើរម្នាក់ឯង ឬជិះរ៉ឺម៉កទេសចរពេលយប់ និងចៀសវាងកាន់របស់របរសំខាន់នៅជាប់នឹងខ្លួន។ ក្នុងករណីដែលមានចោរប្លន់ ត្រូវប្រគល់របស់នោះឲ្យទៅក្រុមចោរដោយមិនចាំបាច់តតាំងឡើយ។
សេចក្តីប្រកាសព្រមានអំពីសន្តិសុខនេះបានធ្វើឡើងបន្ទាប់ពីមានជនជាតិអាមេរិកម្នាក់ និងជនជាតិជប៉ុនម្នាក់ត្រូវបានក្រុមចោរប្រដាប់អាវុធប្លន់និងបានញ់ឲ្យរបួសនៅម្តុំបឹងកក់ និងជិតផ្សាររាត្រីកាលពីពេលថ្មីៗនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ