លោកស្រី ចៅ ស៊ុនកិរិយា ៖ មិនថានរណាក៏ដោយ ត្រូវតែស្នើសុំការអនុញ្ញាតពីអាជ្ញាធរជាតិអប្សរា មុននឹងរៀបចំពិធីអ្វីមួយនៅបរិវេណប្រាសាទអង្គរវត្ត
ចុះផ្សាយនៅថ្ងៃ៖
ស្តាប់ - ០៦:៤១
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅយប់នេះ គឺលោកស្រី ចៅ ស៊ុនកិរិយា ដែលជាអ្នកនាំពាក្យអាជ្ញាធរជាតិអប្សរា។ អាជ្ញាធរជាតិអប្សរា កាលពីម្សិលមិញនេះ បានចេញសេចក្តីប្រកាសបង្គាប់ប្រាប់ឲ្យគណបក្សសង្គ្រោះជាតិ ដាក់លិខិតស្នើសុំអនុញ្ញាតជាមុនសិន មុននឹងរៀបចំពិធីបែបសាសនាណាមួយ នៅក្នុងបរិវេណខាងមុខប្រាសាទអង្គរវត្ត។ ដោយឡែក ចំពោះគណបក្សសង្គ្រោះជាតិ រហូតមកទល់នឹងពេលនេះ នៅតែបដិសេធថាមិនចាំបាច់សុំច្បាប់អនុញ្ញាតអ្វីទេ ព្រោះការជួបជុំគ្នានៅស្អែកនេះ ជាការប្រមូលផ្តុំគ្នាបួងសួងបែបសាសនា គឺមិនមែនបាតុកម្មអ្វីឡើយ។ ឆ្លើយតបនឹងសំណួររបស់វិទ្យុបារាំងថាបើក្នុងករណីបក្សប្រឆាំងនៅតែព្យាយាមធ្វើការជួបជុំគ្នានៅមុខប្រាសាទអង្គរវត្តដដែលនោះ តើអាជ្ញាធរជាតិអប្សរានឹងចាត់ការយ៉ាងណា? លោកស្រី ចៅ ស៊ុនកិរិយា នៅមិនទាន់អាចបង្ហើបពីចំណាត់ការបានឡើយទេ តែចំពោះលោកស្រីអ្នកនាំពាក្យអាជ្ញាធរជាតិអប្សរារូបនេះ បក្សប្រឆាំងដាច់ដាតត្រូវតែសុំច្បាប់ជាមុនសិន។
