កម្ពុជា-សង្គម

​រដ្ឋា​ភិបាល​នឹង​ចូល​ជួយ​កម្មវិធី​ពិព័រណ៍​សៀវ​ភៅ​កម្ពុជា​ពេញ​ទំហឹង​នៅ​ឆ្នាំ​ក្រោយ​

ពិព័រណ៍សៀវភៅលើកទី៨នាឆ្នាំនេះ ប្រព្រឹត្តធ្វើក្រោមប្រធានបទ «ផ្ដើមក្ដីស្រមៃ ដៃកាន់សៀវភៅ»
ពិព័រណ៍សៀវភៅលើកទី៨នាឆ្នាំនេះ ប្រព្រឹត្តធ្វើក្រោមប្រធានបទ «ផ្ដើមក្ដីស្រមៃ ដៃកាន់សៀវភៅ» @RFI

ពិព័រណ៍​សៀវភៅ​កម្ពុជា​លើក​ទី០៨ ឆ្នាំ​២០១៩​នេះ បាន​ចាប់​ផ្តើម​បើក​ហើយ នៅ​ព្រឹក​ថ្ងៃទី ១៣ រហូត​ដ​ល់ថ្ងៃទី ១៥ ធ្នូ ឆ្នាំ២០១៩នេះ នៅ​ឯ​បរិវេណ​បណ្តា​ល័យ​ជាតិ ស្ថិត​នៅ​ខាង​លិច​រមណីយ​ដ្ឋាន​វត្ត​ភ្នំ​។ ពិធី​បើក​នេះ មាន​ការ​ចូល​រួម​ពី​រដ្ឋ​មន្ត្រី​ចំនួន​ពីរ​ក្រសួង គឺ​ក្រសួង​អប់រំ​យុវ​ជន និង​កីឡា លោក ហង់ ជួន​ណា​រ៉ុន និង​រដ្ឋ​មន្ត្រី​ក្រសួង​ព័ត៌​មាន​លោក ខៀវ កាញ៉ារិទ្ធ ព្រម​ទាំង​លោក​ស្រី នេត្រ ភូម៉ារី តំណាង​រដ្ឋ​មន្ត្រី​ក្រសួង​វប្បធម៌ និង​វិចិត្រ​សិល្បៈ​។ លោក ខៀវ កាញ៉ារិទ្ធ បាន​បញ្ជាក់​ថា រដ្ឋា​ភិបាល​កម្ពុជា​នឹង​ចូល​ជួយ​កម្មវិធី​ពិព័រណ៍​សៀវ​ភៅ​កម្ពុជា​នេះ​ឲ្យ​បាន​ពេញ​ទំហឹង​នៅ​ឆ្នាំ​ក្រោយ តាម​រយៈ​ការរកទីតាំងរៀបចំពិព័រណ៍​នេះឲ្យបានធំទូលា​យជាងនេះ។ ជា​ក់ស្តែ​ងនៅឆ្នាំ២០១៩នេះ ស្តង់ពិ​ព័រណ៍សៀវភៅបា​នហ៊ាចេ​ញទៅក្រៅរបង និងលើផ្លូវផង បន្ទាប់ពី​ស្តង់លក់សៀវ​ភៅបានកើនពី១​១៥ស្តង់កា​លពីឆ្នាំ ២០១៨ ដល់១៤០ស្តង់នៅឆ្នាំ២០១​៩នេះ។ ទន្ទឹមគ្នានេះ គេរំពឹងថា ពិព័រណ៍​សៀវភៅ​ឆ្នាំនេះ នឹងមានអ្ន​កចូលរួ​មកើនឡើងពី៣​០ទៅ៤០% បើ​ធៀបនឹងឆ្នាំទៅដែ​លមានចំនួន​ជាង១៣ម៉ឺននា​ក់ក្នុងរយៈ​ពេល៣ថ្ងៃ។ 

ផ្សាយពាណិជ្ជកម្ម

សូមស្ដាប់ចំណាប់អារម្មណ៍របស់អ្នកចូលរួម និងម្ចាស់ស្តង់សៀវភៅតាមរយៈការជួបសម្ភាសន៍របស់ វ៉ា សំណព្វ៖

សូមបញ្ជា​ក់ថា ពិព័រណ៍​សៀវភៅកម្ពុជា​លើកទី០៨ ឆ្នាំ២​០១៩នេះ មានរ​យៈពេលបី​ថ្ងៃ ចាប់ថ្ងៃទី១៣ ដល់ថ្ងៃទី ១៥ ធ្នូ ឆ្នាំ២០១៩នេះ នៅឯប​រិវេណបណ្តា​ល័យជាតិ ស្ថិត​នៅខាងលិ​ចរមណី​យដ្ឋានវត្តភ្នំ​។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI