បទយកការណ៍

កវីមីឆា ជិន មាស

សំឡេង ០៨:៤៣
លោក ជិន មាស កំពុង​ឆាមី នៅមុខវត្តធម្មយុត្តិ ឬវត្តកេសារាម នៅខេត្តសៀមរាប!
លោក ជិន មាស កំពុង​ឆាមី នៅមុខវត្តធម្មយុត្តិ ឬវត្តកេសារាម នៅខេត្តសៀមរាប! @Bobo

លោក ជិន មាស គឺអ្នកសរសេរសៀវភៅ​ស្តីពី​ព្រះពុទ្ធសាសនា បាន​ជិត​១០​ចំណង​ជើង​ និង​ជា​ម្ចាស់​​​​ស្នាដៃ​កំណាព្យ តំណក់ទឹក​​ ដែល​បោះពុម្ពឆ្នាំ ​២០១១ ព្រមទាំងរឿង​ប្រលោម​លោក​និង​​សៀវ​ភៅ​វិជ្ជានិពន្ធន៍​មួយ​ចំនួន​ទៀត​​។ លោក​ធ្លាប់​ជាប់​ពាន​រង្វាន់​កំណាព្យ​លេខ​១ទូទាំង​ប្រទេស​​ ពី​សមូហ​កម្ម​អក្សរ​សិល្ប៍ ​នូ ហាច នៅឆ្នាំ​ ២០០៨។​ បច្ចុប្បន្ន ដើម្បី​ស្តារ​ជីវភាព លោក ជិន​ មាស បាន​ចាប់​អាជីព​ជាអ្នក​លក់​មីឆា តាម​ចិញ្ចើម​ថ្នល់ នៅក្នុង​ខេត្តសៀមរាម។​ នៅ​ពេល​​លក់​មីឆា​​មិនសូវ​ដាច់ ឬពេល​ទំនេរ​ពីការ​លក់ដូរ​ លោកតែង​តែ​អាន​សៀវភៅ​មិន​ដែល​ខាន ហើយ​លោក​បាន​បណ្តុះ​​បណ្តាល​ឲ្យ​កូនចូល​ចិត្ត​​សៀវភៅ​ និង​ស្រឡាញ់​ការ​តែងនិពន្ធ​។​ ទន្ទឹម​​នេះ​ លោក ជិន មាស ចង់​ឲ្យ​កូនស្រឡាញ់​ជីវិត​ជា​អ្នកនិពន្ធ ប៉ុន្តែ​មិន​ចង់​ឲ្យ​កូន​ក្លាយ​ជាអ្នក​លក់​មីឆា​ដូច​ខ្លួន​នោះទេ។  ហេង ឧត្តម អ្នក​កាសែត​វិទ្យុ​បារាំង បាន​ចុះទៅដល់ កន្លែង​ដែល​លោក ជិន មាស លក់មីឆា​​ នៅ​មុខ​វត្ត​ធម្មយុត្តិ ឬវត្ត​កេសារាម នៅ​ខេត្ត​សៀមរាប ហើយ​រៀបចំបទយកការណ៍​ជូន​លោកអ្នក​នាង​ស្តាប់​ ៖​