កម្ពុជា

ACU កំពុងសាក​សួរ​លោក ស៊ុត ឌីណា ទំនង​អាច​ឈាន​ទៅ​ដល់​ការ​ឃាត់​ខ្លួន

លោក ស៊ុត ឌីណា ​ឯកអគ្គ​​រដ្ឋ​ទូត​​កម្ពុជា​​ប្រចាំ​​ប្រទេស​​កូរ៉េ​​ខាង​​ត្បូង​។
លោក ស៊ុត ឌីណា ​ឯកអគ្គ​​រដ្ឋ​ទូត​​កម្ពុជា​​ប្រចាំ​​ប្រទេស​​កូរ៉េ​​ខាង​​ត្បូង​។ @Facebook

ឯកអគ្គ​រដ្ឋទូត​កម្ពុជា​ប្រចាំ​ប្រទេស​កូរ៉េ​ខាង​ត្បូង លោក ស៊ុត ឌីណា ត្រូវ​បាន​អង្គភាព​ប្រឆាំង​អំពើ​ពុក​រលួយ (ACU) ​កោះ​ហៅ​មក​ធ្វើ​ការ​សាកសួរ ដោយ​សង្ស័យ​ជាប់​ពាក់ព័ន្ធ​ទៅ​នឹង​ការ​ប្រព្រឹត្ត​អំពើ​ពុក​រលួយ។

ផ្សាយពាណិជ្ជកម្ម

លោក ស៊ុត ឌីណា អតីត​ប្រធាន​រណសិរ្ស ប្រជាធិបតេយ្យ និស្សិត​បញ្ញវន្ត​ខ្មែរ ដែល​បាន​ទៅ​ចូលរួម​សកម្មភាព​នយោបាយ​ជាមួយ​សម្តេច​ក្រុម​ព្រះ​នរោត្តម រណ​ឬ​ទ្ធិ នៅ​ឆ្នាំ២០០៦ និង​បន្ទាប់​មក​បាន​បន្ត​ទៅ​ចូលរួម​ជាមួយ​គណបក្ស​ប្រជាជន​កម្ពុជា ដែល​បច្ចុប្បន្ន​មាន​តួនាទី​ជា​ឯកអគ្គរាជទូត​ខ្មែរ ប្រចាំ​នៅ​ប្រទេស​កូរ៉េ​ខាង​ត្បូង បាន​មក​ដល់​ប្រទេស​កម្ពុជា​កាល​ពី​កណ្តាល​អាធ្រាត្រ​យប់​ថ្ងៃ​អាទិត្យ។ លោក​បាន​ចូល​ទៅ​កាន់​អង្គភាព​ប្រឆាំង​អំពើ​ពុក​រលួយ​នៅ​ម៉ោង​៨​ព្រឹក​ថ្ងៃ​ចន្ទ​នេះ បន្ទាប់​ពី​កិច្ច​ប្រជុំ​មួយ​នៅ​ក្រសួង​ការ​បរទេស។

លោក​ទេស​រដ្ឋ​មន្ត្រី ឱម យិនទៀង ប្រធាន​អង្គភាព​ប្រឆាំង​អំពើ​ពុក​រលួយ​បាន​ប្រាប់​វិទ្យុ​បារាំង RFI ថា​មក​ទល់​ថ្ងៃ​ត្រង់​ថ្ងៃ​នេះ ACU នៅ​មិន​ទាន់​សួរ​លោក ស៊ុត ឌីណា ចប់​នៅ​ឡើយ​ទេ ក៏​ប៉ុន្តែ​ចម្លើយ​ និង​ភស្តុតាង ទំនង​ជា​មិន​អាច​គេច​ផុត​ពី​ការ​ឃាត់​ខ្លួន​បញ្ជូន​ទៅ​តុលាការ​ឡើយ។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI