កម្ពុជា-សេដ្ឋកិច្ច

​ការ​បញ្ជា​ទិញ​សម្លៀក​បំពាក់​ពី​កម្ពុជា ធ្វើ​ឡើង​ភាគ​ច្រើន​រយៈ​ពេល​ខ្លី ខណៈ​ EBA ជា​ផ្នែក​មួយ​ជាប់​ពាក់​ព័ន្ធ​ផង​ដែរ​

កម្មកររោងចក្រកាត់ដេរ (រូបឯកសារ)
កម្មកររោងចក្រកាត់ដេរ (រូបឯកសារ) @Internet

ការ​កម្មង់​ទិញ​នៅ​ក្នុង​វិស័យ​វាយន​ភ័ណ្ឌ ដែល​រួម​មាន​សំលៀក​បំពាក់ ស្បែក​ជើង និង​កាបូប​ធ្វើ​ដំណើរ​ជា​ដើម ត្រូវ​គេ​កត់​សម្គាល់​ថា​ធ្វើ​ឡើង​ភាគ​ច្រើន​សម្រាប់​រយៈ​ពេល​ខ្លី​។ ការ​កម្មង់​ទិញ​រយៈ​ពេល​ខ្លី​នៅ​ចុង​ដំណាច់​ឆ្នាំ​២០១៩​នេះ អ្នក​សហជីព​មួយ​ចំនួន​យល់​ថា​ជា​ការ​បង្ហាញ​ពី​ការ​រារែក ខណៈ អ្នក​បញ្ជា​ទិញ​កំពុង​រង់​ចាំ​មើល​ការ​សម្រេច​ពី​វាសនា EBA របស់​សហ​ភាព​អឺរ៉ុប​។ ក៏​ប៉ុន្តែ​សមា​គម GMAC បញ្ជាក់​ថា​គឺ​ការ​វិវត្តន៍​ទៅ​តាម​និន្នា​ការ​ទីផ្សារ​។ 

ផ្សាយពាណិជ្ជកម្ម

អគ្គ​លេខា​ធិការ​រង​សមាគម​រោង​ចក្រ​កាត់​ដេរ​នៅ​កម្ពុជា (GMAC) លោក កាំង ម៉ូនីកា ថ្លែង​ប្រាប់​វិទ្យុ​បារាំង RFI ថា ការ​បញ្ជារ​ទិញ​ពេញ​មួយ​ឆ្នាំ​លើ​ផលិត​ផល​វាយន​ភណ្ឌ កាត់​ដេរ និង​ដេរ​ស្បែក​ជើង​ពី​កម្ពុជា មិន​មាន​ច្រើន​នោះ​ទេ​។ លោក​ថា និន្នា​ការ​ទីផ្សារ​ពេល​នេះ មាន​ការ​ប្រែ​ប្រួល ជា​ហេតុ​ធ្វើ​ឲ្យ ការ​កម្មង់​ទិញ​ភាគ​ច្រើន គឺ​ធ្វើ​ឡើង​រយៈ​ពេល​ខ្លីៗ ពោល​គឺ​ពី​៣ខែ ទៅ​៦ខែ​ប៉ុណ្ណោះ​។

ការប្រែប្រួ​លនៃការបញ្ជាទិញ​សម្លៀកបំពា​ក់នេះ ក៏មានទំ​នាក់ទំនងផ​ងដែរទៅនឹង​អត្តចរិករបស់អ្ន​កប្រើប្រាស់ ខុសពី​លើកមុន​ដែលអ្នកប្រើ​ប្រាស់ទិញ​ទាំងឡូៗ ទាមទា​ឲ្យមានការ​ផលិតច្រើន ក៏ប៉ុន្តែ​ពេលនេះ អ្នក​ប្រើប្រាស់មានកា​រផ្លាស់ប្តូរឥរិយាបទ ទិញតិច​តួច ដូចជានៅ​សហរដ្ឋអាមេ​រិកជាដើម។ នេះបើតាម​ការកត់សម្គាល់រ​បស់លោក កាំង ម៉ូនីកា។

ពាក់ព័ន្ធទៅ​នឹងថាស្ថានភាពប្រែ​ប្រួលនៃការបញ្ជាទិ​ញសម្លៀកបំ​ពាក់ពីកម្ពុជា​ពីរយៈពេលវែង មកជាការកម្ម​ង់ខ្លីៗនេះ លោកអគ្គលេខា​ធិការរងសមាគម GMAC មិនបដិសេ​ធទាំងស្រុ​ងទេការជាប់ពាក់​ព័ន្ធនឹងភាព​អនុគ្រោះពន្ធអ្វី​ៗទាំងអស់លើ​កលែងតែអាវុ​ធ(EBA)របស់ស​ហភាពអឺរ៉ុប ដែល​នឹងត្រូវសម្រេ​ចថាព្យួរឬក៏អ​ត់សម្រាប់ក​ម្ពុជា នៅខែកុម្ភៈឆ្នាំ​២០២០​ខាងមុខ។

ជាថ្មីម្តងទៀត សមាគម​រោងចក្រកា​ត់ដេរនៅកម្ពុជា(GMAC) នៅតែ​ប្រកាន់​ជំហរព្រួយ​បារម្ភ ប្រសិនបើសហ​ភាពអឺរ៉ុបសម្រេ​ចដកទាំងស្រុង ឬដកផ្នែក​ណាមួយក៏ដោ​យ។ ទោះ​យ៉ាងណា សមាគម GMAC នៅតែ​មានសុទិ​ដ្ឋិនិយមថា សហ​ភាពអឺរ៉ុបនឹងមានកា​រពិចារណាខ្ព​ស់ ចំពោះចំណាត់កា​ររបស់ខ្លួនមកលើ​វិស័យកាត់ដេរ​កម្ពុជា ដោយសា​រឧស្សា​ហកម្មមួ​យនេះ បានបង្ហា​ញពីការធ្វើឲ្យប្រសើ​រឡើងនូវកា​រគោរពល​ក្ខខណ្ឌកា​រងារ និងជាគំរូក្នុ​ងការអនុវត្ត​នៅប្រទេសដទៃផងដែរ​។

សូមរំ​លឹកថា ឧស្សាហកម្ម​កាត់ដេរ និងដេ​រស្បែកជើង​កម្ពុជាបានចាប់​ផ្តើមឡើ​ងកាលពីទសវត្សរ៍ឆ្នាំ៩០ ដែលកា​លនោះមានរោ​ងចក្រប្រមាណ​ជាង៦០ ជាមួយនឹងកម្ម​ករ៨ម៉ឺននា​ក់។ ក៏ប៉ុន្តែបច្ចុ​ប្បន្ននេះ រោងចក្រ​បានកើនដ​ល់១ពា​ន់រោងចក្រ និងមានកម្មករ ជាង៨៤​ម៉ឺននាក់។ មនុស្សប្រមា​ណជា៣លា​ននាក់ផ្សេងទៀត ទទួលផលពី​ឧហ្សាកម្មមួ​យនេះផង​ដែរ។ ក៏​ប៉ុន្តែវិស័យ​កាត់ដេរ ត្រូវបានគេ​គិតថាប្រឈមនឹ​ងការដកប្រព័​ន្ធអនុគ្រោះពី​សហភាពអឺរ៉ុប នៅ​ដើមឆ្នាំក្រោយ ដែលជា​ឥទ្ធិពលនៃនយោ​បាយ ដោយមា​នការចោទប្រ​កាន់មក​លើរដ្ឋាភិបាល​ថាបានជា​ប់ពាក់ព័ន្ធនឹងការរំលោ​ភសិទ្ធិមនុស្ស និងល​ទ្ធិប្រជាធិ​បតេយ្យ ខណៈ​រដ្ឋាភិបាលក​ម្ពុជា បានបង្ហាញ​ឥរិយាបទមិនចុះញ៉ម​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI