ព្រឹត្តិការណ៍​កម្ពុជា​ប្រចាំថ្ងៃ

កំណែ​ទម្រង់​ក្រសួង​ពាណិជ្ជកម្ម​ទទួល​​ការ​ស្វាគមន៍ ប៉ុន្តែ​បក្ស​ប្រឆាំង​ថា លទ្ធផល​គឺ​បញ្ជាក់​សមត្ថភាព​នៃ​បក្សកាន់​អំណាច​

សំឡេង ០៨:០២
លោក ស៊ុន ចាន់ថុល ផ្តល់បទសម្ភាសដល់អ្នកកាសែតក្រោយជំនួបជាមួយរដ្ឋមន្រ្តីជប៉ុន។
លោក ស៊ុន ចាន់ថុល ផ្តល់បទសម្ភាសដល់អ្នកកាសែតក្រោយជំនួបជាមួយរដ្ឋមន្រ្តីជប៉ុន។ RFI

ក្នុង​អាណត្តិ​ទី​៥ ក្រោយ​ការ​ធ្លាក់​ឆ្នោត​យ៉ាង​គំហុក​  រដ្ឋាភិបាល​គណបក្ស​ប្រជាជន​កម្ពុជា បាន​ប្រកាស​កំណែទម្រង់​ស៊ី​ជំរៅ​របស់​ខ្លួន ដើម្បី​ស្តារ​ការ​ទុក​ចិត្ត​ពី​ប្រជាពលរដ្ឋ​ឡើង​វិញ។ ក្រោយ​ការ​បង្កើត​រដ្ឋាភិបាល​ ក្រសួង​ពាណិជ្ជកម្ម ដែល​ជា​សេនាធិការ របស់​រដ្ឋាភិបាល បាន​ប្រកាស​កំណែទម្រង់​ទ្រង់​ទ្រាយ​ធំ។ នៅ​ក្នុងនោះ មាន​ការ​លុបបំបាត់​បក្ស​ពួក​និយម ការ​កិបកេង​ផល​ប្រយោជន៍​តាម​នាយកដ្ឋាន ការ​បង្កើត​ប្រព័ន្ធ​ការងារ​តាម​បែប​អេឡិច​ត្រូនិច​ថ្មី​ ការ​ផ្ទេរ​អំណាច​ទៅ​ដល់​ថ្នាក់​ក្រោម​ជា​ដើម។ ការ​ប្រកាស​នេះ ត្រូវ​បាន​ពាណិជ្ជករ​ប្រកាស​ស្វាគមន៍​ផងដែរ​។ ប៉ុន្តែ​បក្ស​ប្រឆាំង បាន​សម្តែង​មន្ទិល​សង្ស័យ​ ព្រោះ​ថា​​បញ្ហា​បក្ស​ពួក​និយម​ដុះ​ស្នឹម គឺជា​ជំងឺ​នៃ​គណបក្ស​កាន់​អំណាច។​