កម្ពុជា

គណបក្ស​ប្រឆាំង​វាយ​តម្លៃ​ស្ថានភាព​នយោបាយ​ឆ្នាំ​២០១៦ ជា​ឆ្នាំ​ដ៏​អាក្រក់ តែ​មិន​បែក​បាក់​គ្នា

សមាជិក​គណៈកម្មាធិការ​នាយក​គណបក្ស​សង្រ្គោះ​ជាតិ បាន​ជួប​ប្រជុំ​គ្នា​នៅ​ថ្ងៃទី​ ២៣​ធ្នូ ឆ្នាំ​២០១៦​នេះ ដើម្បី​ពិនិត្យ​និង​វាយ​តម្លៃ​ទៅ​លើ​ស្ថានភាព​នយោបាយ និង​ហិរញ្ញ​វត្ថុ​របស់​គណបក្ស​ក្នុង​រយៈ​ពេល​ពេញ​មួយ​ឆ្នាំ​ ២០១៦​នេះ។
សមាជិក​គណៈកម្មាធិការ​នាយក​គណបក្ស​សង្រ្គោះ​ជាតិ បាន​ជួប​ប្រជុំ​គ្នា​នៅ​ថ្ងៃទី​ ២៣​ធ្នូ ឆ្នាំ​២០១៦​នេះ ដើម្បី​ពិនិត្យ​និង​វាយ​តម្លៃ​ទៅ​លើ​ស្ថានភាព​នយោបាយ និង​ហិរញ្ញ​វត្ថុ​របស់​គណបក្ស​ក្នុង​រយៈ​ពេល​ពេញ​មួយ​ឆ្នាំ​ ២០១៦​នេះ។

សមាជិក​គណៈកម្មាធិការ​នាយក​គណបក្ស​សង្រ្គោះ​ជាតិ បាន​ជួប​ប្រជុំ​គ្នា​នៅ​ថ្ងៃទី​ ២៣​ធ្នូ ឆ្នាំ​២០១៦​នេះ ដើម្បី​ពិនិត្យ​និង​វាយ​តម្លៃ​ទៅ​លើ​ស្ថានភាព​នយោបាយ និង​ហិរញ្ញ​វត្ថុ​របស់​គណបក្ស​ក្នុង​រយៈ​ពេល​ពេញ​មួយ​ឆ្នាំ​ ២០១៦​នេះ។ អ្វី​ជា​ការ​កត់​សម្គាល់​គណបក្ស​ប្រឆាំង​ដ៏​ធំ​នៅ​កម្ពុជា​នេះ បាន​ជួប​នូវ​បញ្ហា​ប្រឈម​ជា​ច្រើន ប៉ុន្តែ​គណបក្ស​នេះ បាន​គេច​ផុត​ពី​ការ​បែក​បាក់​គ្នា​នៅ​ក្នុង​ឆ្នាំ​២០១៦​នេះ។

ផ្សាយពាណិជ្ជកម្ម

ឆ្នាំ​២០១៦ ​គឺ​ជា​រយៈ​ពេល​ដ៏​អាក្រក់​មួយ​របស់​គណបក្ស​ប្រឆាំង។ ជា​ឆ្នាំ​ ដែល​គណបក្ស​នេះ​ បាន​ប្រឈម​នឹង​ការ​ធ្វើ​ទុក្ខ​បុក​ម្នេញ​ខាង​ផ្នែក​នយោបាយ រាប់​ចាប់​ពី​សមាជិក​រហូត​ដល់​ថ្នាក់​ដឹក​នាំ​កំពូល​ ដែល​មួយ​ចំនួន​ត្រូវ​បាន​ចាប់​ខ្លួន ចោទ​ប្រកាន់ និង​និរទេស​ខ្លួន​ទៅ​ក្រៅ​ប្រទេស​ជា​ដើម។ ក៏​ប៉ុន្តែ​ស្ថាន​ភាព​នេះ ហាក់​វិល​មក​រក​ភាព​ប្រក្រតី​ឡើងវិញ​នៅ​ចុង​ឆ្នាំ​២០១៦​នេះ ក្រោយ​ពី​មាន​ការ​លើក​លែង​ការ​ចោទ​ប្រកាន់​ទៅ​លើ​លោក កឹម សុខា កាល​ពី​ដើម​ខែ​តុលា និង​ការ​ត្រៀម​ដោះលែង​មន្រ្តី​អង្គការ​សិទ្ធិ​មនុស្ស​អាដហុក មន្រ្តី គ.ជ.ប និង​សកម្មជន​គណបក្ស​ប្រឆាំង​មួយ​ចំនួន​ទៀត​នៅ​ចុង​ឆ្នាំ​នេះ។

លោក អេង ឆៃអ៊ាង មន្រ្តី​ជាន់​ខ្ពស់​គណបក្ស​សង្រ្គោះ​ជាតិ​បាន​ថ្លែង​ថា ចំណុច​ខ្លាំង​របស់​គណបក្ស​ប្រឆាំង គឺ​ការ​គេច​ផុត​ពី​ការ​ប៉ុនប៉ង​បំបែក​ពី​គណបក្ស​ជា​គូ​ប្រជែង។ លោក​បាន​ថ្លែង​បញ្ជាក់​ថា យើង​បាន​ដឹង​ពី​ការ​ប៉ុន​ប៉ង​នេះ ក៏​ប៉ុន្តែ​យើង​បាន​ជំនះ​វា ហើយ​ទី​បំផុត​គណបក្ស​បាន​ដើរ​លើ​ផ្លូវ​ដ៏​ត្រឹម​ត្រូវ​មួយ»។ នេះ​បើ​តាម​ការ​ថ្លែង​បញ្ជាក់​ពី​លោក អេង ឆៃអ៊ាង បន្ទាប់​ពី​កិច្ច​ប្រជុំ​គណៈកម្មាធិការ​នាយក​គណបក្ស​សង្រ្គោះ​ជាតិ​ដឹកនាំ​ដោយ​លោក កឹម សុខា ប្រធាន​ស្តីទី​គណបក្ស នៅ​ព្រឹក​ថ្ងៃ​ទី​ ២៣ ធ្នូ ឆ្នាំ​២០១៦​នេះ។ លោក អេង ឆៃអ៊ាង បាន​បញ្ជាក់​បន្ថែម​ថា ការ​តស៊ូ​នយោបាយ​របស់​គណបក្ស​ប្រឆាំង​នៅ​ក្នុង​ប្រទេស​កម្ពុជា មិន​មែន​ជា​ការ​ងាយ​ស្រួល​នោះ​ទេ។ ប៉ុន្តែ​ជោគជ័យ​របស់​គណបក្ស​នេះ​នៅ​ឆ្នាំ​ ២០១៦ គឺ​ជៀស​ផុត​ពី​ការ​បែក​បាក់​គ្នា ហើយ​បាន​រួបរួម​សាមគ្គី​ផ្ទៃ​ក្នុង​មក​ទល់​នឹង​ពេល​នេះ។

សូម​បញ្ជាក់​ថា ក្រៅ​ពី​ការ​ពិភាក្សា​ទៅ​លើ​ស្ថានភាព​នយោបាយ​នៅ​កម្ពុជា​ក្នុង​ឆ្នាំ​ ២០១៦ នេះ កិច្ច​ប្រជុំ​គណៈកម្មាធិការ​នាយក​គណបក្ស​សង្រ្គោះ​ជាតិ​រយៈ​ពេល​ ៣​ខែ​ម្តង​នេះ ក៏​បាន​ពិភាក្សា​ទៅ​លើ​បញ្ហា​ហិរញ្ញ​វត្ថុ​របស់​គណបក្ស​សម្រាប់​ឆ្នាំ​ ២០១៦ និង​ហិរញ្ញ​វត្ថុ​សម្រាប់​ត្រៀម​នៅ​ឆ្នាំ​២០១៧​ផង​ដែរ។ បើ​តាម​លោក អេង ឆៃអ៊ាង គណបក្ស​សង្រ្គោះ​ជាតិ​បាន​ចំណាយ​ថវិកា​អស់​ប្រមាណ​ជា​ ៣០​ម៉ឺន​ដុល្លារ​អាមេរិក​នៅ​ឆ្នាំ​២០១៦។ លោក អេង ឆៃអ៊ាង បាន​គូស​បញ្ជាក់​ថា គណបក្ស​ប្រឆាំង​មិន​មាន​បញ្ហា​លើ​បញ្ហា​ហិរញ្ញ​វត្ថុ​នោះ​ទេ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI